Hebreos 9:10 - Emberá Chamí

¹⁰ Moisesba b̶ʉd̶aba náturu ab̶aburu kuitaabiasii chi dachi kakua chi ʉ̃rʉbena ome waubadau jaradeabadau: kãare kod̶ai panuu, kãare dod̶ai panuu maud̶e Dachi Akõreba jeraabi b̶uu saka jeraad̶ai panuu. Joma mau waubachid̶au ab̶a Dachi Akõreba joma chiwid̶i wauruud̶aa.

Hebreos 9:10 ပူးပေါင်းရင်းမြစ်များ

Marcos 7:4

Maud̶e chi nedobʉibad̶aumarebena deed̶aa need̶aped̶a nabẽraed̶e jaradeabachid̶au kĩra jeraad̶awẽebʉrã kod̶akau. Mau awara ãchi basu, choko, paratu koore waud̶a maud̶e kʉd̶a kauwa jeraabadau. Ne ãrea kauwa waubadau nabẽraed̶ebenaba jaradeabachid̶au kĩra).

Gálatas 4:9

Maamina jãabae machiba Dachi Akõre unubadau. Mʉʉba arakʉd̶e jaraaruubʉrã, Dachi Akõreba machi unubarii. Maka ¿sakãe nau iujãad̶ebena jauri mechiurã waya ijãad̶ai kʉ̃ria panuma, chibari baita bari trajabadaurã kĩra? Mauba machi aid̶akau.

Efesios 1:10

ichiba b̶ud̶a ewarid̶e maka joma waui: mau ewarid̶e ne joma bajãad̶ebena maud̶e nau iujãad̶ebena Cristo juad̶e b̶ui.

Efesios 2:15

Moisesba b̶ʉd̶aba ne ãrea waubiabachii judiorã, judiowãerã awara b̶ui baita. Maamina Cristo biud̶ad̶eeba Moisesba b̶ʉd̶a awara b̶usii puuru wid̶i ab̶ad̶e duanad̶amera maud̶e ãbua jirukaraayuwãe duanad̶amera.

Colosenses 2:16

Maud̶eeba machiba kobadau ʉ̃rʉbena maud̶e dobadau ʉ̃rʉbena ẽbẽrarãba kachirua jaraaduubʉrã, maarã bed̶ea ijãarã́sturu. Machiba ẽbẽrarã kĩrajʉʉ bara b̶uabarii ewari waubadau ewari nud̶akau, jed̶ako wid̶i nud̶akau maud̶e bari panabadau ewari nud̶akau ʉ̃rʉbena maarãba kachirua jaraaduubʉrã, ijãarã́sturu.

Hebreos 10:22

Cristoba dachi kʉ̃risia kachirua panad̶a jipa b̶usii dachi sõ ichi oaba jĩtod̶okaaruu kĩra. Dachi Akõre daad̶e biꞌia duanuu dachi kakua bania pawãraaba jeraad̶a kĩra. Maud̶eeba kʉ̃risia ab̶ad̶eeba maud̶e biawãra ijãa panuud̶eeba wãd̶ai panuu.

Hebreos 13:9

Maamina waabenarãba barikiu ne ãyaa jaradeabadau. Maarãmaa ida setaa kũrabiarã́sturu. Machiba kooduuba maebʉrã kod̶awẽa panuuba aid̶akau. Chi maka wau panuuba biꞌia panad̶akau. Dachi Akõreba ichi sõbiad̶eeba aid̶a b̶uu machiba biꞌia sõd̶eeba ijãad̶amera.

Hebreos 2:5

Chi drua wid̶i neei b̶uu daiba jara panuu, Dachi Akõreba angelerã juad̶e mau b̶uubasii.

Hebreos 6:5

ichi bed̶ea biꞌia b̶uu ũriped̶aad̶akaud̶e maud̶e chi kaad̶ebena iujãa neei poyaabariiba ẽbẽrarãba ne poyaa waud̶akau unuped̶aad̶akaud̶e

Hebreos 7:12

Mau paare june kĩra ãyarebena need̶ad̶eeba, chi ley b̶ʉd̶a sid̶a june ãyaa b̶eei basii.

Hebreos 7:16

Ichi paare b̶eebasii, chi Moisesba b̶ʉd̶a kĩra b̶eesiid̶eeba. Moisesba b̶ʉd̶aba ab̶aburu Levid̶ebena imiiduurã b̶ubarii. Maumaarã Jesús paare b̶eesii ichi poyaabariid̶eeba biukaud̶eeba.

Hebreos 9:1

Dachi Akõre israeld̶ebenarã ome naed̶e bed̶ea deasiid̶e jarasii ichi ãnimara e de nau iujãad̶e waud̶ai panuu maud̶e mau ded̶e saka waud̶ai panuu.