Hebreos 4:7 - Emberá Chamí

⁷ Maud̶eeba Dachi Akõreba ewari maucha b̶usii ichiba kʉrrjĩrubiaimaa need̶amera. Mau ewari Dachi Akõreba trʉ̃ jarasii «id̶i». Mau ewari b̶usiid̶e ãrea bad̶akare ichiba Davidd̶eeba mau ʉ̃rʉbena berreasii. Mau bed̶ea naed̶e b̶ʉd̶a naubʉ: «Id̶i Dachi Akõre bed̶ea ũriiduud̶e machi sõ chaarearã́sturu».

Hebreos 4:7 ပူးပေါင်းရင်းမြစ်များ

Mateo 22:43

Maud̶e Jesusba id̶isii: —Maka b̶uubʉrã, Davidba ¿sakãe Dachi Akõre Jaurid̶eeba mau mʉ Mechiu nii asma? Davidba naka jarasii:

Marcos 12:36

Ara mau Davidba Dachi Akõre Jaurid̶eeba naka jarasii: Dachi Mechiuba mʉ mechiu niimaa jarasii: mʉ jua biare akʉ b̶eese ab̶a bichi kĩramaarã mʉʉba joma bichi juad̶e b̶uuruud̶aa.

Lucas 20:42

Davidba Salmos kartad̶e naka jarasii: “Dachi Mechiuba mʉ Mechiu niimaa jarasii: mʉ jua biare akʉ b̶eese ab̶a bichi kĩramaarã mʉʉba joma bichi juad̶e b̶uuruud̶aa”.

Hechos 2:29

»Mʉ ãbarã judiorã, mʉʉba arakʉd̶e jaraaruu: dachi nabẽraed̶ebena David biusiid̶e mau jau b̶usid̶au. Chi jau b̶ubadau dachiba wabid̶a unubadau.

Hechos 2:31

Makai kuitaa b̶uasiid̶eeba ichiba berreasii Dachi Akõreba Dachi Karibabarii deai jarad̶a chokae jiradui ʉ̃rʉbena. Ichiba jarasii Dachi Akõreba mau chi biud̶arã panabadaud̶e nub̶uubai maud̶e ichi chi kakua b̶eraabiibai.

Hechos 28:25

Maud̶eeba kĩru berread̶aped̶a wãuriiduu basii. Maud̶e Pabloba naka jarasii: —Dachi Akõre Jauriba machi nabẽraed̶ebenarãmaa biawãra bed̶ea Dachi Akõre baita berreabarii Isaiasd̶eeba naka jarasii:

Hebreos 3:15

Naed̶e jara b̶uad̶a kĩra waya jaraaruu: «Id̶i Dachi Akõre bed̶ea ũriiduud̶e machi sõ chaarearã́sturu machi nabẽrarã sõ chaareaped̶aad̶a kĩra».