Hebreos 13:3 - Emberá Chamí

³ Chi jʉ̃a uru panuu kĩrabásturu machi sid̶a maarã ome jʉ̃a panuu kĩra. Ẽbẽrarãba kachirua wau panuud̶eeba ãrea biꞌiwãe nuree kĩrabásturu machi sid̶a maarã ome ãrea biꞌiwãe panuu kĩra.

Hebreos 13:3 ပူးပေါင်းရင်းမြစ်များ

Mateo 25:43

Ãibena kĩra neesiid̶e irsibid̶aabasii; mʉ paruswãe b̶uasiid̶e machiba dead̶aabasii; mʉ ẽpermo b̶uasiid̶e, jʉ̃abadau ded̶e jʉ̃a b̶uasiid̶e bid̶a machiba mʉ ichiad̶e need̶aabasii”.

Hechos 24:23

Maabae ichiba kokoroarã chi jaradea ua b̶uabariimaa Pablo nubisii, maamina jarasii chi Pabloba wau kʉ̃ria b̶uu ida waubimera. Maud̶e ida b̶usii Pablo kõpaerorãba ichi aid̶ad̶e need̶amera.

Hechos 27:3

Norema Sidón puurud̶e neesid̶au. Maud̶e Julioba ichi sõbiad̶eeba Pablo ichi kõpaerorãmaa ida wãbisii maarãba ichi irsibid̶amera.

Romanos 12:15

Chi kĩrajʉʉ nuree ome kĩrajʉʉ panásturu. Chi kĩra nomaa nuree ome kĩra nomaa panásturu.

1 Corintios 12:26

Dachi kakuad̶ebena ab̶a puꞌuaruubʉrã, chi kakua joma puꞌuabarii. Ara mau kĩra dachi kakuad̶ebena ab̶a biꞌia jaraaruubʉrã, joma kĩrajʉʉbadau.

Efesios 4:1

Mʉ Dachi Mechiu kakua jʉ̃a uru panuu. Mʉʉba machimaa chi chuburia id̶iiruu jipa nibad̶amera. Dachi Akõreba machi iusii maka nibad̶amera.

Colosenses 4:18

Mʉ Pablobʉ. Ara mʉ juaba b̶ʉʉruu mʉʉba jarabʉiruu machi biꞌia duanad̶ai. Mʉ jʉ̃a uru panuud̶eeba Dachi Akõremaa ʉtaa id̶i panásturu. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uayu.

Hebreos 10:34

Chi Cristo kakua jʉ̃aped̶aad̶a machiba aid̶asid̶au. Maud̶e machiba ne uru b̶ead̶a kĩrajʉʉ ida juakaa adaubiasid̶au, kuitaa panuud̶eeba mau audeara ne bia wãꞌãekau bajãad̶e uru panuu.

Hebreos 11:37

Chi nuree mooba b̶ata beasid̶au. Maud̶e waabenarã ẽsa b̶ʉa ʉrratasid̶au. Chi nuree espadaba beasid̶au. Chi nuree de wãꞌãe nureed̶eeba samaa wãd̶ai adua wãsid̶au. Maud̶e ãchiba paru jʉ̃d̶ai baita wãꞌãe basiid̶eeba chivo e maud̶e oeja e waud̶a jʉ̃bachid̶au. Ãchi ne kaebea wãꞌãe nureasii. Ẽbẽrarãba ãchi ãrea biꞌiwãe panabiabachid̶au maud̶e kachirua waubachid̶au.

1 Pedro 3:8

Mau awara ãbarã, arab̶au kʉ̃risiad̶eeba joma machi ãbua biꞌia duanásturu. Waabenarã aid̶ad̶ai kʉ̃risia panásturu. Ãbarãd̶eeba chiya kʉ̃riásturu. Chiya kĩra chuburiásturu maud̶e waabena audeara biꞌia nuree kʉ̃risiarã́sturu.