Hebreos 4:15 - Emberá Chamí

¹⁵ Jesús dachi Paare Mechiuba kuitaa b̶uu dachi meserãaswãe nuree. Jʉbawãe niiba mau kachiruad̶e b̶aebii chaa b̶uasii dachi kachiruad̶e b̶aebii chaa b̶uabarii kĩra. Makasmina Jesusba kachirua waubasii.

Hebreos 4:15 ပူးပေါင်းရင်းမြစ်များ

Mateo 12:20

Sia jimid̶i kõratu b̶uu b̶ʉitaabai. Ʉ̃d̶aa koabarii b̶aꞌãra koa b̶uu kiibai. Ara mau kĩra chi chaareawãe nuree jipa wau panad̶ai ab̶a aude poyaaruud̶aa.

Mateo 4:1

Maad̶akare Dachi Akõre Jauriba Jesús drua sirua wãꞌãe b̶uud̶aa adoesii. Jʉbawãe niiba b̶aebii chaa b̶uasii ichi kachiruad̶e b̶aemera.

Lucas 22:28

»Mʉ ãrea biꞌiwãe b̶uasiid̶e machi mʉ ome joma dauchia jãadua panasid̶au.

Lucas 4:2

Ewari 40 aria b̶uasii. Maud̶e jʉbawãe niiba kachiruad̶e b̶aebii chaa b̶uasii kachirua waubii baita. Mau ewarid̶e Jesusba kowẽa b̶uud̶eeba jarrbisia b̶uasii.

Juan 8:46

¿Kai machid̶ebenaba mʉʉba biawãra kachirua wau b̶uu aima? Mʉʉba biawãra bed̶ea jaraaruubʉrã, ¿sakãe mʉ bed̶ea ijãad̶awẽa panuma?

Romanos 8:3

Moisesba b̶ʉd̶aba dachi kachiruad̶ebena poyaa enabiaibasii. Chi nau kakuaba wau kʉ̃ria b̶uud̶eeba nibabadaurãba mau Moisesba b̶ʉd̶a waud̶ai bad̶amaarã kachirua waubadau. Maamina Dachi Akõreba ichi Warr bʉisii dachi chi kachiruarã kĩra b̶uamera. Maud̶e dachiba kachirua wauped̶aad̶a kakua biusii. Maka chi dachi kakua kachirua wauped̶aad̶a Dachi Akõreba kastikasii.

2 Corintios 5:21

Cristoba kachirua waukau basii. Maamina dachi baita Dachi Akõreba ichi kachirua waubarii kĩra unusii. Maka Cristod̶eeba chi Dachi Akõre jipa nii dachiba waabenarãmaa poyaa unubiabadau.

Hebreos 4:14

Dachi Akõre Warr Jesús, dachi Paare Mechiu bajãad̶aa wãsii. Ichid̶e ijãa panuu a panuud̶eeba biawãra ijãa panad̶ai panuu.

Hebreos 5:2

Ẽbẽrarãba adua panuud̶eeba kachirua wauped̶aad̶a paare mechiuba poyaa kuitaa b̶uu kĩra chuburiai baita, ichia bid̶a arab̶aud̶e waubariid̶eeba.

Hebreos 7:26

Dachi Paare Mechiu Jesusba ne jomad̶e dachi poyaa aid̶ai. Kachirua waukau, ne jomad̶e jipa nii. Dachi Akõreba mau biꞌia unu b̶uu. Kachirua waubadaurã tãed̶ebena awara b̶uped̶a bajãad̶e chi mechiu b̶usii.

Hebreos 9:28

Ara mau kĩra Cristoba b̶es ab̶a ichi ida beabisii ãreaba kachirua wauped̶aad̶a awara b̶ui baita. Ichi waya neei, maamina dachiba kachirua waubadau awara b̶ui baita neebai. Maumaarã neei ichi esed̶au duanuu karibakuai baita.

1 Pedro 2:22

Cristoba kachirua wauka basii maud̶e setaa jaraka basii.

1 Juan 3:5

Maamina machiba kuitaa panuu Jesucristo nau iujãad̶aa neesii dachi kachirua awara b̶ui baita. Ichi chi kachirua b̶aꞌãra bid̶a wãꞌãe nii.