Hebreos 9:26 - Emberá Chamí

²⁶ Maka b̶uad̶a basirã nau iujãa wausiid̶eed̶ebena waitaa Cristo b̶es ãrea biui basii. Maamina nau kaad̶ebena ewarid̶e neeped̶a ichi ida beabisii. B̶es ab̶a maka waud̶aba dachiba kachirua wauped̶aad̶a joma awara b̶usii.

Hebreos 9:26 ပူးပေါင်းရင်းမြစ်များ

Mateo 13:39

Chi kĩramaamaarã, mau sirua kachirua uud̶a jʉbawãe niibʉ. Chi ne uu nub̶uu chaud̶ai ewari jara b̶uu chi baribai ewari. Chi ne uu nub̶uu junabadaurã Dachi Akõre angelerãbʉ.

Mateo 13:40

Sirua kachirua ẽed̶aped̶a baabadau kĩra nau ewari baribaaruud̶e makai.

Mateo 25:34

Maabae mʉ, chi Reyba jua biare panuurãmaa naka jaraaruu: “Machi, mʉ Chachaba biꞌia duanud̶a, nésturu. Ichi puurud̶e biꞌia panásturu. Nau iujãa wausiid̶eed̶ebena mau puuru machi baita waud̶a b̶uu.

Juan 1:29

Mau norema Juanba Jesús ichimaa neeruu unusiid̶e naka jarasii: «¡Ichiásturu! Jãu Dachi Akõre oeja chekebʉ. Ichid̶eeba Dachi Akõreba nau iujãad̶ebenarãba kachirua waubadau perdonabarii.

Juan 17:24

»Chacha, bichiba nau iujãa waui naed̶e mʉ kʉ̃ria b̶uu. Maud̶eeba bajãad̶e mʉ chi mechiu b̶usii. Mʉʉba kʉ̃ria b̶uu joma bichiba mʉʉmaa dead̶arã aria mʉ baara nuread̶ai bichiba mʉ chi mechiu b̶ud̶a unud̶amera.

1 Corintios 10:11

Joma ãchi makad̶aba unubi b̶uu saka Dachi Akõreba kachirua kastikabarii. Mau Dachi Akõre bed̶ead̶e b̶ʉ kub̶uu dachi nau kaad̶earebena ewarid̶e nureerãba ara mau kĩra waurãad̶amera.

Gálatas 4:1

Mau awara naka jara b̶uu: warrba ichi akõred̶e joma adaui b̶umina kaebe niid̶eed̶e chibari baita bari trajabarii kĩra nii.

Efesios 1:10

ichiba b̶ud̶a ewarid̶e maka joma waui: mau ewarid̶e ne joma bajãad̶ebena maud̶e nau iujãad̶ebena Cristo juad̶e b̶ui.

Efesios 5:2

Jomaurã kʉ̃riásturu Cristoba dachi kʉ̃ria b̶uu unubid̶a kĩra. Kʉ̃riad̶eeba dachi kakua ara ichi beabisii Dachi Akõremaa ãnimara baa dearuu kĩra. Dachi Akõreba mau biꞌia unusii.

Tito 2:14

Dachi baita Jesucristoba ara ichi ida beabisii ne joma kachiruad̶ebena karibai baita. Dachi ara ichi baita biꞌia b̶usii ichi puurud̶e panad̶amera maud̶e ne joma biꞌia wau kʉ̃ria panad̶amera.

Hebreos 1:2

Maamina nau kaad̶ebena ewarid̶e ichi Warrd̶eeba dachimaa berreasii. Ichi Warrd̶eeba Dachi Akõreba joma wausii maud̶e mau b̶usii joma uru b̶uamera.

Hebreos 10:10

Dachi Akõreba kʉ̃ria b̶uu Jesucristoba joma wausii. Ara ichi ida beabisii. B̶es ab̶a maka waud̶aba dachi ewaricha Dachi Akõre baita biꞌia b̶usii.

Hebreos 10:12

Maamina Jesucristoba ara ichi ida beabisii kachirua ewaricha awara b̶ui baita. Maabae Dachi Akõre jua biare akʉ b̶eesii.

Hebreos 10:26

Maamina dachiba chi biawãra bed̶ea kuitaaped̶aad̶akare ara dachid̶eeba kachirua wauduubʉrã, waa wãꞌãe Dachi Akõremaa dead̶ai baita mau kachirua ida b̶umera.

Hebreos 10:4

paka mukĩra oaba maud̶e chivo oaba kachirua poyaa awara b̶ukaud̶eeba.

Hebreos 7:27

Ichiba waukau waabenarã paare mechiurãba ewaricha waubadau kĩra. Maarãba ara ãchiba kachirua wauped̶aad̶a kakua naa Dachi Akõremaa ãnimara baa deabachid̶au. Maad̶akare waabena ãnimara baa deabachid̶au waabenarã ẽbẽrarãba kachirua wauped̶aad̶a kakua. Maamina Jesusba ãnimara baa dearuu kĩra ara ichi ida beabisii ẽbẽrarãba kachirua waubadau kakua. B̶es ab̶a maka waud̶aba kachirua joma jeraasii.

Hebreos 9:12

Aria chi «Dachi Akõre baita biꞌia b̶uu piezad̶e» b̶es ab̶a ed̶a wãsii. Wãsiid̶e chivo oa maud̶e paka warr oa Dachi Akõre daad̶e jĩtod̶okai baita adoebasii. Maumaarã ara ichi oa adoesii. B̶es ab̶a maka wausiiba dachi karibasii ewaricha nebʉraswãe nuread̶amera.

Hebreos 9:14

Maka baibʉrã, ¿Cristo oaba dachi biꞌia b̶uwẽka? Cristo kachiruaswãe nibasii. Dachi Akõre Jauri biukauba karibasiid̶eeba ara ichi ida beabisii ãnimara Dachi Akõremaa baa dearuu kĩra. Kachirua wau panuu kakua dachi biud̶ai panasid̶au. Maamina Cristoba ara ichi ida beabisiid̶eeba dachiba kachirua wauped̶aad̶a Dachi Akõreba perdonaped̶a dachi kʉ̃risia jipa b̶usii. Maka chi Dachi Akõre chokae niiba kʉ̃ria b̶uu, mau dachiba poyaa waud̶ai.

1 Pedro 1:20

Nau iujãa waui naed̶e Dachi Akõreba Cristo jʉrʉ adauped̶a nau kaad̶ebena ewarid̶e bʉisii machi biꞌia nuread̶amera.

1 Pedro 2:24

Cristoba dachi kachirua ichi ʉ̃rʉ cruzd̶e adoesii dachi kachiruad̶ebena biud̶aped̶a jipa nuread̶amera. Ichi kakua puꞌuasid̶aud̶eeba machi biꞌia paneesid̶au.

1 Pedro 3:18

Cristo jipa b̶umina kachirua kakua b̶es ab̶a biꞌiwãe b̶uasii. Mauba dachi chi jipawãe nuree Dachi Akõre ome biꞌia b̶usii. Ichi beasid̶au, maamina Dachi Akõre Jaurid̶eeba chokae jiradusii.

1 Pedro 4:7

Kãꞌãabariwãed̶e joma baribai. Maud̶eeba jipa kʉ̃risia panásturu maud̶e kauwa panásturu. Maka Dachi Akõremaa poyaa ʉtaa id̶id̶ai.

1 Juan 3:5

Maamina machiba kuitaa panuu Jesucristo nau iujãad̶aa neesii dachi kachirua awara b̶ui baita. Ichi chi kachirua b̶aꞌãra bid̶a wãꞌãe nii.

1 Juan 3:8

Maamina chi kachirua wau b̶uu jʉbawãe niid̶ebʉ, arab̶aed̶eed̶e jʉbawãe nii kachirua wau b̶uabariid̶eeba. Dachi Akõre Warr nau iujãad̶aa neesii jʉbawãe niiba wau b̶uu poyaai baita.

Apocalipsis 13:8

Maud̶e joma nau iujãad̶ebenarãba chi ãnimaramaa biꞌia berreasid̶au. Iujãa joma waukuai naed̶e maarã trʉ̃ chi Oeja Kaebe Nii kartad̶e wãꞌãe basii. Mau kartad̶e chi ẽbẽrarã joma biud̶aabai panuu trʉ̃ b̶ʉ kub̶uu.

Apocalipsis 17:8

Chi bichiba unud̶a ãnimara naed̶e chokae nibad̶a id̶ibae wãꞌãe. Maamina ewari ab̶ad̶e eakarr ed̶aa chob̶ead̶ebena ʉtaa neeruud̶e, Cristoba mau ewaricha kastikai. Nau iujãad̶ebenarãba chi naed̶e nibad̶a maud̶e id̶ibae wãꞌãe waya neeruu unuuduud̶e kãare kʉ̃risiad̶ai adua panad̶ai. Nau iujãa waui naed̶e ãchi trʉ̃ chi ewaricha chokae duanabarii kartad̶e b̶ʉwẽa b̶uasii.