Hebreos 8:5 - Emberá Chamí

⁵ Paarerãba wau panuud̶eeba unubibadau bajãad̶e saka b̶uu. Maud̶eeba Moisesba chi ãnimara e de waui naed̶e Dachi Akõreba ichimaa naka jarasii: «Joma arakʉd̶e kauwa wause mʉʉba ead̶e unubid̶a kĩra».

Hebreos 8:5 ပူးပေါင်းရင်းမြစ်များ

Mateo 2:12

Mau maad̶akare Dachi Akõreba kamokaraad̶e jarasii Herodesmaa wãd̶aabai. Maud̶eeba o ãyare wãsid̶au ãchi druad̶aa.

Hechos 7:44

»Drua sirua wãꞌãe b̶uud̶e dachi nabẽraed̶ebenarãba Dachi Akõre de ãnimara e waud̶a adoebachid̶au kĩrabad̶ayua Dachi Akõre aria b̶uu ãchi baara. Dachi Akõreba Moisesmaa de e waubisii ichimaa unubid̶a kĩra.

Colosenses 2:17

Dachi Akõreba joma mau waui b̶uad̶a tõroroa unubi b̶uasii. Maamina ichiba waui jarad̶a Cristod̶eeba joma wausii.

Hebreos 10:1

Moisesba b̶ʉd̶aba joma ne bia Cristod̶eeba neei ʉ̃rʉbena biꞌia dod̶aa unubiwẽa b̶uu. Mau ne bia Moisesba b̶ʉd̶aba deakau. Maud̶eeba Moisesba b̶ʉd̶aba chi Dachi Akõremaa ãnimara baa dead̶e wãbadaurã poyaa jipa nibabiakau.

Hebreos 11:7

Dachi Akõreba Noemaa jarasii chi wabid̶a unukau neei ʉ̃rʉbena. Noeba mau ijãasiid̶eeba, Dachi Akõre wapea b̶uasiid̶eeba jãba mechiu wausii ichi ded̶ebenarã karibai baita. Maka nau iujãad̶ebenarãmaa kachiruad̶e duanuu unubiasii. Ichiba ijãasiid̶eeba Dachi Akõreba ichi jipa nii unusii.

Hebreos 12:25

Maud̶eeba kauwa duanásturu Dachi Akõreba jara b̶uu ida b̶urãad̶amera. Chi ichiba nau iujãad̶e Sinaí ead̶e jarad̶a ida b̶uped̶aad̶arã kastikad̶ebena poyaa jĩichoad̶aabasii. Maud̶eeba chi ichiba bajãad̶ebena dachi sõd̶e jara b̶uu ida b̶uuduubʉrã ¿jĩichoad̶aika? Jĩichoad̶aabai b̶uu.

Hebreos 13:10

Dachiba Jesús uru panuu ãnimara dachi kachirua kakua baa deaped̶aad̶a kĩra. Maamina paarerãba ãchi kachirua wauped̶aad̶a kakua ne baa dea panuuba Jesusd̶ebena ne bia poyaa uru panad̶aabai.

Hebreos 9:9

Nau ʉ̃raud̶e joma mauba unubi b̶uu Dachi Akõremaa ne kaebea dea panuud̶eeba maud̶e ãnimara baa dea panuud̶eeba chi maka wau nuree kʉ̃risia poyaa jipa nureewãe.

Apocalipsis 15:5

Mau maad̶akare mʉʉba ʉtaa bajãad̶aa ichiasiid̶e unusii Dachi Akõre de mechiud̶e ed̶a kẽsa paru jiranuu ewa jiranasii.