Hebreos 6:12 - Emberá Chamí

¹² Daiba kʉ̃riad̶awẽe machi koꞌoa nuread̶ai, maumaarã kʉ̃ria panuu machi waabenarã ãbarã kĩra nuread̶ai. Ãchiba Cristod̶e ijãa panuud̶eeba maud̶e joma jãadua panuud̶eeba, Dachi Akõreba deai jarad̶a joma adaud̶ai.

Hebreos 6:12 ပူးပေါင်းရင်းမြစ်များ

Mateo 22:32

Naka jarasii: “Mʉ Abraham Akõre Mechiubʉ, Isaac Akõre Mechiubʉ maud̶e Jacob Akõre Mechiubʉ”. Mau chi biuped̶aad̶a Akõre Mechiuwãe, maumaarã chokae nuree Akõre Mechiubʉ.

Mateo 25:26

Maud̶e chi chibariba jarasii: “¡Trajabarii kachirua, bichi koꞌoa nii! Bichiba biawãra kuitaa b̶uasii mʉʉba waabenarã trajud̶eeba adaubarii maud̶e waabenarãba uuped̶aad̶a adaubarii.

Lucas 16:22

»Maka panuud̶e mau chi nejarr barauwãe nii biusii. Ara makʉd̶e angelerãba ichi Abraham b̶uumaa adoesid̶au. Mau maad̶akare chi nejarra barau nii sid̶a biusii. Maabae mau jau b̶usid̶au.

Lucas 8:15

Maamina netaa ioro biad̶e b̶aed̶a nau jara b̶uu: sõ jipa nureerãba maud̶e kʉ̃risia bia nureerãba Dachi Akõre bed̶ea ũrid̶aped̶a biawãra ijãabadau. Ãchiba ijãa panuu ida b̶ud̶akaud̶eeba ne bia waubadau.

Romanos 12:11

Koꞌoa panarã́sturu, maumaarã chokekea panásturu. Chi Dachi Mechiu Jesusba kʉ̃ria b̶uu sõd̶eeba joma wáusturu.

Romanos 2:7

Chi nureerãba biꞌia wau panuu Dachi Akõreba maarã biꞌia unumera, biꞌia jaramera maud̶e ewaricha ãchi ome chokae b̶uamera. Maarã biawãra chokae panabiai.

Romanos 4:12

Maud̶e Abrahamba mukĩra chi kakua tõoi naed̶e ijãa b̶uad̶a kĩra mukĩra chi kakua tõo nureerãba ijãaduubʉrã Abraham ãchi akõrebʉ.

1 Tesalonicenses 1:3

Daiba Dachi Akõre daad̶e ewaricha kĩraba panuu machiba Dachi Akõred̶e ijãa panuud̶eeba biꞌia wau panuu, kʉ̃riad̶eeba waabenarã kariba panuu maud̶e Dachi Mechiu Jesucristoba machi karibai ida b̶ud̶awẽa esed̶au panuu.

2 Tesalonicenses 1:4

Mau baita daiba ẽbẽrarã Dachi Akõred̶erã panuucha machi ʉ̃rʉbena kĩrajʉʉ nebʉrʉbadau. Daiba jarabadau ẽbẽrarãba kachirua waud̶ai baita wãraa panumina machiba Cristod̶e wabid̶a ijãa panuu maud̶e ãrea biꞌiwãe panumina joma dauchia jãadua panuu.

Hebreos 1:14

Makarã, ¿Angelerã kairãma? Maarã joma Dachi Akõre baita nureed̶eeba, ãchi bʉikabarii chi ichiba karibai b̶uurã aid̶ad̶amera.

Hebreos 10:36

Machiba mau joma esed̶au panad̶ai panuu. Makaburu Dachi Akõreba kʉ̃ria b̶uu waud̶aped̶a ichiba deai jarad̶a joma adaud̶ai.

Hebreos 11:33

Dachi Akõred̶e ijãa panasiid̶eeba chi nureeba drua poyaasid̶au, chi nureeba ãchi drua jipa uru nureasii maud̶e chi nureeba drua nau iujãad̶e Dachi Akõreba deai jarad̶a irsibisid̶au. Dachi Akõred̶e ijãa panasiid̶eeba chi nuree Dachi Akõreba imamamaa ida kobiabasii.

Hebreos 12:1

Mau ẽbẽrarã ãreaba Dachi Akõred̶e maka biawãra ijãasid̶aud̶eeba, dachia bid̶a ara mau kĩra ijãa panad̶ai panuu. Chi dachimaa ida ijãabiakau maud̶e ara dachiba kachirua waubadauba dachi b̶ʉra uru b̶uabarii ãyaa b̶ud̶aped̶a, maabae joma dauchia jãadua panuud̶eeba wã́duru chi need̶ai panuumaa bad̶ai baita.

Hebreos 13:7

Machi karrarã kĩrabásturu. Maarãba Dachi Akõre bed̶ea machimaa jaradeasid̶au. Kʉ̃risiásturu ãchi saka nibasid̶au maud̶e maka nid̶auba kãare sakasii. Ãchiba Cristod̶e ijãa panad̶a kĩra machia bid̶a ijãa panásturu.

Hebreos 5:11

Mau ʉ̃rʉbena daiba ãrea jaradea kʉ̃ria panuu. Maamina chaarea b̶uu arakʉd̶e jaradead̶ai, machiba kauwa ũrid̶akaud̶eeba.

Hebreos 6:15

Abraham joma jãadua esed̶au b̶uud̶eeba, Dachi Akõreba warr deai jarad̶a unusii.

Santiago 1:3

Machiba kuitaa panuu maka ãrea biꞌiwãe panuud̶e Dachi Akõred̶e ijãa paneeduubʉrã, biꞌia dauchia jãaduad̶ai kuitaad̶ai.

2 Pedro 1:10

Ãbarã, Dachi Akõreba machi iuped̶a jʉrʉ adausii. Biawãra maka nuree unubid̶ai baita chokekea panásturu. Maka wauduubʉrã b̶aed̶aabai.

1 Juan 2:25

Maka ãbua panuubʉrã, Cristoba dachimaa biawãra jarasii ewaricha Dachi Akõre ome chokae panad̶ai.

Apocalipsis 13:10

«Chi jʉ̃ad̶ai panuu, mau jʉ̃ad̶ai. Chi espadaba biud̶ai panuu, mau espadaba biud̶ai». Maud̶eeba ẽbẽrarã Dachi Akõred̶erã ãrea ijãad̶aped̶a ãrea dauchia jãadua panad̶ai panuu.