Hebreos 10:38 - Emberá Chamí

³⁸ Chi jipa nii mʉʉd̶e ijãa niid̶eeba chokae nibai. Maamina ichiba ijãa b̶uu ida b̶uuruubʉrã, mʉʉba mau biꞌia unuubai».

Hebreos 10:38 ပူးပေါင်းရင်းမြစ်များ

Mateo 12:18

Naka jarasii: Nau mʉʉba jʉrʉ adaud̶a, chi mʉ baita bari trajabariibʉ. Mʉʉba ichi kʉ̃ria b̶uu. Ichi kakua mʉ biawãra kĩrajʉʉ b̶uu. Mʉ Jauri ichimaa deai. Ichiba puuru b̶eecha mʉʉba jipa waui ʉ̃rʉbena jarai.

Mateo 13:21

Maamina chi karr ãrea jidauwẽa b̶uud̶eeba ãrea dauchia jãadua b̶uakau. Ewari kachirua b̶aeruud̶e maebʉrã Dachi Akõre bed̶ea ijãa b̶uud̶eeba ẽbẽrarãba kachirua wauduud̶e ichiba ijãa b̶uu ida b̶ubarii.

Romanos 1:17

Mau bed̶ea biad̶eeba Dachi Akõreba kuitaabia b̶uu dachi karibai, ichiba jara b̶uu kĩra. Jesucristod̶e ijãaruubʉrã maka b̶uai. Dachi Akõre bed̶ead̶e naka b̶ʉ kub̶uu: «Chi jipa nii, Dachi Akõred̶e ijãa niid̶eeba chokae nibai».

Gálatas 3:11

Biawãra dachiba biꞌia kuitaa panuu Moisesba b̶ʉd̶a wau b̶uud̶eeba Dachi Akõreba ab̶a bid̶a chi ichid̶irã jipa nuree baara b̶ui. Dachi Akõre bed̶ead̶e naka b̶ʉ kub̶uu: «Chi jipa nii, Dachi Akõred̶e ijãa niid̶eeba chokae nibai».

1 Tesalonicenses 2:15

Ara maarãba Dachi Mechiu Jesús maud̶e Dachi Akõre baita berreabadaurã sid̶a beasid̶au. Mau awara dai ãyaa bʉisid̶au. Maarã Dachi Akõreba biꞌia unukau. Maarãba jomaurã kĩramaabadau.

Hebreos 10:39

Waabenarãba Dachi Akõred̶e ijãa panuu ida b̶ud̶aped̶a adua paneebadau. Maamina dachi mau ẽbẽrarã kĩra panuuwãema, maumaarã Dachi Akõred̶e ijãa panuud̶eeba ewaricha chokae panad̶ai.

Santiago 5:6

Machiba chi ẽbẽra jipa nii nebʉra barau ad̶aped̶a beasid̶au. Maud̶e mauba ne waubasii bearãad̶amera.

1 Juan 2:19

Maarã dachi baara panad̶a wãsid̶au, maamina biawãra dachid̶ebenawãe basii. Maarã biawãra dachid̶ebena basirã, dachi baara wabid̶a ãbua panad̶ai basii. Maamina mau makasii biꞌia kuitaad̶amera joma dachid̶ebenawãe nuree.