Hebreos 6:10 - Emberá Chamí

¹⁰ Dachi Akõre jipa niid̶eeba machiba biꞌia wau panuu maud̶e ichi kʉ̃ria panuu kʉde uru b̶uu ida b̶uubai. Ẽbẽrarã ichid̶irã aid̶a panuud̶eeba machiba unubisid̶au ichi kʉ̃ria panuu. Maud̶e wabid̶a maarã aid̶a panuu.

Hebreos 6:10 ပူးပေါင်းရင်းမြစ်များ

Mateo 10:42

Mʉʉba jaraaruu: ab̶auba mʉ baara nibabadaurã chi kaebeu b̶eerãmaa bania kũrasãa dearuubʉrã, Dachi Akõreba biawãra mau ẽbẽramaa ne bia deai».

Mateo 20:7

Ãchiba panausid̶au: “Ab̶au bid̶a daimaa traju dead̶awẽed̶eeba, trajad̶awẽa panuu”. Maabae ichiba jarasii: “Machi sid̶a trajad̶e wã́sturu, mʉ drua uva uud̶ad̶aa. Mau bare mʉʉba chi nejarra arakʉd̶e deai”.

Mateo 25:17

Ara mau kĩra chi 2.000 adaud̶aba maucha 2.000 adausii.

Marcos 9:41

Biawãra ara mʉʉba jaraaruu: machi mʉʉd̶ed̶eeba barikiuba machimaa bania dead̶akaaruubʉrã, Dachi Akõreba biawãra mau ẽbẽramaa ne bia deai.

Juan 13:20

Mʉʉba biawãra jaraaruu: mʉʉba bʉiruu ab̶auba biꞌia irsibiiruubʉrã mʉ biꞌia irsibiiruu. Maud̶e mʉ biꞌia irsibiiruuba mʉ bʉid̶a biꞌia irsibiiruu».

Hechos 10:31

Mau ẽbẽraba mʉʉmaa jarasii: “Cornelio, bichiba ʉtaa id̶i b̶uad̶a Dachi Akõreba biꞌia ũrisii. Ichiba kĩraba b̶uu chi bichiba chi nejarr barauwãe nuree aid̶abarii.

Hechos 10:4

Cornelioba chi ángel kĩedarrmaa apii ichiaped̶a ãrea wapeaba id̶isii: —¿Kãare kʉ̃ria b̶uma? Maabae chi angelba jarasii: —Bichiba Dachi Akõremaa ʉtaa id̶ibarii maud̶e chi nejarr barauwãe nuree aid̶abarii ichiba biꞌia unu b̶uu ichimaa ne baa dearuu kĩra.

Hechos 11:29

Maud̶eeba Jesusd̶e ijãabadaurã Antioquiad̶e panuu bed̶ea deasid̶au chi nejarra ãbarã Judea druad̶e nuree baita urubʉid̶ai baita. Ãchicha poyaa deaduu kĩra dead̶ai asid̶au.

Romanos 12:13

Ẽbẽrarã Dachi Akõred̶erã chi nejarr barauwãe nuree aid̶ásturu. Chi machi ded̶e needuu biꞌia irsibísturu.

2 Corintios 9:1

Machiba ãbarã Jerusalend̶ebena baita chi nejarra pe panuu ʉ̃rʉbena mʉʉba nau kartad̶e waa b̶ʉʉbai b̶uu,

Gálatas 5:13

Ãbarã, Dachi Akõreba machi iusii ichiba ena duanad̶amera. Maamina karibaped̶aad̶ad̶eeba kʉ̃risiarã́sturu machi kakuaba kʉ̃ria b̶uu kĩra waud̶ai panuu. Maumaarã biawãra kʉ̃riad̶eeba chiya aid̶ásturu.

Gálatas 5:6

Cristo Jesusba mukĩra chi kakua tõo b̶uai maebʉrã mukĩra chi kakua tõowẽa b̶uai biꞌia unuwẽa b̶uu. Maumaarã chi ichid̶e ijãa b̶uud̶eeba ichi ome ãbua b̶uu maud̶e waabenarã kʉ̃ria b̶uu.

Gálatas 6:10

Maud̶eeba dachiba poyaaduucha, jomaurã biꞌia aid̶ad̶ai panuu. Chi Jesusd̶e ijãabadaurã maka aude aid̶ad̶ai panuu.

Colosenses 3:17

Machi berreaduud̶e maud̶e ne wauduud̶e joma wáusturu Dachi Mechiu Jesusba kʉ̃ria b̶uu kĩra. Ichid̶eeba Dachi Bajãad̶ebena Akõremaa ichíturu kid̶ibai ásturu.

1 Tesalonicenses 1:3

Daiba Dachi Akõre daad̶e ewaricha kĩraba panuu machiba Dachi Akõred̶e ijãa panuud̶eeba biꞌia wau panuu, kʉ̃riad̶eeba waabenarã kariba panuu maud̶e Dachi Mechiu Jesucristoba machi karibai ida b̶ud̶awẽa esed̶au panuu.

1 Timoteo 6:18

Chi barau nureerãmaa jarase jomaurã ome biꞌia waud̶amera. Maud̶e jarase ãchiba uru panuud̶ebena sõbiad̶eeba waabenarãmaa dead̶ai baita panad̶ai panuu.

2 Timoteo 4:8

Mʉʉba jipa wau b̶uu baita Dachi Mechiuba mʉ baita boro jũra nu uru b̶uu. Ichiba jipa ichiabariid̶eeba mau boro jũra mʉʉmaa deai ichiba ichiaruud̶e. Maamina ab̶aburu mʉʉmaa deabai, maumaarã joma ichi neei ewari unu kʉ̃ria nureerãmaa deai.

Hebreos 10:32

Kĩrabásturu machiba naed̶e chi biawãra bed̶ea kuitaasid̶aud̶e saka panasii. Mau ewarid̶e machi ãrea biꞌiwãe panad̶a dauchia jãadua panasid̶au.

Hebreos 13:16

Kĩrabad̶ai ida b̶urã́sturu biꞌia waud̶ai baita maud̶e machiba uru panuud̶eeba chiya aid̶ad̶ai baita. Joma mau Dachi Akõreba biꞌia unu b̶uu ãnimara baa deaduu kĩra.

1 Juan 1:9

Dachi Akõreba jara b̶uu kĩra ara ichiba waubariid̶eeba, maud̶e jipa waubariid̶eeba, dachiba kachirua wauped̶aad̶a ichimaa jaraaduubʉrã, mau kachirua perdonai. Joma kachirua wauped̶aad̶a jeraai.