Hebreos 13:21 - Emberá Chamí

²¹ Mʉʉba kʉ̃ria b̶uu ara mau Dachi Akõreba ne joma biꞌia machimaa wau kuitaabiai, ichiba kʉ̃ria b̶uu kĩra poyaa waud̶amera. Maud̶e kʉ̃ria b̶uu Jesucristod̶eeba ichiba dachi sõd̶e ne joma waui ichiba kʉ̃ria b̶uu kĩra nuread̶amera. Dachiba ewaricha Jesucristomaa biꞌia berread̶ai panuu. Biꞌia b̶uu maka b̶uai.

Hebreos 13:21 ပူးပေါင်းရင်းမြစ်များ

Mateo 12:50

Mʉ Chacha bajãad̶e b̶uuba waud̶ai kʉ̃ria b̶uu, mau mʉ ãbabʉ, mʉ neekaubʉ maud̶e mʉ nawebʉ.

Mateo 21:31

Mau machimaarã, chi omed̶ebena ¿sãuba chi akõreba kʉ̃ria b̶uad̶a wausma? Ãchiba panausid̶au: —Chi naa b̶uuba. Maud̶e Jesusba ãchimaa jarasii: —Maerã. Maamina biawãra mʉʉba jaraaruu: Romad̶ebena baita chi nejarra pebadaurã maud̶e wẽrarã aud̶uabadaurã machi audeara Dachi Akõreba ichid̶irã ichi juad̶e ua b̶uabariid̶e paneed̶ai.

Mateo 28:20

Maarãmaa jaradeásturu mʉʉba machimaa jarad̶a joma waud̶amera. Maud̶e mʉ machi baara ewaricha b̶uai nau ewari wãꞌãeruud̶aa.

Mateo 6:13

Dai kachiruad̶e b̶aebiarã́se, maumaarã kachiruad̶ebena karibase”. [Bichiaburu joma bichi juad̶e ua b̶uu, joma poyaabarii maud̶e ewaricha chi mechiu nii.]

Mateo 7:21

»Ẽbẽrarãba mʉ ãchi Mechiu abadamina Bajãad̶e B̶uu juad̶e joma panad̶aabai. Mʉ chacha bajãad̶e b̶uuba ijãabadáuturu ichi juad̶e ua b̶uai.

Juan 17:23

Mʉ ãchi ome b̶uud̶eeba maud̶e bichi mʉ ome b̶uud̶eeba dachi joma ãbua chi kakua ab̶a nii kĩra panad̶ai. Maka nau iujãad̶e nureeba kuitaad̶ai bichiba mʉ bʉisii maud̶e kuitaad̶ai bichiba ãchi kʉ̃ria b̶uu mʉ kʉ̃ria b̶uu kĩra.

Juan 7:17

Chi Dachi Akõreba kʉ̃ria b̶uu waui baita b̶uuba arakʉd̶e kuitaai chi mʉʉba jaradea b̶uu Dachi Akõred̶ebena neeruu, maebʉrã ara mʉ kʉ̃risiad̶eeba jaradea b̶uu.

Romanos 11:36

Dachi Akõréburu ne joma wausii. Ne joma ichid̶eeba b̶uu maud̶e ichi baita b̶uu. Dachiba ewaricha ichimaa biꞌia berread̶ai panuu. Biꞌia b̶uu maka b̶uai.

Romanos 16:27

Ichi ab̶aburu nii. Ne joma kuitaa nii. Jesucristod̶eeba dachiba ewaricha ichimaa biꞌia berread̶ai panuu. Biꞌia b̶uu maka b̶uai.

2 Corintios 9:8

Biawãra Dachi Akõreba ne joma machimaa ãrea poyaa deai. Maka ewaricha ne jomad̶e machiba uru nuread̶ai panuu biawãra uru panad̶ai maud̶e joma biꞌia waud̶ai baita.

Gálatas 1:5

Ewaricha ichimaa biꞌia berread̶ai panuu. Biꞌia b̶uu maka b̶uai.

Efesios 2:10

Dachi Akõreba dachi Jesucristod̶eeba chiwid̶i wausii ne bia wau panad̶amera. Mau ne biꞌia waud̶ai panuu, ichiba naed̶e b̶usii dachiba waud̶amera.

Efesios 2:18

Cristod̶eeba dachi omeeba arab̶au Bajãad̶ebena Akõremaa poyaa ara kaita need̶ai, ichi arab̶au Jaurid̶eeba.

Filipenses 1:11

Mʉʉba ʉtaa id̶i b̶uu machi Jesucristod̶eeba ne jomad̶e jipa nuread̶amera. Maka ẽbẽrarãba Dachi Akõre chi mechiu nii ad̶ai maud̶e ichimaa biꞌia berread̶ai.

Filipenses 2:11

Maud̶e jomaurãba Jesucristo jomaurã Mechiu a jarad̶ai maud̶e Dachi Bajãad̶ebena Akõremaa biꞌia berread̶ai.

Filipenses 2:13

Ichiba machi aid̶a b̶uu ichiba kʉ̃ria b̶uu wau panad̶amera maud̶e maka wau kʉ̃ria panad̶amera.

Filipenses 4:13

Cristod̶eeba joma poyaa waui, ichiba mʉʉmaa meserãa b̶uabiiruud̶eeba.

Filipenses 4:18

Ne joma machiba ãba Epafrodito ome urubʉiped̶aad̶a mʉʉba adausii. Maud̶eeba ãrea uru b̶uu. Mauba mʉ biꞌia b̶uai. Machiba urubʉiped̶aad̶a chi kera tuwaa Dachi Akõremaa dead̶a kĩra b̶uu. Mau Dachi Akõreba biꞌia unu b̶uu.

Colosenses 3:17

Machi berreaduud̶e maud̶e ne wauduud̶e joma wáusturu Dachi Mechiu Jesusba kʉ̃ria b̶uu kĩra. Ichid̶eeba Dachi Bajãad̶ebena Akõremaa ichíturu kid̶ibai ásturu.

Colosenses 3:20

Warrarã, machi akõrerã bed̶ea ũribaba ũrísturu, Dachi Mechiuba mau biꞌia unubariid̶eeba.

Colosenses 4:12

Machi puurud̶ebena Jesucristo baita bari trajabarii Epafrasba jarabʉi b̶uu machi biꞌia panad̶ai. Ichiba ewaricha Dachi Akõremaa ʉtaa id̶i b̶uabarii machi ne jomad̶e dauchia jãadua nuread̶amera, ãrea ijãa panad̶amera, maud̶e joma Dachi Akõreba waubi kʉ̃ria b̶uu kuitaad̶aped̶a waud̶amera.

1 Tesalonicenses 3:13

Maud̶e ʉtaa id̶i panuu Cristoba machi kariba b̶uai sõd̶eeba ãrea ijãad̶amera. Maka Dachi Mechiu Jesús joma ichid̶irã baara neeruud̶e machi Dachi Bajãad̶ebena Akõre daad̶e kachiruaswãe nuread̶ai.

1 Tesalonicenses 4:3

Dachi Akõreba kʉ̃ria b̶uu machi ichi baita biꞌia nuread̶amera. Maud̶eeba machi kakuaba barikiu kachirua waurã́sturu.

1 Tesalonicenses 5:23

Mʉʉba kʉ̃ria b̶uu Dachi Akõreba machi jomad̶e ichi baita biꞌia panabiayu. Mauba dachi jirukaraayuwãe panabiabarii. Mʉʉba kʉ̃ria b̶uu Dachi Akõreba machi jauri, machi kʉ̃risia maud̶e machi kakua ãrea biꞌia nu b̶uayu. Maka Dachi Mechiu Jesucristo neeruud̶e machi ab̶a bid̶a kachirua a jarad̶ayuswãe panad̶ai.

1 Timoteo 1:17

Dachi Akõre ewaricha jomaurã Reybʉ. Mau chi dachiba unud̶akau biukau. Ichíturu ab̶aburu nii. Ichíturu dachiba ewaricha biꞌia berread̶ai panuu maud̶e wapead̶ai panuu. Maka biꞌia b̶uase.

1 Timoteo 5:10

Ãchiba biꞌia wauped̶aad̶ad̶eeba trʉ̃ poa panad̶ai panuu. Ãchi warrarã biꞌia waribiabachid̶aubʉrã, ãchi ded̶e neeped̶aad̶a biꞌia irsibibachid̶aubʉrã, ãbarã jʉ̃rʉ jeraabachid̶aubʉrã, chi biꞌiwãe nuree aid̶abachid̶aubʉrã, maud̶e ne joma biꞌia waubachid̶aubʉrã, mau pẽdrãa trʉ̃ kartad̶e b̶ʉd̶ai panuu.

1 Timoteo 6:16

Ichíturu biukau. Ichi b̶uumaa jẽratĩu b̶uud̶eeba ab̶a bid̶a ara kaita poyaa wãd̶aabai panuu. Ichi ab̶au bid̶a unud̶awẽa panuu maud̶e poyaa unud̶akau. Mʉʉba kʉ̃ria b̶uu ewaricha jomaurãba ichimaa biꞌia berrea panad̶ayu maud̶e ichi poyaabariiba jomaurã poyaa uru b̶uai. Biꞌia b̶uu maka b̶uai.

2 Timoteo 3:17

Maka ẽbẽrarã Dachi Akõred̶erãba ne joma biꞌia wau kuitaad̶aped̶a poyaa wau panad̶ai.

2 Timoteo 4:18

Ichiba joma mʉ kachirua wauruud̶ebena karibai. Mʉ biꞌia nuped̶a bajãad̶aa adooi, ichid̶irã ichi juad̶e ua b̶uud̶aa. Ewaricha ichimaa ãrea biꞌia berread̶ai panuu. Biꞌia b̶uu maka b̶uai.

Hebreos 10:36

Machiba mau joma esed̶au panad̶ai panuu. Makaburu Dachi Akõreba kʉ̃ria b̶uu waud̶aped̶a ichiba deai jarad̶a joma adaud̶ai.

Hebreos 12:23

Machi Dachi Akõre warrarã araa ãbua duanuumaa neesid̶au. Dachi Akõremaarã joma Ichi warr iminabʉ. Bajãad̶ebenad̶eeba ãchi trʉ̃ aria b̶ʉ kub̶uu. Machi chi dachi nebʉra joma kastikabariimaa neesid̶au. Chi ẽbẽrarã jipa nuree Dachi Akõreba biꞌia duanud̶amaa neesid̶au.

Hebreos 12:28

Dachi Akõre jua wãꞌãekaud̶e panad̶aid̶eeba ichimaa bichíturu kid̶ibai ad̶ai panuu. Ãrea wapea panuud̶eeba ichimaa biꞌia berread̶ai panuu ichiba kʉ̃ria b̶uu kĩra,

Hebreos 13:16

Kĩrabad̶ai ida b̶urã́sturu biꞌia waud̶ai baita maud̶e machiba uru panuud̶eeba chiya aid̶ad̶ai baita. Joma mau Dachi Akõreba biꞌia unu b̶uu ãnimara baa deaduu kĩra.

1 Pedro 2:5

Machi ichid̶ebena chokae nureed̶eeba, de waui baitabena mo kĩra nureebʉ. Machid̶ebena Dachi Akõreba ichi de wauruu. Maud̶e ichi baita machi paarerã babiaruu. Machiba Jesucristod̶ebena Dachi Akõre baita ne wau panuud̶e ichimaa ãnimara baa deaduu kĩra wau panuu. Maka wau panuu ichiba biꞌia unu b̶uu.

1 Pedro 4:2

Mau ẽbẽraba wabid̶a nau iujãad̶e b̶uud̶e nau kakuaba kachirua wau kʉ̃ria b̶uu wau b̶uawẽma, maumaarã Dachi Akõreba kʉ̃ria b̶uu wau b̶uai.

2 Pedro 3:18

Jesucristo Dachi Mechiu maud̶e Dachi Karibabarii ʉ̃rʉbena biꞌia kuitaa kãribásturu. Ichi sõbiad̶eeba warísturu. Id̶i maud̶e ewaricha ichimaa biꞌia berread̶ai panuu. Biꞌia b̶uu maka b̶uai.

1 Juan 2:17

Nau iujãa kachirua maud̶e joma chi kachirua ẽbẽrarãba wau kʉ̃ria panuu wãꞌãe bai. Maamina chi Dachi Akõreba jara b̶uu bed̶ea wau b̶uu ewaricha ichi ome chokae b̶uai.

1 Juan 3:22

Maud̶e dachiba ʉtaa id̶iiduu ichiba deai, Dachi Akõreba waubi b̶uu bed̶ea maud̶e chi ichiba kʉ̃ria b̶uu wau panuud̶eeba.

Judas 1:25

Dachi Akõre ab̶aburu nii. Ichi dachi karibabariibʉ. Ichi chi aude Mechiu nii, maud̶e joma poyaa waui b̶uu. Jomaurã chibaribʉ. Nabẽraed̶eed̶ebena maka nii. Id̶ibae bid̶a maka nii, maud̶e maka b̶uai. Dachi Akõremaa biꞌia berread̶ai panuu Dachi Mechiu Jesucristod̶eeba. ¡Biꞌia b̶uu maka b̶uai!

Apocalipsis 4:6

Mau rey ãkau kĩraare mar biirio kĩra dod̶aa nub̶uasii. Mau rey ãkau jua biare, jua sordoare, kaad̶e, maud̶e kĩraare kimare chokae nuree panasii. Maarã dau ãrea uru panasii, pechud̶e maud̶e akarrare.

Apocalipsis 5:13

Maud̶e mʉʉba ũrisii chi joma Dachi Akõreba waukuad̶a chi bajãad̶e duanuu, chi nau iujãad̶e duanuu, chi biuped̶aad̶a maud̶e mard̶e duanuu bid̶a naka kari panasid̶au: «Jomaurãba chi rey ãkaud̶e akʉ b̶uumaa maud̶e chi oeja kaebeu niimaa ewaricha biꞌia berread̶ai panuu. Aude mechiu nii a jarad̶ai panuu, aude mipitaa nii a jarad̶ai panuu maud̶e bibuara b̶uu ichi juad̶e uru b̶uai a jarad̶ai panuu».

Apocalipsis 5:9

Chi 24 chõrarã maud̶e chi kimare chokae nureerãba nau kari wid̶i karisid̶au: «Bichíturu biꞌia nii, mau karta adauped̶a, chi wãa kob̶ee oekuai baita, bichi beasid̶aud̶eeba. Bichi oa chesiiba ẽbẽrarã nedokuasii Dachi Akõre baita. Ẽbẽrarã didiwaraacha jomad̶ebena, bed̶ea didiwaraacha jomad̶ebena, puurucha maud̶e drua jomad̶ebena chi nuree nedosii.