Hebreos 12:22 - Emberá Chamí

²² Maamina machi Dachi Akõremaa neesid̶aud̶e chi biawãra Sión ead̶aa maud̶e chi bajãad̶ebena Jerusalend̶aa neesid̶au. Mau puuru Dachi Akõre chokae niid̶ebʉ. Aria angelerã mil ãrea ãbua kĩrajʉʉ duanuu.

Hebreos 12:22 ပူးပေါင်းရင်းမြစ်များ

Mateo 16:16

Simón Pedroba panausii: —Bichi Dachi Akõreba Dachi Karibabarii deai jarad̶a, Dachi Akõre chokae b̶uu Warrbʉ.

Mateo 5:35

Nau drua trʉ̃d̶eeba biawãra ne waui arã́sturu, nau drua Dachi Akõre jʉ̃rʉ b̶ubarii kĩra b̶uud̶eeba. Maud̶e Jerusalén trʉ̃d̶eeba biawãra ne waui arã́sturu, Jerusalén Dachi Akõre Rey puurud̶eeba.

Romanos 11:26

Maka Israel puuru Dachi Akõreba joma karibai. Dachi Akõre bed̶ead̶e naka b̶ʉ kub̶uu: «Dachi Karibabarii Sión puurud̶ebena neei. Ichiba Jacobd̶ebena imiped̶aad̶a chi kachirua waubadau ãyaa b̶ui.

Romanos 9:26

Maud̶e naka b̶ʉ kub̶uu: «Mʉʉba jarasii machi mʉ ẽbẽrarãwãe. Maka jarad̶amare, mʉʉba machi mʉ warrarã ai».

Gálatas 4:26

Maamina chi bajãad̶ebena Jerusalén puuru Sara kĩra b̶uu, mau puurud̶ebenarã chibari baita bari trajabadaurã kĩra nureewãed̶eeba. Maka nuree Moisesba b̶ʉd̶ad̶e ijãawẽa nureed̶eeba. Dachi mamabenad̶eeba Sara warrarã kĩra nuree.

Efesios 2:19

Maud̶eeba machi judiowãerã waa drua ãid̶ebenarã kĩra nuread̶aabai, maumaarã Dachi Akõre puurud̶ebenarã ome ãbua panuu; machi ẽbẽrarã Dachi Akõred̶erãbʉ.

Filipenses 3:20

Maamina dachi bajãad̶ebenarãbʉ. Dachi Karibabarii mamauba neei esed̶au panuu. Mau Dachi Mechiu Jesucristobʉ.

1 Tesalonicenses 1:9

Ara ãchiba jara panuu saka machiba dai deed̶aa urúbad̶e aped̶aad̶a, maud̶e Dachi Akõre kuenda juaba ne kaped̶aad̶arã ida b̶usid̶au Dachi Akõre biawãra chokae nii ijãad̶ai baita.

2 Timoteo 4:18

Ichiba joma mʉ kachirua wauruud̶ebena karibai. Mʉ biꞌia nuped̶a bajãad̶aa adooi, ichid̶irã ichi juad̶e ua b̶uud̶aa. Ewaricha ichimaa ãrea biꞌia berread̶ai panuu. Biꞌia b̶uu maka b̶uai.

Hebreos 10:31

Dachi Akõre chokae niiba dachi nebʉra ichiaruubʉrã biawãra ãrea mia kachirua b̶uu.

Hebreos 11:10

Abraham maka b̶uabachii, bajãad̶e b̶uu puuru wãꞌãekaud̶aa b̶uad̶e wãi baita kʉ̃ria b̶uasiid̶eeba. Mau puuru Dachi Akõreba ãrea kʉ̃risiaped̶a joma wausii.

Hebreos 11:16

Maamina ãchiba drua aude biꞌiau bajãad̶e b̶uu kʉ̃ria panasid̶au. Maud̶eeba Dachi Akõre kĩra nejasiakau ãchi Akõre aaduud̶e. Maarã baita bajãad̶e puuru wau uru b̶uu.

Hebreos 13:14

Nau iujãad̶e dachi puuru wãꞌãekaud̶e panuuwãema, maumaarã esed̶au panuu puuru wãꞌãekaud̶e panad̶ai baita.

Hebreos 3:12

Ãbarã, kauwa panásturu. Sõ chaareaba machid̶ebena ab̶a bid̶a Dachi Akõred̶e ijãawẽa b̶uarã́se. Chi maka niiba Dachi Akõre chokae nii ida b̶ubarii.

Hebreos 9:14

Maka baibʉrã, ¿Cristo oaba dachi biꞌia b̶uwẽka? Cristo kachiruaswãe nibasii. Dachi Akõre Jauri biukauba karibasiid̶eeba ara ichi ida beabisii ãnimara Dachi Akõremaa baa dearuu kĩra. Kachirua wau panuu kakua dachi biud̶ai panasid̶au. Maamina Cristoba ara ichi ida beabisiid̶eeba dachiba kachirua wauped̶aad̶a Dachi Akõreba perdonaped̶a dachi kʉ̃risia jipa b̶usii. Maka chi Dachi Akõre chokae niiba kʉ̃ria b̶uu, mau dachiba poyaa waud̶ai.

Judas 1:14

Enocba maarã ʉ̃rʉbena berreasii. (Adand̶ebena ab̶a Enocd̶aa ẽbẽrarã imiped̶aad̶arã 7 panasid̶au). Enocba Dachi Mechiu baita naka berreasii: «¡Ũrísturu! Dachi Mechiu ichid̶irã ãrea baara neei joma kastikakuai baita. Maud̶e joma ichi kʉ̃riad̶akaurã kastikakuai. Maka waui kachirua wausid̶aud̶eeba Ichi kʉ̃riad̶aabasiid̶eeba, maud̶e Ichi ʉ̃rʉbena kachirua ãrea berreasid̶aud̶eeba».

Apocalipsis 14:1

Mau maad̶akare mʉʉba chi Oeja Kaebe Nii Sión ead̶e ʉkʉ nub̶uu unusii. Chi mau baara 144.000 ẽbẽrarã panasii. Ãchi daub̶ʉʉrʉd̶e chi Oeja Kaebe Nii trʉ̃ maud̶e ãchi Akõre trʉ̃ b̶ʉ uru panasii.

Apocalipsis 21:10

Ara makʉd̶e Dachi Akõre Jauriba mʉ ea mechiu ʉtʉ b̶uud̶aa adoesii. Aria bajãad̶e Dachi Akõre b̶uabariimarebena ed̶aa neeruu mʉʉmaa unubisii Dachi Akõre puuru Jerusalén abadau.

Apocalipsis 21:2

Maud̶e mʉʉba unusii Dachi Akõre b̶uumarebena ichi puuru wid̶i Jerusalén bajãad̶ebena ed̶aa uruu. Mau puuru mipitaa ãrea b̶uasii wẽra miakãiruud̶e paru jʉ̃barii kĩra.

Apocalipsis 22:19

Maud̶e barikiuba nau kartad̶e b̶ʉ kub̶uud̶ebena bed̶ea ab̶a awara b̶uuruubʉrã, Dachi Akõreba ichimaa jõo ewaricha chokae b̶uai deabarid̶ebena ida kobiibai maud̶e Dachi Akõre puurud̶e bid̶a ed̶a ida wãbiibai. Mau jõo ʉ̃rʉbena maud̶e mau puuru ʉ̃rʉbena nau kartad̶e b̶ʉ kub̶uu.

Apocalipsis 3:12

Chi kachirua poyaaped̶aad̶a mʉ Dachi Akõre de wãto kĩra b̶ui. Maka mau ded̶ebena wãd̶aabai. Ãchi daub̶ʉʉrʉd̶e mʉ Chacha trʉ̃ b̶ʉi ichid̶irã kuitaabiayua. Maud̶e ãchi daub̶ʉʉrʉd̶e mʉ Chacha puuru trʉ̃ b̶ʉi mau puurud̶ebenarã kuitaabiayua. Mau Jerusalén Wid̶i abadau puuru bajãad̶ebena mʉ Chacha b̶uud̶ebena neei. Maud̶e ãchi daub̶ʉʉrʉd̶e mʉ trʉ̃ wid̶i b̶ʉi mʉʉd̶erã kuitaabiai baita.

Apocalipsis 7:2

Dachi Akõreba ãchimaa poyaabarii dea b̶uasii chi iujãa maud̶e mar ãrid̶amera. Maka b̶uud̶e mʉʉba ángel maucha ʉmada urubariare uruu unusii. Mauba Dachi Akõre chokae niid̶e sello wãabarii uru b̶uasii. Mauba naka jarakuasii chi kimare angelerãmaa: