Hebreos 13:2 - Emberá Chamí

² Kĩraba panad̶ai ida b̶urã́sturu machi ded̶e needuu biꞌia irsibid̶ai panuu. Chi nuree adua panuuba angelerã ãchi ded̶e biꞌia irsibisid̶au.

Hebreos 13:2 ပူးပေါင်းရင်းမြစ်များ

Mateo 25:35

Mʉ jarrbisia b̶uasiid̶e machiba kobisid̶au; mʉ obisia b̶uasiid̶e bania deasid̶au; mʉ ãibena kĩra neesiid̶e machi ded̶e irsibisid̶au; mʉ paruswãe neesiid̶e mʉʉmaa deasid̶au; mʉ ẽpermo b̶uasiid̶e ichiad̶e neesid̶au; maud̶e mʉ jʉ̃abadau ded̶e jʉ̃a b̶uasiid̶e ichiad̶e neesid̶au”.

Mateo 25:40

Maud̶e mʉʉba panaui: “Mʉʉba biawãra jaraaruu: machiba mʉ ãbarã chi kaebeu nuree karibasid̶aud̶e mʉ karibasid̶au”.

Mateo 25:43

Ãibena kĩra neesiid̶e irsibid̶aabasii; mʉ paruswãe b̶uasiid̶e machiba dead̶aabasii; mʉ ẽpermo b̶uasiid̶e, jʉ̃abadau ded̶e jʉ̃a b̶uasiid̶e bid̶a machiba mʉ ichiad̶e need̶aabasii”.

Hechos 16:15

Lidia maud̶e joma ichi ded̶ebenarã boro easid̶aud̶e daimaa chi chuburia id̶isii ichi ded̶e paneed̶amera. Naka jarasii: —Machimaa mʉʉba biawãra Dachi Mechiud̶e ijãasiibʉrã, mʉ ded̶e panad̶e nésturu. Maka dai ichi ded̶e paneebiasii.

Romanos 12:13

Ẽbẽrarã Dachi Akõred̶erã chi nejarr barauwãe nuree aid̶ásturu. Chi machi ded̶e needuu biꞌia irsibísturu.

Romanos 16:23

Ãba Gayo bid̶a kʉ̃ria b̶uu machi biꞌia duanad̶ai. Mʉ ichi ded̶e b̶uu. Ãbarã jomaurã ichi ded̶e araa ãbua imi panuu. Nau puurud̶ebena chi nejarra nubarii Erastoba maud̶e ãba Cuarto kʉ̃ria panuu machi biꞌia duanad̶ai.

1 Timoteo 3:2

Maud̶eeba chi ijãabadaurã nubarii nebʉra barau nii ad̶ayuswãe b̶uu, wẽra ab̶aburu uru b̶uai b̶uu, kauwa nibai baita b̶uu, kʉ̃risia biad̶eeba b̶uai b̶uu, kĩra jipa b̶uai b̶uu, ichi ded̶e needuurã biꞌia irsibii b̶uu maud̶e jaradea kuitaa b̶uai b̶uu.

1 Timoteo 5:10

Ãchiba biꞌia wauped̶aad̶ad̶eeba trʉ̃ poa panad̶ai panuu. Ãchi warrarã biꞌia waribiabachid̶aubʉrã, ãchi ded̶e neeped̶aad̶a biꞌia irsibibachid̶aubʉrã, ãbarã jʉ̃rʉ jeraabachid̶aubʉrã, chi biꞌiwãe nuree aid̶abachid̶aubʉrã, maud̶e ne joma biꞌia waubachid̶aubʉrã, mau pẽdrãa trʉ̃ kartad̶e b̶ʉd̶ai panuu.

Tito 1:8

Maumaarã ichi ded̶e needuu sõbiad̶eeba urúbad̶e ad̶ai b̶uu, ne joma biꞌia wau kʉ̃ria nibai b̶uu, kʉ̃risia sõbiad̶eeba b̶uai b̶uu, jipa b̶uai b̶uu, Dachi Akõre baita b̶uai b̶uu, maud̶e ara ichi kakua jipa uru b̶uai b̶uu.

1 Pedro 4:9

Chi machi ded̶e needuurã kachirua kʉ̃risiad̶awẽa biꞌia irsibísturu.

3 Juan 1:5

Ãba, bichiba ãbarã aid̶a b̶uud̶eeba biꞌia wau b̶uu. Chi bichiba unukau ãbarã sid̶a aid̶abariid̶eeba biawãra ãrea biꞌia wau b̶uu.