Hebreos 2:9 - Emberá Chamí

⁹ Maamina Jesús unu panuu. Dachi Akõreba ichi angelerã audeara nau iujãad̶e kaebeu b̶usii. Dachi Akõreba ichi sõbiad̶eeba maka wausii Jesús jomaurã kakua biumera. Ãrea biꞌiwãe b̶uaped̶a biusiid̶eeba Dachi Akõreba ichi biꞌia b̶usii maud̶e chi mechiu b̶usii.

Hebreos 2:9 ပူးပေါင်းရင်းမြစ်များ

Mateo 16:28

Mʉʉba biawãra jaraaruu: chi nuree nama panuu biud̶ai naed̶e unud̶ai mʉ, chi Ẽbẽra Ba B̶uad̶a Dachi Akõreba ichid̶irã ichi juad̶e ua b̶uu neeruu.

Mateo 6:28

¿Sakãe paru kakua ãrea kʉ̃risiabadama? Ichiásturu nepono saka waribarii. Trajakau maud̶e paru kakau.

Marcos 9:1

Maud̶e Jesusba jarasii: —Mʉʉba biawãra jaraaruu: chi nuree nama panuu biud̶ai naed̶e unud̶ai Dachi Akõre poyaad̶eeba ichid̶irã ichi juad̶e ua b̶uu neeruu.

Lucas 9:27

Mʉʉba biawãra jaraaruu: chi nuree nama panuu biud̶ai naed̶e Dachi Akõreba ichid̶irã ichi juad̶e ua b̶uu unud̶ai.

Juan 1:29

Mau norema Juanba Jesús ichimaa neeruu unusiid̶e naka jarasii: «¡Ichiásturu! Jãu Dachi Akõre oeja chekebʉ. Ichid̶eeba Dachi Akõreba nau iujãad̶ebenarãba kachirua waubadau perdonabarii.

Juan 10:17

»Mʉ Chachaba mʉ kʉ̃ria b̶uu, ara mʉ ida beabiid̶eeba. Maabae waya chokae jiradui.

Juan 12:32

Mʉ ʉtʉ jirab̶uuduud̶e mʉʉba jomaurã adooi mʉʉd̶e ijãad̶amera.

Juan 3:16

»Dachi Akõreba ẽbẽrarã ãrea kʉ̃riakua b̶uud̶eeba ichi Warr ab̶a nii nau iujãad̶aa bʉisii joma ichid̶e ijãaduu ichid̶ebena awara nurearãad̶amera, maumaarã ichi ome ewaricha chokae nuread̶amera.

Juan 8:51

Mʉʉba biawãra jaraaruu, chi mʉ bed̶ea ijãa nii biukaraa nibai.

Juan 8:52

Maud̶e judiorãba Jesusmaa jarasid̶au: —Jãabáeburu daiba kuitaaduu bichiba jai kachirua bichi kakuad̶e uru b̶uu. Abraham biusii. Joma Dachi Akõre baita berreabadaurã sid̶a biusid̶au, maamina bichiba jara b̶uu: “Chi mʉ bed̶ea ijãa nii biukaraa nibai”.

Hechos 2:33

Dachi Bajãad̶ebena Akõreba ichi jua biare Jesús chi mechiu b̶usii. Maabae ichi Jauri deai jarad̶a Jesusmaa deasii ichid̶irãmaa deamera. Jesusba mau Jauri biawãra daimaa deasii. Machiba unu panuu maud̶e ũri panuu ichi Jauriba maka waubi b̶uu.

Hechos 3:13

Dachi Akõre dachi nabẽraed̶ebena Abraham ome, Isaac ome maud̶e Jacob baara b̶uad̶aba ichi baita bari trajabarii Jesús chi Mechiu b̶usii. Ara mau Jesús machiba Pilatomaa jidau deasid̶au beamera. Pilatoba mau karibai kʉ̃ria b̶uasmina machiba ichi daad̶e mau kʉ̃riad̶awẽe asid̶au.

Romanos 5:18

Maka ẽbẽra ab̶aba kachirua waud̶a kakua Dachi Akõreba ichiaped̶a joma nebʉra bara panuu asii. Maud̶e ẽbẽra ab̶aba jipa waud̶a kakua Dachi Akõreba joma poyaa chi ichid̶irã jipa nuree baara b̶ui ewaricha ichi ome chokae panad̶amera.

Romanos 5:8

Maamina Dachi Akõreba dachi ãrea kʉ̃ria b̶uu unubiasii wabid̶a kachiruad̶e panuud̶e Cristo dachi kakua biusiid̶eeba.

Romanos 8:3

Moisesba b̶ʉd̶aba dachi kachiruad̶ebena poyaa enabiaibasii. Chi nau kakuaba wau kʉ̃ria b̶uud̶eeba nibabadaurãba mau Moisesba b̶ʉd̶a waud̶ai bad̶amaarã kachirua waubadau. Maamina Dachi Akõreba ichi Warr bʉisii dachi chi kachiruarã kĩra b̶uamera. Maud̶e dachiba kachirua wauped̶aad̶a kakua biusii. Maka chi dachi kakua kachirua wauped̶aad̶a Dachi Akõreba kastikasii.

Romanos 8:32

Biawãra Dachi Akõreba ichi Warr wãakaabasii maumaarã joma dachi kakua ida beabisii. Maud̶eeba ¿ichiba dachimaa joma biꞌia Cristo ome ãbua deabaika?

2 Corintios 5:15

Biawãra Cristo jomaurã kakua biuped̶a chokae jiradusii dachi chokae nureeba ara dachiba wau kʉ̃ria panuu kĩra waa waurãad̶amera, maumaarã ichiba kʉ̃ria b̶uu kĩra wau panad̶amera.

2 Corintios 5:21

Cristoba kachirua waukau basii. Maamina dachi baita Dachi Akõreba ichi kachirua waubarii kĩra unusii. Maka Cristod̶eeba chi Dachi Akõre jipa nii dachiba waabenarãmaa poyaa unubiabadau.

Gálatas 4:4

Maamina Dachi Akõreba jarad̶a ewari neesiid̶e ichi Warr nau iujãad̶aa bʉisii. Mau Warr wẽraba adausii maud̶e Moisesba b̶ʉd̶a waui b̶uasii.

1 Timoteo 2:6

Ara ichi ida beabisii ẽbẽrarã joma kariba b̶uai baita. Dachi Akõreba b̶ud̶a ewarid̶e mau kuitaabisii.

Hebreos 1:9

Bichiba chi jipa waubadau kʉ̃riasii. Kachirua kĩramaasii. Maud̶eeba Dachi Akõre, bichi Akõreba joma bichi baara panuurã audeara bichi chi mechiu b̶usii. Maka bichi ãrea kĩrajʉʉbisii».

Hebreos 10:5

Maud̶eeba Cristo nau iujãad̶aa neesiid̶e ichiba Dachi Akõremaa naka jarasii: «Bichiba ãnimara bichimaa baa dead̶ai maud̶e ne kaebea dead̶ai kʉ̃riawẽa b̶uu. Maamina bichiba mʉʉmaa kakua deasii mau deamera.

Hebreos 11:5

Enocba Dachi Akõred̶e ijãa b̶uasiid̶eeba Dachi Akõreba mau biubiimaaba chokae adoesii. Mau adoesiid̶eeba waya unud̶aabasii. Dachi Akõre bed̶ead̶e b̶ʉ kub̶uu Enoc adooi naed̶e Dachi Akõreba chi mau biꞌia unusii.

Hebreos 12:2

Jesusd̶e kʉ̃risiáduru. Mauba karibasii dachiba naed̶e ijãad̶amera maud̶e aid̶abarii ewaricha ijãa panad̶amera. Kʉ̃risiásturu saka ichi cruzd̶e ãrea biꞌiwãe b̶uasii. Mau kakua kĩra nejasia b̶uai bad̶ad̶e kĩra nejasiabasii. Ichiba kuitaasii nau maad̶akare ãrea kĩrajʉʉ b̶uai. Biawãra Dachi Akõre rey ãkau jua biare akʉ b̶uu.

Hebreos 2:7

Bichiba chi mau angelerã audeara kaebeu b̶usii. Nau iujãad̶e mau biꞌia b̶usii maud̶e chi mechiu b̶usii».

Hebreos 7:25

Maud̶eeba chi ichid̶eeba Dachi Akõremaa needuu joma poyaa karibai ewaricha chokae nuread̶amera. Biukaud̶eeba ewaricha dachi baita Dachi Akõremaa chi chuburia id̶ibarii.

Hebreos 8:3

Dachi Akõreba joma paare mechiurã b̶ukuabarii ichimaa ne kaebea dead̶amera maud̶e ãnimara baa dead̶amera. Maud̶eeba dachi Paare Mechiu nii bid̶a ne kaebea deai b̶uasii.

1 Pedro 1:21

Cristod̶eeba machiba Dachi Akõred̶e ijãa panuu. Dachi Akõreba ichi biu b̶uad̶a chokae jiradubiped̶a chi mechiu b̶usii. Maud̶eeba machiba Dachi Akõred̶e biawãra ijãa panuu maud̶e esed̶au panuu Dachi Akõreba jarad̶a joma waumera.

1 Juan 2:2

Ichi biusii Dachi Akõreba dachi kachirua perdonamera. Dachi kachirua báitaburu biubasii, maumaarã biusii joma nau iujãad̶e panuurã kachirua baita bid̶a.

Apocalipsis 19:12

Ichi dau tʉbʉ aoko nub̶uu kĩra koa b̶uasii. Ichi borod̶e boro jũra ãrea jʉ̃ b̶uasii. Ichi borod̶e trʉ̃ b̶ʉ inibasii maamina ab̶au bid̶a mau trʉ̃ adua basii; ichiaburu mau kuitaa b̶uasii.

Apocalipsis 5:9

Chi 24 chõrarã maud̶e chi kimare chokae nureerãba nau kari wid̶i karisid̶au: «Bichíturu biꞌia nii, mau karta adauped̶a, chi wãa kob̶ee oekuai baita, bichi beasid̶aud̶eeba. Bichi oa chesiiba ẽbẽrarã nedokuasii Dachi Akõre baita. Ẽbẽrarã didiwaraacha jomad̶ebena, bed̶ea didiwaraacha jomad̶ebena, puurucha maud̶e drua jomad̶ebena chi nuree nedosii.