Hebreos 3:1 - Emberá Chamí

¹ Ãbarã, machi ẽbẽrarã Dachi Akõred̶erãd̶eeba maud̶e ichiba machi iukuasiid̶eeba, Jesucristo ʉ̃rʉbena ãrea biꞌia kauwa kʉ̃risiásturu. Dachiba biawãra ijãa panuu abadau, Ichi Dachi Akõreba bʉid̶a maud̶e Paare Mechiu.

Hebreos 3:1 ပူးပေါင်းရင်းမြစ်များ

Juan 17:3

Ewaricha chokae nureeba kuitaa panuu bichi biawãra Dachi Akõre ara ab̶a nii. Maud̶e nau bichiba bʉid̶a Jesucristo kuitaa panuu.

Juan 20:21

Maabae Jesusba waya ãchimaa jarasii: —Jirukaraayuwãe duanásturu. Mʉ Chachaba mʉ nau iujãad̶aa bʉid̶a kĩra mʉa bid̶a machi nau iujãad̶aa bʉikaaruu.

Juan 20:27

Maabae Tomasmaa jarasii: —Bichi jua jimid̶i nama bʉise, mʉ jua ab̶aab̶aa ichiáse, maud̶e bichi jua mʉ orrd̶e bʉise. Waa ijãawẽa b̶uarã́se, maumaarã ijãase mʉ biawãra chokae jiradusii.

Hechos 1:15

Maka panuud̶e ewari ab̶ad̶e Pedro chi ãbarã 120 ẽsa ʉkʉ nub̶eesii. Maud̶e jarasii:

Romanos 11:17

Waabenarã judiorã Dachi Akõred̶ebena awara paneesid̶au olivo bakuru jua tʉʉd̶a kĩra. Machi judiowãerã Dachi Akõreswãe panasid̶au olivo bakuru ichi du ab̶a moded̶e warid̶a kĩra. Maamina machi ẽbẽrarã Dachi Akõred̶erã paneesid̶au chi bakuru jua chi b̶ʉatud̶amaa kara nub̶ud̶a kĩra. Maka jãabae Dachi Akõreba machi sid̶a kariba b̶uu judiorã kariba b̶uad̶a kĩra.

Romanos 15:27

Mau ãbarã judiowãerãba kĩrajʉʉ mau chi nejarra ãbarã judiorã baita araa pesid̶au. Biawãra maka waud̶ai panasid̶au judiorãmaa dead̶ai baraa panasid̶aud̶eeba. Judiowãerãba ne joma biꞌia Dachi Akõre ʉ̃rʉbena judiorãd̶ebena adausid̶aud̶eeba, ãbarã judiorãmaa ne bia nau iujãad̶ebena dead̶ai panuu.

Romanos 15:8

Mʉʉba jaraaruu: Cristo neesii dai judiorã karibai baita. Dachi Akõreba judiorã nabẽraed̶ebena chi mechiurã ome bed̶ea dead̶a Cristoba wausii. Mauba unubisii ichiba jara b̶uu kĩra wau b̶uabarii.

Romanos 9:24

Dachi mau ẽbẽrarãd̶ebenabʉ. Dachi Akõreba dachi joma iusii. Chi nuree judiorãbʉ maamina chi nuree judiowãerãbʉ,

1 Corintios 1:2

Mʉʉba nau karta b̶ʉʉruu chi ẽbẽrarã Dachi Akõred̶erã Corintod̶ebena baita. Jesucristod̶eeba Dachi Akõreba machi awara b̶usii ichi baita biꞌia nuread̶amera. Ara mau kĩra ichiba druacha joma Dachi Mechiu Jesucristomaa ʉtaa id̶ibadaurã awara b̶usii. Ichimaarã Mechiubʉ maud̶e Dachi Mechiubʉ.

1 Corintios 10:17

Dachiba pan ab̶a b̶uu ãrea b̶ʉakuaped̶a kobadau. Ara mau kĩra dachi ãrea panumina kakua ab̶a b̶uu kĩra nuree.

1 Corintios 9:23

Mʉʉba joma mau kĩra waubarii chi bed̶ea bia Cristo ʉ̃rʉbena kuitaabii baita. Maka mʉa bid̶a Dachi Akõred̶ebena ne biꞌia adaui.

2 Corintios 1:7

Daiba kuitaa panuu machiba Dachi Akõre biawãra ãrea ijãa panuu. Kuitaa panuu machi dai kĩra ãrea biꞌiwãe paneebadamina Dachi Akõreba machi dai kĩra sõ kĩrajʉʉbiabarii.

2 Corintios 9:13

Machiba maka aid̶a panuuba, maka unubi panuu chi bed̶ea bia Cristo ʉ̃rʉbena biawãra ijãa panuu. Sõbiad̶eeba chi ãbarãmaa dea panuu maud̶e jomaurã aid̶a panuu. Maud̶eeba Dachi Akõremaa biꞌia berread̶ai.

Efesios 3:6

Ichiba kuitaabiawẽa b̶uad̶a naubʉ: judiowãerãba chi bed̶ea biꞌia Cristo ʉ̃rʉbena ijãa panuud̶eeba judiorã ome ãbua Dachi Akõreba deaid̶ebena adaud̶ai, arab̶au kakuad̶e panuu, maud̶e Dachi Akõreba Jesucristod̶eeba deai jarad̶a ãbua uru panuu.

Efesios 4:1

Mʉ Dachi Mechiu kakua jʉ̃a uru panuu. Mʉʉba machimaa chi chuburia id̶iiruu jipa nibad̶amera. Dachi Akõreba machi iusii maka nibad̶amera.

Efesios 4:4

Dachi kakua ara ab̶aburu b̶uu. Dachi Akõre Jauri ara ab̶aburu inid̶au. Dachi Akõreba machi iusii ara mau esed̶au panad̶amera.

Filipenses 3:14

Pira kãrii, chi neei b̶uumaa neei baita, Jesucristod̶eeba ne bia bajãad̶ebena adaui baita, Dachi Akõreba iusiid̶eeba.

Colosenses 1:12

Maka kĩrajʉʉ Dachi Bajãad̶ebena Akõremaa biꞌia nii ad̶ai. Machi joma ichi ẽbẽrarã ome ʉ̃d̶aad̶e biꞌia b̶usii ichiba uru b̶uud̶ebena adaud̶amera.

Colosenses 1:22

Maamina Cristo biusiid̶eeba Dachi Akõreba machi mau ome biꞌia b̶usii ichi daad̶e kachiruaswãe nuread̶amera maud̶e waabenarãba machi ʉ̃rʉbena kachirua jarad̶ayuswãe nuread̶amera.

Colosenses 3:12

Dachi Akõreba machi kʉ̃riad̶eeba jʉrʉ adausii ichi baita biꞌia nuread̶amera. Maud̶eeba waabenarã kĩra chuburia panásturu. Ẽbẽra bia panásturu. Machi waabenarã audeara biꞌia nuree kʉ̃risiarã́sturu. Jomaurã ome kʉ̃risia biad̶eeba panásturu. Ne jomad̶e jãadua panásturu.

1 Tesalonicenses 2:12

Daiba biꞌia jarasid̶au machi Dachi Akõreba kʉ̃ria b̶uu kĩra nibad̶amera. Ichiba machi iusii, ichi juad̶e ua b̶uai baita maud̶e ichi biad̶ebena uru panad̶amera.

1 Tesalonicenses 5:27

Mʉʉba Dachi Mechiud̶eeba jaraaruu: nau karta joma ãbarã daad̶e ed̶a jarásturu.

2 Tesalonicenses 1:11

Maud̶eeba daiba ewaricha Dachi Akõremaa ʉtaa id̶ibadau ichiba machi biꞌia unumera. Ichiba machi mau kakua iusii. Daiba ʉtaa id̶i panuu Dachi Akõreba ichi poyaabariid̶eeba machi ne jomad̶e aid̶amera. Maka ichid̶e ijãa panuud̶eeba biꞌia wau kʉ̃ria panuu joma waud̶ai.

2 Tesalonicenses 2:14

Daiba bed̶ea bia Cristo ʉ̃rʉbena jaradea panuud̶eeba Dachi Akõreba machi iusii Dachi Mechiu Jesucristo bia niid̶ebena adaud̶amera.

1 Timoteo 6:12

Cristod̶e ne joma ijãa b̶uase biꞌia chĩobarii kĩra. Maka bichi ewaricha Dachi Akõre ome chokae b̶uai. Ãrea panuurã daad̶e, bichiba Cristod̶e ijãa b̶uu jarasiid̶e Dachi Akõreba bichi iusii mau chokae b̶uai uru b̶uamera.

1 Timoteo 6:2

Ãchi chibari bid̶a Cristod̶e ijãa b̶uubʉrã, kʉ̃risiad̶aabai panuu ãbad̶eeba wapead̶aabai panuu. Maumaarã ichi baita bibuara trajad̶ai panuu. Ãchi trajud̶eeba Cristod̶e ijãa b̶uuba chi nejarra adaubariid̶eeba, kʉ̃riad̶eeba ichi baita trajad̶ai panuu. Mau jaradea b̶uase. Maud̶e ãchimaa jarase maka waud̶amera.

2 Timoteo 1:9

Dachi Akõreba dachi karibasii maud̶e iusii ichi baita biꞌia nuread̶amera. Dachiba biꞌia wau panuud̶eeba makaabasii, maumaarã ichi sõbiad̶eeba waui kʉ̃risia b̶uasiid̶eeba maka wausii. Biawãra nau iujãa b̶uai naed̶e Dachi Akõreba ichi sõbiad̶eeba kʉ̃risiasii Jesucristod̶eeba dachi karibai.

2 Timoteo 2:7

Mʉʉba jara b̶uu ʉ̃rʉbena ãrea kʉ̃risiáse. Dachi Mechiu Jesusba bichimaa joma mau kuitaabii.

Hebreos 10:19

Maud̶eeba ãbarã, Dachi Akõre baita biꞌia b̶uu piezad̶e ed̶a wãaduu kĩra Jesucristo oad̶eeba Dachi Akõre kaita wapeawẽa wãd̶ai panuu.

Hebreos 10:21

Dachiba Paare Mechiu bajãad̶e uru panuu. Ichiba ẽbẽrarã Dachi Akõred̶erã joma karibabarii.

Hebreos 10:23

Dachi Akõreba ichiba jarad̶a kĩra waubariid̶eeba dachiba kʉ̃risiabadau maud̶e jomaurãmaa jarabadau mau ab̶a bid̶a ida b̶ud̶aabai panuu.

Hebreos 13:22

Ãbarã, mʉʉba nau karta b̶aꞌãra b̶ʉsii machiba biꞌia ijãad̶amera. Maud̶eeba mʉʉba machimaa chi chuburia id̶iiruu nau bed̶ea bia ũrid̶amera.

Hebreos 2:11

Jesusba ẽbẽrarã biꞌia b̶ubarii Dachi Akõre baita. Ichiba, mau ẽbẽrarã bid̶a arab̶au Akõre uru panuu. Maud̶eeba Jesús kĩra nejasiakau ãchi ichi ãbarã ai baita.

Hebreos 2:17

Ichi neesiid̶e ne jomad̶e dachi kĩra nibasii, ẽbẽrarã kĩra chuburiabarii Paare Mechiu bai baita. Biawãra Dachi Akõre daad̶e joma jipa waubarii b̶eesii. Maud̶eeba ara ichi ida beabisii ẽbẽrarãba kachirua waubadau Dachi Akõreba kĩraba b̶uarãamera.

Hebreos 3:12

Ãbarã, kauwa panásturu. Sõ chaareaba machid̶ebena ab̶a bid̶a Dachi Akõred̶e ijãawẽa b̶uarã́se. Chi maka niiba Dachi Akõre chokae nii ida b̶ubarii.

Hebreos 3:14

Dachiba ab̶aed̶eed̶e ijãaped̶aad̶ad̶eed̶ebena ab̶a biuduud̶aa Cristod̶e ijãa panuubʉrã, ichi ome dauchia jãadua panad̶ai.

Hebreos 7:26

Dachi Paare Mechiu Jesusba ne jomad̶e dachi poyaa aid̶ai. Kachirua waukau, ne jomad̶e jipa nii. Dachi Akõreba mau biꞌia unu b̶uu. Kachirua waubadaurã tãed̶ebena awara b̶uped̶a bajãad̶e chi mechiu b̶usii.

Hebreos 7:28

Moisesba b̶ʉd̶aba ẽbẽrarã ne jomad̶e jipawãe nuree b̶ubarii paare mechiurã nuread̶amera. Maamina mau Moisesba b̶ʉd̶a deasiid̶e Dachi Akõreba biawãra jarasii ichi Warr ewaricha Paarerã Mechiu nibai. Maka ichi Warr b̶usii dachi kakua paare arakʉd̶e nibamera.

Hebreos 9:11

Maamina Cristo dachi Paare mechiu ba b̶uasii, ne bia chi makad̶a uru panad̶amera. Dachi Akõre de bajãad̶e kub̶ud̶e ed̶a wãsii. Mau de chi aude kub̶uu maud̶e chi biara kub̶uu nau iujãad̶e kub̶uu audeara. Ẽbẽrarãba mau de wauped̶aad̶awãe; mau iujãad̶ebenawãe.

Hebreos 9:15

Makarã Cristod̶eeba Dachi Akõreba bed̶ea chiwid̶i deasii. Ẽbẽrarã chi Ichiba nabena bed̶ea dead̶ad̶e panabachid̶aud̶e kachirua waubachid̶au. Maamina Cristo biusii maud̶ebena karibai baita. Maud̶e Cristo biusiid̶eeba ichid̶eeba chi ichiba iukuad̶arãba chi bia wãꞌãekau deai jarad̶a poyaa adaud̶ai.

1 Pedro 2:9

Maamina machi Dachi Akõreba jʉrʉ adaud̶arãbʉ, joma Dachi Mechiu paarerãbʉ, ichi baita b̶ud̶a ẽbẽrarãbʉ maud̶e ichi puurubʉ. Maka Dachi Akõreba ne ãrea biꞌia waud̶a ʉ̃rʉbena machiba berreabadau. Dachi Akõreba machi pãriud̶ebena iusii ichi ʉ̃d̶aa ãrea biꞌia b̶uud̶e nuread̶amera.

1 Pedro 3:5

Ara mau kĩra nabẽraed̶ebena wẽrarã Dachi Akõre baita nuread̶a kĩrawãrea nureasii. Dachi Akõreba waui jarad̶a ãchiba sõd̶eeba biawãra ijãa panabachid̶au maud̶e ãchi kima bed̶ea ijãabachid̶au.

1 Pedro 5:1

Machi chi ijãabadaurã nubadaurãmaa mʉʉba chi chuburia id̶iiruu, mʉ sid̶a ijãabadaurã nubariid̶eeba. Cristo ãrea biꞌiwãe b̶uad̶a mʉʉba unusii. Maud̶e Dachi Akõreba Cristo chi mechiu nii unubiaruud̶e mʉ sid̶a ichi ome b̶uai. Maud̶eeba naka chi chuburia id̶iiruu:

1 Pedro 5:10

Machi ewari b̶aꞌãra biꞌiwãe panaped̶aad̶akare Dachi Akõreba ne jomad̶e biꞌia b̶ui. Ichiba machi aid̶ai biꞌia ijãad̶amera, joma jãaduad̶amera maud̶e chaarea nuread̶amera. Dachi Akõreba ichi sõbiad̶eeba ne jomad̶e aid̶abarii. Ichiba machi Jesucristod̶eeba iusii ichi ome ewaricha chi mechiu nuread̶amera.

1 Juan 1:3

Daiba unuped̶aad̶a maud̶e ũriped̶aad̶a machimaa jara panuu machi sid̶a dai ome ãbuacha Dachi Bajãad̶ebena Akõre ome maud̶e ichi Warr Jesucristo ome biꞌia panad̶amera.

Judas 1:1

Mʉ Judasbʉ, Santiago ãba maud̶e Jesucristo baita bari trajabarii. Nau karta b̶ʉmaa b̶uu joma Dachi Akõre bajãad̶ebenaba iukuad̶a baita. Ichiba machi kʉ̃riakuabarii maud̶e Jesucristod̶eeba nu ua b̶uabarii.

Apocalipsis 17:14

Maabae chi maarã Oeja Kaebe Nii ome chĩod̶ai. Maamina chi Oeja Kaebe Niiba chi maarã poyaakuai, ichi Jomaurã Reyrã Audeara Chi Aude Mechiu Nii maud̶e Joma Chi Mechiurã Audeara Chi Aude Mechiu Niid̶eeba. Poyaakuad̶akare chi ichid̶e ãrea ijãabadaurã ichi baara paneed̶ai. Ichiba chi maarã iukuaped̶a jʉrʉ adaukuasii».

Apocalipsis 18:20

¡Joma bajãad̶e duanuu kĩrajʉ́sturu, jãu puuru ãrisiid̶eeba! Ẽbẽrarã Dachi Akõred̶erã, Jesusba bʉid̶arã maud̶e Dachi Akõre baita berreabadaurã kĩrajʉ́sturu. Dachi Akõreba jãu puuru kastikai machimaa miadaa wausiid̶eeba».