Hebreos 3:10 - Emberá Chamí

¹⁰ Maud̶eeba ãchi ome kĩruped̶a Dachi Akõreba naka jarasii: “Jãarãba sõd̶eeba biawãra mʉ baara nibad̶akau. Mʉ o unud̶ai kʉ̃riad̶akau”.

Hebreos 3:10 ပူးပေါင်းရင်းမြစ်များ

Mateo 20:24

Santiagoba, Juan omeeba id̶iped̶aad̶a waabenarã 10 panuuba ũrisid̶aud̶e ãchi ome kĩrusid̶au.

Marcos 3:5

Maud̶e Jesús jirukaraasii sõ chaarea nureed̶eeba. Nomaa kĩru kub̶uuba ãchi ichiaped̶a chi jua bʉʉ niimaa jarasii: —Jua jiwaase. Maka jiwaaruud̶e ichi jua biꞌia did̶isii.

Juan 8:45

Mʉʉba biawãra jara b̶umina machiba mʉ bed̶ea ijãad̶akau.

Romanos 1:28

Maarãba Dachi Akõre ida b̶uped̶aad̶ad̶eeba ichiba maarã ida b̶usii kachirua kʉ̃risiad̶aped̶a maka wau panad̶amera.

Romanos 3:7

Chi nureerãba jarabadau setaa jara panuud̶eeba chi Dachi Akõre setaa jarakau arakʉd̶e unubiabadau. Kʉ̃risiabadau ãchiba setaa jara panuu kakua ẽbẽrarãba Dachi Akõremaa aude biꞌia berread̶ai. Maud̶eeba ãchimaarã, Dachi Akõreba nebʉra ichiabai b̶uu.

Efesios 4:30

Kachirua wauduuba Dachi Akõre Jauri kĩra nomaabirã́sturu. Dachi Akõreba mau machimaa deasii ichid̶irã kuitaa panad̶amera. Ichi Jauri machi baara b̶uai ab̶a Dachi Akõreba ichi ẽbẽrarã joma biꞌia b̶ui ewarid̶aa.

Hebreos 3:12

Ãbarã, kauwa panásturu. Sõ chaareaba machid̶ebena ab̶a bid̶a Dachi Akõred̶e ijãawẽa b̶uarã́se. Chi maka niiba Dachi Akõre chokae nii ida b̶ubarii.