Hebreos 5:6 - Emberá Chamí

⁶ Maud̶e naka jarasii: «Bichi ewaricha paare b̶uai Melquisedec b̶uad̶a kĩra».

Hebreos 5:6 ပူးပေါင်းရင်းမြစ်များ

Hebreos 5:10

Maud̶e Dachi Akõreba ichi Paare Mechiu b̶usii Melquisedec b̶uad̶a kĩra.

Hebreos 7:11

Dachi Akõreba ichi Moisesba b̶ʉd̶a Israeld̶ebenarãmaa deasiid̶e Levid̶ebena imiiduurã b̶usii paarerã bad̶amera. Mau paarerãba wau panuud̶eeba ẽbẽrarã poyaa Dachi Akõremaa wãbiad̶ai b̶uasiibʉrã, ¿sakãe Aarón ãyaa paare Melquisedec kĩra nii neei b̶uasma?

Hebreos 7:15

Joma mʉʉba jarad̶a arakʉd̶e b̶uu nau kuitaaduubʉrã: Jesús june kĩra ãyarebena need̶ad̶eeba, ichi paare b̶eesii Melquisedec b̶uad̶a kĩra.

Hebreos 7:17

Ichi ʉ̃rʉbena Dachi Akõre bed̶ead̶e naka jara b̶uu: «Bichi ewaricha paare b̶uai Melquisedec b̶uad̶a kĩra».

Hebreos 7:3

Melquisedec akõre, chi nawe maud̶e ichi ẽbẽrarã nabẽraed̶ebenarã ʉ̃rʉbena Dachi Akõre bed̶ead̶e b̶ʉ kub̶uuwãe. Maud̶e ichi chi naweba adaud̶a maud̶e biud̶a ʉ̃rʉbena b̶ʉ kub̶uuwãe. Maka ichi Dachi Akõre Warr kĩra ewaricha paarebʉ.

Hebreos 7:8

Israeld̶ebenarãba adoeduud̶ebena Levid̶ebena imiiduurã paarerãmaa deabadau. Mau paarerã biud̶aimina 10 adoeduucha ãchimaa ab̶a deabadau. Maamina Dachi Akõre bed̶ead̶e jara b̶uu Melquisedec waa chokae b̶uu. Maka Abrahamba juakaa adaud̶ad̶ebena mau biukau paaremaa deasii. 10 juasiiruucha ab̶a deasii.