Hebreos 12:2 - Emberá Chamí

² Jesusd̶e kʉ̃risiáduru. Mauba karibasii dachiba naed̶e ijãad̶amera maud̶e aid̶abarii ewaricha ijãa panad̶amera. Kʉ̃risiásturu saka ichi cruzd̶e ãrea biꞌiwãe b̶uasii. Mau kakua kĩra nejasia b̶uai bad̶ad̶e kĩra nejasiabasii. Ichiba kuitaasii nau maad̶akare ãrea kĩrajʉʉ b̶uai. Biawãra Dachi Akõre rey ãkau jua biare akʉ b̶uu.

Hebreos 12:2 ပူးပေါင်းရင်းမြစ်များ

Mateo 16:21

Mau tõpe Jesusba jara kob̶eesii ichi baara nibabadaurãmaa ichi Jerusalend̶aa wãd̶akare, ãrea biꞌiwãe b̶uai b̶uu. Naka jarasii: —Mʉ puurud̶ebena jaradea ua b̶uabadaurã juad̶e, paare mechiurã juad̶e maud̶e Moisesba b̶ʉd̶a jaradeabadaurã juad̶e bid̶a ãrea biꞌiwãe b̶uai. Mʉ beabid̶ai maamina ewari õbead̶e chokae jiradui.

Mateo 20:28

Ara mau kĩra mʉ, chi Ẽbẽra Ba B̶uad̶a neewẽa b̶uu ẽbẽrarã mʉ baita bari trajabadaurã nuread̶amera. Maumaarã nee b̶uu ẽbẽrarã baita bari trajabarii b̶uai baita. Maka mʉ biui ãrea ẽbẽrarã karibai baita.

Marcos 14:36

Naka jarasii: «Chacha, bichiba ne joma poyaa waui b̶uu. Nau biꞌiwãe b̶uai b̶uud̶ebena mʉ karibase. Maamina mʉʉba kʉ̃ria b̶uu kĩra waurã́se, maumaarã bichiba kʉ̃ria b̶uu kĩra wause».

Marcos 15:28

[Mau makasii Dachi Akõre Bed̶ead̶e b̶ʉd̶a kĩra: «Kachirua waubadaurã baara ãbua nub̶usid̶au».]

Marcos 16:19

Maka jarasiid̶e Dachi Akõreba Dachi Mechiu Jesús bajãad̶aa adoesii. Aria ichi jua biare akʉ b̶eesii.

Marcos 9:12

Jesusba panausii: —Biawãra Elías naed̶e neei b̶uu ne joma biꞌia b̶ui baita. Maamina ¿sakãe Dachi Akõre bed̶ead̶e b̶ʉ kub̶uu chi Ẽbẽra Ba B̶uad̶a ãrea biꞌiwãe b̶uu maud̶e ẽbẽrarãba ida b̶ud̶aima?

Marcos 9:24

Ara makʉd̶e chi akõreba jĩwa jarasii: —Mʉʉba ijãa b̶uu maamina karibase aude ijãai baita.

Lucas 17:5

Maud̶e Dachi Mechiuba bʉid̶arãba ichimaa jarasid̶au: —Dai aid̶ase biꞌia ijãad̶ai baita.

Lucas 23:11

Maka panuud̶e Herodesba maud̶e ichi kokoroarã bid̶a Jesús kachirua jara duanasid̶au. Paru ʉ̃rʉ jʉ̃barii mipitaa Jesusmaa jʉ̃bid̶aped̶a ichi atua jara duanasid̶au. Mau maad̶akare Herodesba ichi Pilatomaa waya bʉisii.

Lucas 24:26

¿Dachi Akõreba Dachi Karibabarii deai jarad̶a chi Mechiu b̶eei naed̶e biꞌiwãe b̶uai baska?

Juan 1:29

Mau norema Juanba Jesús ichimaa neeruu unusiid̶e naka jarasii: «¡Ichiásturu! Jãu Dachi Akõre oeja chekebʉ. Ichid̶eeba Dachi Akõreba nau iujãad̶ebenarãba kachirua waubadau perdonabarii.

Juan 12:24

Mʉʉba biawãra jaraaruu: trigo taa iorod̶e b̶aeruuwãebʉrã maud̶e biuruubʉrã, istu b̶eebarii. Maamina mau taa biud̶a kĩra iorod̶e b̶eeruubʉrã, tonoped̶a ãrea chaubarii.

Juan 12:32

Mʉ ʉtʉ jirab̶uuduud̶e mʉʉba jomaurã adooi mʉʉd̶e ijãad̶amera.

Juan 13:3

Jesusba kuitaa b̶uasii ichi Akõreba ne joma ichi juad̶e b̶usii, maud̶e kuitaa b̶uasii ichi Dachi Akõred̶ebena need̶a maud̶e waya ichimaa wãi b̶uu.

Juan 6:40

Mʉ Chachaba biawãra kʉ̃ria b̶uu ẽbẽrarãba mʉ ichi Warr kuitaad̶aped̶a ijãad̶ai ichi ome ewaricha chokae nuread̶amera. Makaburu mʉʉba ãchi nau baribai ewarid̶e chokae jiradubiai.

Juan 8:56

Machi nabẽra Abraham kĩrajʉʉsii mʉ nau iujãad̶aa neeruu ewari unui kuitaa b̶uasiid̶eeba. Biawãra unuped̶a ãrea kĩrajʉʉ b̶eesii.

Hechos 2:36

»Maud̶eeba joma israeld̶ebenarã, biawãra kuitásturu: Jesús, chi machiba cruzd̶e jirab̶ubiped̶aad̶a, Dachi Akõreba mau chi jomaurã Mechiu maud̶e Dachi Karibabarii deai jarad̶a b̶usii».

Hechos 3:15

Maka machiba chi dachi Chokae Nibabiabarii beasid̶au. Maamina Dachi Akõreba ichi biui b̶uad̶a chokae jiradubisii. Mau chokae jiradud̶a unusid̶au.

Hechos 5:31

Dachi Akõreba Jesús ichi jua biare b̶usii Dachi Mechiu maud̶e dachi Karibabarii b̶uamera. Ichid̶eeba israeld̶ebenarãba kachirua ida b̶ud̶aped̶a waya Dachi Akõremaa poyaa need̶ai. Makarã ãchiba kachirua wauped̶aad̶a Dachi Akõreba perdonai.

Hechos 5:41

Ara makʉd̶e Jesusba bʉid̶arã judiorã mechiurãd̶ebena kĩrajʉʉ wãsid̶au. Kuitaa panasid̶au Dachi Akõreba ãchi biꞌia unusii ãchi Jesús trʉ̃d̶eeba biꞌiwãe panabiasid̶aud̶eeba.

1 Corintios 1:18

Chi tʉbʉchia kiikaud̶aa wãd̶ai ẽbẽrarãmaarã, Cristo cruzd̶e biud̶a ʉ̃rʉbena bed̶ea kĩranema berrea b̶uu. Maamina dachi, chi Dachi Akõreba karibabadaurã, dachiba kuitaa panuu mau bed̶eaba Dachi Akõre poyaabarii kuitaabia b̶uu.

1 Corintios 1:23

Maamina daiba Cristo cruzd̶e biud̶a jaradea panuu. Mau bed̶ea judiorãba biꞌia ũrid̶akau. Judiowãerãba mau biꞌiwãe b̶uu kʉ̃risiabadau.

Efesios 2:16

Ichi cruzd̶e biud̶ad̶eeba puuru ome b̶uad̶a puuru ab̶a wauped̶a omea Dachi Akõre ome biꞌia b̶usii. Maka dachi awara panad̶a ichiba ãbua biꞌia b̶usii.

Efesios 5:2

Jomaurã kʉ̃riásturu Cristoba dachi kʉ̃ria b̶uu unubid̶a kĩra. Kʉ̃riad̶eeba dachi kakua ara ichi beabisii Dachi Akõremaa ãnimara baa dearuu kĩra. Dachi Akõreba mau biꞌia unusii.

Filipenses 1:6

Mʉʉba nau biawãra kuitaa b̶uu: Dachi Akõreba chi machi sõd̶e traju biꞌia waud̶a biꞌia kãrii ab̶a Jesucristo neeruud̶aa. Maud̶e ichiba machi joma biꞌia ua b̶uai.

Filipenses 3:20

Maamina dachi bajãad̶ebenarãbʉ. Dachi Karibabarii mamauba neei esed̶au panuu. Mau Dachi Mechiu Jesucristobʉ.

2 Timoteo 4:8

Mʉʉba jipa wau b̶uu baita Dachi Mechiuba mʉ baita boro jũra nu uru b̶uu. Ichiba jipa ichiabariid̶eeba mau boro jũra mʉʉmaa deai ichiba ichiaruud̶e. Maamina ab̶aburu mʉʉmaa deabai, maumaarã joma ichi neei ewari unu kʉ̃ria nureerãmaa deai.

Hebreos 1:13

Dachi Akõreba ángel ab̶aumaa bid̶a jaraabasii: «Mʉ jua biare akʉ b̶eese ab̶a bichi kĩramaarã mʉʉba joma bichi juad̶e b̶uuruud̶aa».

Hebreos 1:3

Ichi Warrba Dachi Akõre kĩrawãrea ted̶echoa unubiabarii. Ara ichid̶eeba Dachi Akõre saka nii kuitaabiabarii. Ichi bed̶ea poyaabarii b̶uuba joma waud̶a ichi juad̶e arakʉd̶e uru b̶uu. Ichiba dachi kachirua jeraaped̶a Dachi Akõre Mechiu jua biare bajãad̶e akʉ b̶eesii.

Hebreos 10:14

Cristoba b̶es ab̶a ara ichi ida beabisiid̶eeba chi Dachi Akõre baita awara b̶ud̶arã jipa duanusii, maka ewaricha nuread̶amera.

Hebreos 10:33

B̶esed̶e jomaurã daad̶e Cristo kakua kachirua jarabachid̶au maud̶e machimaa kachirua waubachid̶au. B̶esed̶e ãbarã Cristo kakua ãrea biꞌiwãe panuu baara ãrea biꞌiwãe paneebachid̶au.

Hebreos 11:36

Chi nuree Dachi Akõred̶e ijãa panuu kakua ẽbẽrarãba atua jarasid̶au, soaba pesid̶au maud̶e kaenaba jʉ̃d̶aped̶a jʉ̃a kub̶usid̶au.

Hebreos 12:3

Biꞌia kʉ̃risiásturu ẽbẽra kachiruarãba Jesús miadaa wausid̶aud̶e saka dauchia jãaduasii. Maka machi kakua ãkaa panad̶aabasii maud̶e machiba ijãa panuu ida b̶ud̶ai kʉ̃risiad̶aabasii.

Hebreos 13:13

Maud̶eeba puuru awara Jesusmaa wãaduu kĩra ichi baara wãd̶ai panuu. Ẽbẽrarãba Jesús kachirua jaraped̶aad̶a kĩra dachi sid̶a kachirua jaraaduud̶e ãwatad̶ai panuu.

Hebreos 5:9

Ne jomad̶e biꞌia wausiid̶eeba, joma chi ũribaba ũriiduu poyaa karibai b̶uu ewaricha chokae nuread̶amera.

Hebreos 7:19

maud̶e mau Moisesba b̶ʉd̶aba ab̶a bid̶a jipa nibabiabasii. Mau Moisesba b̶ʉd̶a audeara Dachi Akõreba ne bia deasii dachi karibai baita. Maud̶eeba dachi Dachi Akõremaa ara kaita wãbadau.

Hebreos 8:1

Chi kʉ̃risia bia daiba jara panuu naubʉ: dachi Paare Mechiu bajãad̶e Dachi Akõre rey ãkau jua biare akʉ b̶uu,

Hebreos 9:28

Ara mau kĩra Cristoba b̶es ab̶a ichi ida beabisii ãreaba kachirua wauped̶aad̶a awara b̶ui baita. Ichi waya neei, maamina dachiba kachirua waubadau awara b̶ui baita neebai. Maumaarã neei ichi esed̶au duanuu karibakuai baita.

Santiago 2:1

Ãbarã, machiba dachi bia nii Mechiu Jesucristod̶e ijãa panuud̶eeba ab̶a chi waabenarã audeara biꞌia waurã́sturu.

1 Pedro 1:11

Cristo Jauri ãchi sõd̶e b̶uuba berreabiabachii Cristo ãrea biꞌiwãe b̶uad̶a bad̶a Dachi Akõreba biꞌia b̶ui ʉ̃rʉbena. Berreasiid̶e kuitaa kʉ̃ria panasid̶au kai ʉ̃rʉbena Cristo Jauriba ãchimaa berreabiasii maud̶e sakaed̶e joma mau makai.

1 Pedro 3:18

Cristo jipa b̶umina kachirua kakua b̶es ab̶a biꞌiwãe b̶uasii. Mauba dachi chi jipawãe nuree Dachi Akõre ome biꞌia b̶usii. Ichi beasid̶au, maamina Dachi Akõre Jaurid̶eeba chokae jiradusii.

1 Pedro 3:22

Jesucristo chokae jiraduped̶a, bajãad̶aa wãped̶a Dachi Akõre jua biare b̶uu. Joma angelerã, joma jai kachiruarã chi mechiurã maud̶e chi meserãa nuree ichi juad̶e uru b̶uu.

Judas 1:21

Dachi Akõre kʉ̃riad̶eeba nibásturu. Dachi Mechiu Jesucristoba kĩra chuburia b̶uud̶eeba ewaricha chokae nibabiad̶ai esed̶au panásturu.

Apocalipsis 1:11

Mauba jarasii: «Bichiba unuuruu kartad̶e b̶ʉped̶a ãbarã 7 puuru b̶eed̶e duanuurãmaa urubʉise: Efesod̶aa, Esmirnad̶aa, Pergamod̶aa, Tiatirad̶aa, Sardisd̶aa, Filadelfiad̶aa maud̶e Laodicead̶aa».

Apocalipsis 1:17

Ichi unusiid̶e ichi jʉ̃rʉ kaita peraba jeed̶a b̶ari b̶eesii. Maamina ichi jua bia mʉ ʉ̃rʉ kub̶uped̶a jarasii: «Perarã́se. Mʉ chi nabenabʉ maud̶e kaad̶ebenabʉ.

Apocalipsis 1:8

Dachi Mechiuba jarasii: «Mʉ chi Joma Poyaabarii Dachi Akõrebʉ, chi Alfabʉ maud̶e chi Omegabʉ. Mau jara b̶uu mʉ chi nabenabʉ maud̶e chi kaad̶ebenabʉ. Mʉ chi nibad̶abʉ, chi niibʉ maud̶e chi neei baita b̶uubʉ».

Apocalipsis 2:8

»Chi Esmirna puurud̶ebena ijãabadaurã nubarii ángel baita kartad̶e naka b̶ʉse: »Chi Nabena maud̶e Kaad̶ebena, chi biud̶a bad̶a waya chokae niiba naka jara b̶uu: