Hebreos 10:19 - Emberá Chamí

¹⁹ Maud̶eeba ãbarã, Dachi Akõre baita biꞌia b̶uu piezad̶e ed̶a wãaduu kĩra Jesucristo oad̶eeba Dachi Akõre kaita wapeawẽa wãd̶ai panuu.

Hebreos 10:19 ပူးပေါင်းရင်းမြစ်များ

Romanos 5:2

Mau awara Jesucristod̶e ijãa panuud̶eeba Dachi Akõreba ichi sõbiad̶eeba dachi ewaricha aid̶abarii. Maud̶e kĩrajʉʉ panuu kuitaa panuud̶eeba Dachi Akõre biad̶ebena adaud̶ai.

Romanos 8:15

Machiba Dachi Akõre Jauri adausid̶aud̶e machi wapeabiabasii, chi chibari baita bari trajabarii makabarii kĩra. Maumaarã machi duanusii Dachi Akõre warrarã bad̶amera maud̶e «Chacha» ad̶amera.

Efesios 2:18

Cristod̶eeba dachi omeeba arab̶au Bajãad̶ebena Akõremaa poyaa ara kaita need̶ai, ichi arab̶au Jaurid̶eeba.

Efesios 3:12

Dachiba ara mau Jesucristod̶e ijãa panuud̶eeba maud̶e ichi ome ãbua panuud̶eeba Dachi Akõremaa wapeawẽa ʉtaa id̶id̶ai panuu.

2 Timoteo 1:7

Dachi Akõreba dachi sõ wapea panabiabasii, maumaarã dachi poyaabarii panabiasii, waabenarã kʉ̃ria uru panabiasii, maud̶e dachi kakua saka kĩra jipa panad̶ai kuitaabiasii.

Hebreos 10:18

Dachi Akõreba dachi kachirua wauped̶aad̶a ida b̶usiid̶eeba, waa dachi kachirua kakua ichimaa ne kaebea dead̶aabai panuu.

Hebreos 10:35

Maud̶eeba machiba Dachi Akõred̶e ijãa panuu ida b̶urã́sturu. Ijãa panuubʉrã, Dachi Akõreba bajãad̶e ne bia mechiu deai.

Hebreos 12:28

Dachi Akõre jua wãꞌãekaud̶e panad̶aid̶eeba ichimaa bichíturu kid̶ibai ad̶ai panuu. Ãrea wapea panuud̶eeba ichimaa biꞌia berread̶ai panuu ichiba kʉ̃ria b̶uu kĩra,

Hebreos 3:1

Ãbarã, machi ẽbẽrarã Dachi Akõred̶erãd̶eeba maud̶e ichiba machi iukuasiid̶eeba, Jesucristo ʉ̃rʉbena ãrea biꞌia kauwa kʉ̃risiásturu. Dachiba biawãra ijãa panuu abadau, Ichi Dachi Akõreba bʉid̶a maud̶e Paare Mechiu.

Hebreos 3:6

Maamina Dachi Akõre warr Cristo baerã, mau ẽbẽrarã mechiubʉ. Ãchi ome joma arakʉd̶e wau b̶uu. Dachiba Cristod̶e ijãa panuubʉrã maud̶e ichid̶eeba adaud̶ai kĩrajʉʉ esed̶au panuubʉrã, ẽbẽrarã Dachi Akõred̶erãbʉ.

Hebreos 4:16

Maud̶eeba Dachi Akõremaa wapead̶awẽa id̶id̶ai panuu ichi rey ãkau kub̶uumaa ara kaita wãaduu kĩra. Maka ichiba dachi kĩra chuburiai maud̶e ichiba karibamera ʉtaa id̶iiduud̶e ichi sõbiad̶eeba karibai.

Hebreos 7:25

Maud̶eeba chi ichid̶eeba Dachi Akõremaa needuu joma poyaa karibai ewaricha chokae nuread̶amera. Biukaud̶eeba ewaricha dachi baita Dachi Akõremaa chi chuburia id̶ibarii.

Hebreos 9:12

Aria chi «Dachi Akõre baita biꞌia b̶uu piezad̶e» b̶es ab̶a ed̶a wãsii. Wãsiid̶e chivo oa maud̶e paka warr oa Dachi Akõre daad̶e jĩtod̶okai baita adoebasii. Maumaarã ara ichi oa adoesii. B̶es ab̶a maka wausiiba dachi karibasii ewaricha nebʉraswãe nuread̶amera.

Hebreos 9:3

Chi mawãare b̶uu pieza paru eab̶ari jirab̶u ad̶u b̶uasii. Mau pieza «Dachi Akõre baita biꞌia b̶uu pieza» abachid̶au.

1 Juan 4:17

Maka dachiba Dachi Akõre maud̶e joma ẽbẽrarã biawãra kʉ̃ria panuu. Dachi Akõreba dachi nebʉra kastikai ewarid̶e dachi ne wapeawẽa nuread̶ai, nau iujãad̶e Jesucristo nibad̶a kĩra nibaped̶aad̶ad̶eeba.