Hebreos 5:7 - Emberá Chamí

⁷ Cristo nau kakuad̶e b̶uasiid̶e jẽa b̶uuba Dachi Akõremaa jĩwa chi chuburia id̶isii, Dachi Akõreba ichi biuid̶ebena poyaa karibai b̶uasiid̶eeba. Maud̶e Dachi Akõreba kʉ̃ria b̶uu kĩra waui asiid̶eeba, Dachi Akõreba ichiba ʉtaa id̶id̶a biꞌia ũrisii.

Hebreos 5:7 ပူးပေါင်းရင်းမြစ်များ

Mateo 27:46

Ãsa ʉ̃rʉ õbea baaruud̶e Jesusba jĩwa jarasii: —¿Elí, Elí, lama sabactani? Mau arameo bed̶ead̶e jara b̶uu: «Chacha, Chacha ¿sakãe mʉ ida b̶uisma?»

Mateo 27:50

Maka b̶uud̶e Jesús waya jĩwa b̶iaped̶a biusii.

Marcos 15:34

Ãsa ʉ̃rʉ õbea baaruud̶e Jesusba jĩwa jarasii: «Eloi, Eloi, ¿lama sabactani?» Mau arameo bed̶ead̶e jara b̶uu: «Chacha, Chacha, ¿Sakãe mʉ ida b̶uisma?»

Marcos 15:37

Maka b̶uud̶e Jesús jĩwa b̶iaped̶a biusii.

Lucas 23:46

Ara makʉd̶e Jesusba jĩwa jarasii: —Chacha, mʉ jauri bichi juad̶e b̶uuruu. Maka jaraped̶a biusii.

Juan 1:14

Chi Bed̶ea ẽbẽra kakuad̶e b̶uaped̶a dachi tãed̶e nibabachii. Ichi sõbiad̶eeba dachi ãrea aid̶asii. Ichiba dachimaa arakʉd̶e kuitaabiasii Dachi Akõre biawãra saka nii. Maud̶e daiba ichi joma mechiu nii unusid̶au, Dachi Akõre Warr maka niid̶eeba.

Juan 11:35

Jesús jẽasii.

Juan 11:42

Mʉʉba kuitaa b̶uu bichiba mʉ bed̶ea ũri b̶uabarii, maamina mʉʉba nau jarasii naarã ẽbẽrarãba kuitaad̶amera bichiaburu mʉ bʉisii.

Juan 17:1

Jesusba maka jarasiid̶e bajãad̶aa ichiaped̶a jarasii: «Chacha, mʉ ewari neesii. Bichi Warr chi mechiu nii unubise bichi Warrba bichi biawãra chi mechiu nii unubimera.

Romanos 8:3

Moisesba b̶ʉd̶aba dachi kachiruad̶ebena poyaa enabiaibasii. Chi nau kakuaba wau kʉ̃ria b̶uud̶eeba nibabadaurãba mau Moisesba b̶ʉd̶a waud̶ai bad̶amaarã kachirua waubadau. Maamina Dachi Akõreba ichi Warr bʉisii dachi chi kachiruarã kĩra b̶uamera. Maud̶e dachiba kachirua wauped̶aad̶a kakua biusii. Maka chi dachi kakua kachirua wauped̶aad̶a Dachi Akõreba kastikasii.

Gálatas 4:4

Maamina Dachi Akõreba jarad̶a ewari neesiid̶e ichi Warr nau iujãad̶aa bʉisii. Mau Warr wẽraba adausii maud̶e Moisesba b̶ʉd̶a waui b̶uasii.

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.

Hebreos 10:10

Dachi Akõreba kʉ̃ria b̶uu Jesucristoba joma wausii. Ara ichi ida beabisii. B̶es ab̶a maka waud̶aba dachi ewaricha Dachi Akõre baita biꞌia b̶usii.

Hebreos 10:5

Maud̶eeba Cristo nau iujãad̶aa neesiid̶e ichiba Dachi Akõremaa naka jarasii: «Bichiba ãnimara bichimaa baa dead̶ai maud̶e ne kaebea dead̶ai kʉ̃riawẽa b̶uu. Maamina bichiba mʉʉmaa kakua deasii mau deamera.

Hebreos 11:7

Dachi Akõreba Noemaa jarasii chi wabid̶a unukau neei ʉ̃rʉbena. Noeba mau ijãasiid̶eeba, Dachi Akõre wapea b̶uasiid̶eeba jãba mechiu wausii ichi ded̶ebenarã karibai baita. Maka nau iujãad̶ebenarãmaa kachiruad̶e duanuu unubiasii. Ichiba ijãasiid̶eeba Dachi Akõreba ichi jipa nii unusii.

Hebreos 12:28

Dachi Akõre jua wãꞌãekaud̶e panad̶aid̶eeba ichimaa bichíturu kid̶ibai ad̶ai panuu. Ãrea wapea panuud̶eeba ichimaa biꞌia berread̶ai panuu ichiba kʉ̃ria b̶uu kĩra,

Hebreos 13:20

Dachi Mechiu Jesucristo chi Oeja Nubarii Mechiubʉ. Dachi Akõreba chi dachi jirukaraayuwãe b̶uai deabarii ichi biu b̶uad̶a chokae jiradubisii. Jesucristo oad̶eeba ẽbẽrarã Dachi Akõred̶erã ome bed̶ea deasii. Mau ewaricha b̶uai.

Hebreos 2:14

Maarã kiuru maud̶e oa nureed̶eeba Jesús sid̶a arab̶aud̶e maarã ẽbẽra kĩra neesii ichi biuruuba jʉbawãe nii poyaai baita. Jʉbawãe niiba poyaa biubiabarii.

1 Juan 4:3

Maamina ab̶auba Jesucristo nau kakuad̶e neebasii aaruubʉrã, Dachi Akõre Jaurid̶eeba berrea b̶uuwãe. Chi Cristo kĩramaabariid̶eeba berrea b̶uu. Machiba ũrisid̶au Cristo kĩramaabarii neei b̶uu. Biawãra mau nau iujãad̶e b̶uu.

2 Juan 1:7

Chi nuree setaa kũruabadaurã nau iujãad̶e ãrea nibabadau. Maarãba ijãad̶akau Jesucristo nau kakuad̶e dachi kĩra neesii. Chi maka b̶uu waabenarã setaa kũruabarii maud̶e Cristo kĩramaabʉ.