Hebreos 13:13 - Emberá Chamí

¹³ Maud̶eeba puuru awara Jesusmaa wãaduu kĩra ichi baara wãd̶ai panuu. Ẽbẽrarãba Jesús kachirua jaraped̶aad̶a kĩra dachi sid̶a kachirua jaraaduud̶e ãwatad̶ai panuu.

Hebreos 13:13 ပူးပေါင်းရင်းမြစ်များ

Mateo 16:24

Maabae Jesusba ichi baara nibabadaurãmaa jarasii: —Ab̶a mʉ baara nibai kʉ̃ria b̶uubʉrã, mauba wau kʉ̃ria b̶uu ida b̶uped̶a ãrea biꞌiwãe b̶uai baita b̶uai b̶uu. Maabae mʉ baara wãi b̶uu.

Mateo 27:32

Arabena wãsid̶aud̶e kokoroarãba ẽbẽra Simón abadau unusid̶au. Mau Cirene puurud̶ebena basii. Ãchiba mau Simonmaa Jesús cruz adoebisid̶au.

Mateo 5:11

Machi mʉ kakua ẽbẽrarãba kachirua jaraaduubʉrã, kachirua wauduubʉrã maud̶e machi ʉ̃rʉbena setaa barikiu kachirua jaraaruud̶e, biꞌia panuu.

Lucas 6:22

»Biꞌia panuu ẽbẽraba mʉ, chi Ẽbẽra Ba B̶uad̶a kakua machi kĩramaaduud̶e, ida b̶uuduud̶e, kachirua jaraaduud̶e maud̶e machi sõ kachirua panuu aaduud̶e.

Lucas 9:23

Jesusba jomaurãmaa jarasii: —Ab̶a mʉ baara nibai kʉ̃ria b̶uubʉrã, chi mauba wau kʉ̃ria b̶uu, ida b̶ui b̶uu, maud̶e ewaricha ãrea biꞌiwãe b̶uai baita b̶uai b̶uu. Maabae mʉ baara wãi b̶uu.

Hechos 5:41

Ara makʉd̶e Jesusba bʉid̶arã judiorã mechiurãd̶ebena kĩrajʉʉ wãsid̶au. Kuitaa panasid̶au Dachi Akõreba ãchi biꞌia unusii ãchi Jesús trʉ̃d̶eeba biꞌiwãe panabiasid̶aud̶eeba.

2 Corintios 12:10

Cristo kakua ãrea biꞌiwãe b̶uud̶e, meserãaswãe b̶uud̶e, ne wãꞌãe b̶uud̶e, ẽbẽrarãba mʉ ʉ̃rʉbena kachirua jara panuud̶e maud̶e kachirua waud̶ai baita wãraa panuud̶e mʉ kĩrajʉʉ b̶uu. Biawãra mʉ meserãaswãe b̶uud̶e Cristod̶eeba meserãa nii.

Hebreos 11:26

Dachi Akõreba Dachi Karibabarii deai jarad̶a biawãra neei ijãasiid̶eeba, ichiba kʉ̃risiasii Egiptod̶ebena ne bia uru b̶uai audeara biꞌia b̶uu ãrea biꞌiwãe b̶uai. Kaad̶ebena ewarid̶e deai jarad̶a biꞌia adaui kʉ̃riasiid̶eeba maka kʉ̃risia b̶uasii.

Hebreos 12:2

Jesusd̶e kʉ̃risiáduru. Mauba karibasii dachiba naed̶e ijãad̶amera maud̶e aid̶abarii ewaricha ijãa panad̶amera. Kʉ̃risiásturu saka ichi cruzd̶e ãrea biꞌiwãe b̶uasii. Mau kakua kĩra nejasia b̶uai bad̶ad̶e kĩra nejasiabasii. Ichiba kuitaasii nau maad̶akare ãrea kĩrajʉʉ b̶uai. Biawãra Dachi Akõre rey ãkau jua biare akʉ b̶uu.

Hebreos 12:3

Biꞌia kʉ̃risiásturu ẽbẽra kachiruarãba Jesús miadaa wausid̶aud̶e saka dauchia jãaduasii. Maka machi kakua ãkaa panad̶aabasii maud̶e machiba ijãa panuu ida b̶ud̶ai kʉ̃risiad̶aabasii.

Hebreos 12:4

Machi kachirua ome chĩo panumina wabid̶a machi bead̶awẽa panuu Jesús beaped̶aad̶a kĩra.

1 Pedro 4:4

Jãabae machiba waa chi Dachi Akõred̶e ijãad̶akaurã ome kachirua waud̶akaud̶eeba ãchiba kuitaa kʉ̃risiad̶akau. Maud̶eeba machi ʉ̃rʉbena kachirua berreabadau.