Hebreos 9:19 - Emberá Chamí

¹⁹ Mau naka b̶uasii: Moisesba ichiba b̶ʉd̶a ẽbẽrarãmaa joma jaraped̶a maabae paka warr oa maud̶e chivo oa bania baara perasii. Hisopo bakuru juad̶e oeja kara puria waud̶a bʉraped̶a oad̶e sunasii. Mau oaba ichiba mau karta ʉ̃rʉ maud̶e ẽbẽrarã ʉ̃rʉ jĩtod̶okasii.

Hebreos 9:19 ပူးပေါင်းရင်းမြစ်များ

Mateo 27:28

Maabae Jesús paru jʉ̃ b̶uad̶a ẽetasid̶au maud̶e anab̶ari jʉ̃barii puria b̶uu jʉ̃bisid̶au.

Marcos 15:17

Maabae anab̶ari jʉ̃barii pupuchia b̶uu jʉ̃bisid̶au. Boro jũra ʉri kad̶a jʉ̃ b̶usid̶au.

Marcos 15:20

Ichi atua jara kopanuuba kachirua jarad̶aped̶a ãchiba chi anab̶ari jʉ̃barii jʉ̃biped̶aad̶a ẽetasid̶au. Maabae ichi paru waya jʉ̃bid̶aped̶a cruzd̶e jirab̶ud̶e adoesid̶au.

Juan 19:2

Maka b̶uud̶e Romad̶ebena kokoroarãba boro jũra ʉri kad̶a Jesús borod̶e jʉ̃ b̶usid̶au, maud̶e anab̶ari jʉ̃barii pupuchia b̶uu jʉ̃ b̶usid̶au.

Juan 19:5

Jesús awara adoeduud̶e boro jũra ʉri kad̶a maud̶e anab̶ari jʉ̃barii pupuchia b̶uu jʉ̃ nibasii. Maud̶e Pilatoba jarasii: —Naubʉ chi ẽbẽra.

Hebreos 1:1

Nabẽraed̶e Dachi Akõreba dachi nabẽrarãmaa b̶es ãrea bed̶ea ne jomad̶e berreabachii. Ichi baita berreabadaurãd̶eeba maka berreabachii.

Hebreos 10:22

Cristoba dachi kʉ̃risia kachirua panad̶a jipa b̶usii dachi sõ ichi oaba jĩtod̶okaaruu kĩra. Dachi Akõre daad̶e biꞌia duanuu dachi kakua bania pawãraaba jeraad̶a kĩra. Maud̶eeba kʉ̃risia ab̶ad̶eeba maud̶e biawãra ijãa panuud̶eeba wãd̶ai panuu.

Hebreos 10:4

paka mukĩra oaba maud̶e chivo oaba kachirua poyaa awara b̶ukaud̶eeba.

Hebreos 12:24

Machi Jesusmaa neesid̶au. Ichid̶eeba ẽbẽrarã Dachi Akõred̶erã ome bed̶ea chiwid̶i deasiid̶e machi ichi oa jĩtod̶okad̶amaa neesid̶au. Jesús oa ched̶aba Abel oa ched̶a audeara kuitaabia b̶uu.

Hebreos 9:12

Aria chi «Dachi Akõre baita biꞌia b̶uu piezad̶e» b̶es ab̶a ed̶a wãsii. Wãsiid̶e chivo oa maud̶e paka warr oa Dachi Akõre daad̶e jĩtod̶okai baita adoebasii. Maumaarã ara ichi oa adoesii. B̶es ab̶a maka wausiiba dachi karibasii ewaricha nebʉraswãe nuread̶amera.

Hebreos 9:13

Paareba paka mukĩra oa, chivo oa maud̶e paka warr baa dead̶a chi jãra ẽbẽrarã ʉ̃rʉ kuabʉibarii. Mauba ẽbẽrarã Dachi Akõre daad̶e kachirua nuread̶a nau kakua ʉ̃rʉbena biꞌia jarebarii.

Hebreos 9:18

Ara mau kĩra Dachi Akõreba israeld̶ebenarã ome chi nabena bed̶ea deasiid̶e ãnimara oa chesii. Mauba kuitaabiasii maarãba mau bed̶ea dead̶a ũribaba panad̶ai panasid̶au.

1 Pedro 1:2

Dachi Bajãad̶ebena Akõreba machi adausii ichiba naed̶e makai kʉ̃risia b̶uad̶a kĩra. Dachi Akõre Jauriba machi ichi baita b̶usii Jesucristod̶e ijãad̶amera maud̶e ichi oad̶eeba Dachi Akõre daad̶e kachiruaswãe nuread̶amera. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uamera maud̶e jirukaraayuwãe b̶uabiamera.