Hebreos 6:18 - Emberá Chamí

¹⁸ Dachi Akõreba setaa jarakaud̶eeba ichiba deai jarad̶a biawãra deai maud̶e ichi trʉ̃d̶eeba jarad̶a ãyaa waubai. Mau bed̶ea ome maka jara b̶uud̶eeba Dachi Akõre dachiba jʉrʉbadau dai karibamera maud̶e kʉ̃riamera. Ichiba jarad̶a biawãra waui kuitaa panuud̶eeba dachiba poyaa perad̶awẽa ijãa panad̶ai. Maud̶e chi Jesusd̶eeba adaud̶ai esed̶au panuu ida b̶ud̶aabai.

Hebreos 6:18 ပူးပေါင်းရင်းမြစ်များ

Mateo 24:35

Bajãa maud̶e iujãa waa b̶uabai, maamina mʉ bed̶ea biawãra ewaricha b̶uai.

Mateo 3:7

Maka b̶uud̶e waabenarã Moisesba b̶ʉd̶a jaradeabadau neesid̶au Juanba boro eamera. Waabenarã fariseorã basii; waabenarã saduceorã basii. Maamina Juanba ãchi unuuruud̶e jarasii: «Ẽbẽrarã dama kĩra nuree, ¿kaiba jarasma machi Dachi Akõre kĩruuruud̶e poyaa mirud̶ayu?

Lucas 2:25

Mau ewarid̶e ẽbẽra Simeón abadau Jerusalend̶e b̶uasii. Mau Simeón jipa b̶uasii maud̶e Dachi Akõreba jara b̶uu biꞌia waubachii. Ichiba esed̶au b̶uasii Dachi Akõreba Israel puuru sõbiabii ewari. Dachi Akõre Jauri ichi ome b̶uasii.

Romanos 15:5

Mʉʉba kʉ̃ria b̶uu ara mau dachi sõbia nureabiabarii maud̶e joma dauchia jãadua panabiabarii Dachi Akõreba machi aid̶a b̶uai, arab̶aud̶e kʉ̃risiad̶amera Jesucristoba kʉ̃ria b̶uu kĩra.

Romanos 3:25

Dachi Akõreba Jesucristo b̶usii ichi oa chemera, dachi kachirua kakua. Mau ijãaduud̶e Dachi Akõreba dachi kachirua perdonabarii. Maka unubia b̶uu Dachi Akõre jipa nii, dachi karibai baita. Cristo neei naed̶e kachirua wauped̶aad̶a Dachi Akõreba joma dauchia jãadua b̶uud̶eeba kastikawẽa b̶uasii.

Romanos 3:4

Makawãema. Dachi Akõreba waui jarad̶a biawãra joma waui. Ẽbẽrarã setaa jarabadamina Dachi Akõreba waubarii ichiba jara b̶uu kĩra. Ichi Bed̶ead̶e naka b̶ʉ kub̶uu: «Jomaurãba kuitaad̶ai bichiba jara b̶uu jipa b̶uu; ab̶auba bichi ʉ̃rʉbena kachirua jaraaruud̶e bichiba kuitaabiai bichi jipa nii».

Romanos 5:5

Mau setawãema, maumaarã biawãra adaud̶ai. Maka kuitaa panuu Dachi Akõreba ichi Jauri dachimaa deasiid̶eeba. Ichi Jaurid̶eeba dachi sõd̶e kuitaabia b̶uu dachi biawãra ãrea kʉ̃ria b̶uu.

Filipenses 2:1

Cristod̶e kĩrajʉʉ panuud̶eeba, machi kĩrajʉʉbia b̶uu ichiba kʉ̃ria b̶uud̶eeba, Dachi Akõre Jauri machi ome b̶uud̶eeba maud̶e ichi kʉ̃riaba machi kĩra chuburia b̶uud̶eeba,

Colosenses 1:23

Maud̶eeba Cristod̶e ãrea ijãa panuud̶eeba dauchia jãadua nuread̶ai panuu. Chi bed̶ea bia Cristo ʉ̃rʉbena machiba ũriped̶aad̶a ida b̶ud̶aabai panuu, maumaarã Dachi Akõreba deai jarad̶a esed̶aud̶ai panuu. Mau bed̶ea bia joma nau iujãad̶e jaradea panuu. Ara mau bed̶ea mʉa bid̶a jaradea b̶uu.

Colosenses 1:27

Mau bed̶ea naed̶e kuitaabiawẽa b̶uad̶a, ichid̶irãmaa kuitaabiasii. Mau bed̶ea bia chi judiowãerã baita bid̶a b̶uu. Ichiba kuitaabiawẽa b̶uad̶a nau: Cristo machi sõd̶e b̶uu. Ichid̶eeba kuitaa panuu ichi biad̶eeba ne adaud̶ai.

Colosenses 1:5

Machi maka panuu, kuitaa panuud̶eeba Dachi Akõreba machi baita ne bia bajãad̶e nu uru b̶uu. Mau machiba naed̶e ũrisid̶au chi bed̶ea biawãra Jesucristo ʉ̃rʉbena machimaa neesiid̶e. Mau bed̶ea bia

1 Tesalonicenses 1:10

Ãchiba jara panuu saka machiba Dachi Akõre Warr Jesús bajãad̶ebena neei esed̶au panuu. Ara mau Jesús Dachi Akõreba biud̶ad̶ebena chokae jiradubisii. Mauba Dachi Akõreba dachi kastikai bad̶a karibasii.

1 Timoteo 1:1

Mʉ Pablobʉ, Jesucristoba bʉid̶a. Dachi Akõre chi Karibabariiba maud̶e Dachi Mechiu Jesucristoba mʉ naka b̶usid̶au. Ara mau Jesucristod̶eeba dachi biawãra biꞌia nuread̶ai kuitaa panuu. Dachiba Jesucristod̶e ijãabadau maud̶e ichi kakua biꞌia nuread̶ai kuitaabadau.

1 Timoteo 6:12

Cristod̶e ne joma ijãa b̶uase biꞌia chĩobarii kĩra. Maka bichi ewaricha Dachi Akõre ome chokae b̶uai. Ãrea panuurã daad̶e, bichiba Cristod̶e ijãa b̶uu jarasiid̶e Dachi Akõreba bichi iusii mau chokae b̶uai uru b̶uamera.

2 Timoteo 2:13

Dachiba jara panuu kĩra waud̶awẽebʉrã, dachi maka panumina, ichiba jara b̶uu kĩra waubarii, ara ichiba jarad̶a meraabai b̶uud̶eeba.

Tito 1:2

Chi maka ijãa panuuba Dachi Akõre ome ewaricha chokae panad̶ai baita esed̶au panuu, nau drua waui naed̶e Dachi Akõre setaa jarakauba maka waui asiid̶eeba.

Hebreos 11:7

Dachi Akõreba Noemaa jarasii chi wabid̶a unukau neei ʉ̃rʉbena. Noeba mau ijãasiid̶eeba, Dachi Akõre wapea b̶uasiid̶eeba jãba mechiu wausii ichi ded̶ebenarã karibai baita. Maka nau iujãad̶ebenarãmaa kachiruad̶e duanuu unubiasii. Ichiba ijãasiid̶eeba Dachi Akõreba ichi jipa nii unusii.

Hebreos 3:11

Maud̶e ichi kĩruped̶a biawãra naka jarasii: “Mʉʉba kʉrrjĩrubiaimaa jãarã wãd̶aabai”».

Hebreos 3:6

Maamina Dachi Akõre warr Cristo baerã, mau ẽbẽrarã mechiubʉ. Ãchi ome joma arakʉd̶e wau b̶uu. Dachiba Cristod̶e ijãa panuubʉrã maud̶e ichid̶eeba adaud̶ai kĩrajʉʉ esed̶au panuubʉrã, ẽbẽrarã Dachi Akõred̶erãbʉ.

Hebreos 6:17

Ara mau kĩra Dachi Akõreba arakʉd̶e kuitaabiai kʉ̃riasii chi ichiba deai jarad̶a ẽbẽrarãba mau biawãra adaud̶ai maud̶e ichiba kʉ̃risia b̶uu kĩra biawãra waubarii. Maud̶eeba ara ichi trʉ̃d̶eeba deai asii.

Hebreos 7:19

maud̶e mau Moisesba b̶ʉd̶aba ab̶a bid̶a jipa nibabiabasii. Mau Moisesba b̶ʉd̶a audeara Dachi Akõreba ne bia deasii dachi karibai baita. Maud̶eeba dachi Dachi Akõremaa ara kaita wãbadau.

1 Juan 1:10

Kachirua waud̶akau aaduubʉrã, Dachi Akõre chi seta nii a panuu maud̶e ichi bed̶ea ijãad̶awẽa panuu.

1 Juan 5:10

Chi Dachi Akõre Warr ijãa b̶uuba ichi sõd̶e kuitaa b̶uu Dachi Akõreba jara b̶uu biawãra. Maamina chi Dachi Akõreba jara b̶uu ijãawẽa b̶uuba chi mauba setaa jara b̶uu a kʉ̃risia b̶uu, ichi Warr ʉ̃rʉbena jara b̶uu ijãawẽa b̶uud̶eeba.