Hebreos 12:1 - Emberá Chamí

¹ Mau ẽbẽrarã ãreaba Dachi Akõred̶e maka biawãra ijãasid̶aud̶eeba, dachia bid̶a ara mau kĩra ijãa panad̶ai panuu. Chi dachimaa ida ijãabiakau maud̶e ara dachiba kachirua waubadauba dachi b̶ʉra uru b̶uabarii ãyaa b̶ud̶aped̶a, maabae joma dauchia jãadua panuud̶eeba wã́duru chi need̶ai panuumaa bad̶ai baita.

Hebreos 12:1 ပူးပေါင်းရင်းမြစ်များ

Mateo 10:22

Mʉʉd̶e ijãa panuu kakua jomaurãba machi kĩramaad̶ai. Maamina chi kaad̶earebena ewarid̶aa dauchia jãadua mʉʉd̶e ijãa panuubʉrã, Dachi Akõreba mau karibai ichi baara chokae nuread̶amera.

Mateo 24:13

Maamina chi kaad̶earebena ewarid̶aa dauchia jãadua mʉʉd̶e ijãa panuubʉrã, Dachi Akõreba mau karibai.

Marcos 10:50

Ara makʉd̶e Bartimeoba ichiba anab̶ari jʉ̃barii jʉ̃ b̶uad̶a enaped̶a isa jiraduped̶a Jesusmaa wãsii.

Lucas 12:15

Maud̶e ichiba jomaurãmaa jarasii: —¡Kauwa panásturu! Chi nejarra uru panad̶ai kʉ̃ria panarã́sturu. Barau niid̶eeba dachi chokae b̶uakau.

Lucas 21:34

»Kauwa panásturu Dachi Akõred̶e dauchia jãadua panad̶amera. Itua do nibarã́sturu, ne kʉ̃risiawẽa panásturu maud̶e nau kakuaba wau kʉ̃ria b̶uu waurã́sturu. Kauwa nibad̶awẽebʉrã, mau ewari machi ʉ̃rʉ neei, enabe chi ãnimara ʉ̃rʉ b̶aebarii kĩra. Mau ewari jomaurã ʉ̃rʉ maka neei.

Juan 3:32

Ichiaburu berrea b̶uu bajãad̶e unud̶a ʉ̃rʉbena maud̶e ũrid̶a ʉ̃rʉbena. Maamina ichiba berrea b̶uu ab̶au bid̶a ijãad̶akau.

Juan 4:39

Ãrea Samariabid̶arã mau puurud̶ebenarãba Jesusd̶e ijãasid̶au, wẽraba naka jarasiid̶eeba: «Ichiba mʉʉmaa jarasii joma mʉʉba naed̶e waud̶a bad̶a».

Juan 4:44

Mau naed̶e ichiba jarasii Dachi Akõre baita berreabarii ara ichi druad̶ebenarãba wapeadee nii ad̶akau.

Romanos 12:12

Dachi Akõred̶ebena ne adoed̶ai kuitaa panuud̶eeba kĩrajʉʉ panásturu. Biꞌiwãe panuud̶e dauchia jãadua panásturu. Ewaricha Dachi Akõremaa ʉtaa id̶ísturu.

Romanos 2:7

Chi nureerãba biꞌia wau panuu Dachi Akõreba maarã biꞌia unumera, biꞌia jaramera maud̶e ewaricha ãchi ome chokae b̶uamera. Maarã biawãra chokae panabiai.

2 Corintios 7:1

Ãbarã, Dachi Akõreba dachimaa mau joma waui asiid̶eeba nau kakuaba kachirua waubarii maud̶e dachi kʉ̃risiad̶eeba waubarii joma ida b̶ud̶ai panuu. Dachi Akõre ãrea wapea panuud̶eeba ichi baita biꞌia nuread̶ai panuu.

Gálatas 2:2

Mʉ wãsii Dachi Akõreba kuitaabisiid̶eeba araa wãi b̶uu. Ara basiid̶e mʉʉba ãbarã chi mechiurã ómeburu araa imibiaped̶a, jarasii chi bed̶ea bia Cristo ʉ̃rʉbena mʉʉba judiowãerãmaa saka jaradea b̶uu. Maka wausii mʉʉba wau b̶uu ãchiba biꞌia unu panuu kuitaai baita.

Gálatas 5:7

Machiba biawãra chi bed̶ea bia ijãa panasid̶au. ¿Kaiba waa joesma machiba mau bed̶ea ida b̶ud̶amera?

Efesios 4:25

Maud̶eeba setaa ida b̶ústuru. Ab̶aburu biawãráturu waabenarã ome berreásturu, joma dachi arab̶au kakuad̶ebenad̶eeba.

Filipenses 1:30

Machiba unusid̶au mʉ ãrea biꞌiwãe b̶uud̶e dauchia jãadua b̶uad̶a maud̶e jãabae ũri panuu wabid̶a dauchia jãadua b̶uu. Ara mau kĩra machi sid̶a ãrea dauchia jãadua panuu.

Filipenses 2:16

Chi dachi chokae b̶uabiabarii bed̶ea ʉ̃rʉbena ãchimaa arakʉd̶e kuitaabia panásturu. Maka Cristo neeruud̶e mʉ machi kakua kĩrajʉʉi. Maud̶e mʉʉba kuitaai mʉ bari ara jãka nibaabasii maud̶e bari trajaabasii.

2 Timoteo 2:4

Kokoroaba barikia waukau, maumaarã chi audeara niiba kʉ̃ria b̶uu waubarii biꞌia unumera.

2 Timoteo 4:7

Mʉʉba Dachi Akõre baita waui b̶uad̶a joma wausii, pirabarii chi neei b̶uumaa neebarii kĩra. Joma jipa wausii biꞌia chĩod̶a kĩra. Mʉʉba Cristo ida b̶uwẽa b̶uu.

Hebreos 6:15

Abraham joma jãadua esed̶au b̶uud̶eeba, Dachi Akõreba warr deai jarad̶a unusii.

Santiago 1:3

Machiba kuitaa panuu maka ãrea biꞌiwãe panuud̶e Dachi Akõred̶e ijãa paneeduubʉrã, biꞌia dauchia jãaduad̶ai kuitaad̶ai.

1 Pedro 2:1

Maud̶eeba waabenarãmaa kachirua waud̶ai ida b̶ústuru. Waabenarãmaa setaa jararã́sturu. Chi nureeba ara ãchiba jarabadau kĩra waud̶akau. Mau ẽbẽrarã kĩra panarã́sturu. Waabenarãba uru panuu kakua, kachirua kʉ̃risiarã́sturu. Waabenarã ʉ̃rʉbena kachirua jararã́sturu.

1 Pedro 4:2

Mau ẽbẽraba wabid̶a nau iujãad̶e b̶uud̶e nau kakuaba kachirua wau kʉ̃ria b̶uu wau b̶uawẽma, maumaarã Dachi Akõreba kʉ̃ria b̶uu wau b̶uai.

1 Pedro 5:1

Machi chi ijãabadaurã nubadaurãmaa mʉʉba chi chuburia id̶iiruu, mʉ sid̶a ijãabadaurã nubariid̶eeba. Cristo ãrea biꞌiwãe b̶uad̶a mʉʉba unusii. Maud̶e Dachi Akõreba Cristo chi mechiu nii unubiaruud̶e mʉ sid̶a ichi ome b̶uai. Maud̶eeba naka chi chuburia id̶iiruu:

1 Pedro 5:12

Ãba Silvanoba nau karta cheke aid̶a b̶ʉsii. Mʉʉba kuitaa b̶uu ara ichiba jara b̶uu kĩra joma waubarii. Nau kartad̶eeba mʉʉba machi aid̶a kʉ̃ria b̶uu biꞌia ijãad̶amera. Maud̶e kuitaabiai kʉ̃ria b̶uu biawãra Dachi Akõreba ichi sõbiad̶eeba aid̶a b̶uu. Mau ijãa panásturu.

2 Pedro 1:6

kʉ̃risia kuitaa panuud̶e jʉrʉ́sturu machi kakua kĩra jipa nuread̶ai baita; machi kakua kĩra jipa panuud̶e jʉrʉ́sturu joma jãaduad̶ai baita; joma jãadua panuud̶e jʉrʉ́sturu Dachi Akõreba kʉ̃ria b̶uu kĩra nuread̶ai baita;

Apocalipsis 1:9

Mʉ machi ãba Juanbʉ. Dachi Jesucristo ome panuud̶eeba mʉ machi ome Dachi Akõre juad̶ebenarãbʉ, machi ome ãrea biꞌiwãe b̶uu, maud̶e machi ome joma dauchia jãadua b̶uu. Dachi Akõre bed̶ea jaradea b̶uu kakua maud̶e Jesús ʉ̃rʉbena biawãra a b̶uu kakua mʉ Patmos islad̶e b̶usid̶au.

Apocalipsis 13:10

«Chi jʉ̃ad̶ai panuu, mau jʉ̃ad̶ai. Chi espadaba biud̶ai panuu, mau espadaba biud̶ai». Maud̶eeba ẽbẽrarã Dachi Akõred̶erã ãrea ijãad̶aped̶a ãrea dauchia jãadua panad̶ai panuu.

Apocalipsis 22:16

»Mʉ Jesusbʉ. Mʉʉba ángel ab̶a bajãad̶ebena bʉisii joma ãbarã nau iujãad̶e nureecha mau jarakuamera. Mʉ Davidd̶ebena need̶abʉ, ichid̶ebena need̶a kĩra b̶uu. Mʉ Daped̶ebena pusterrea ãrea koabarii abadau».

Apocalipsis 3:10

Machiba joma chi mʉ kakua biꞌiwãe duanuu dauchia jãadua panuu mʉʉba jarad̶a kĩra. Maud̶eeba chi joma nau iujãad̶ebena biꞌiwãe panad̶ai ewari neeruud̶e, mʉʉba machi nu ua b̶uai. Mau ewarid̶e joma chi nau iujãad̶e duanuu biꞌiwãe panabiai sakad̶ai kuitaayua.