Gálatas 4:18 - Emberá Chamí

¹⁸ Biawãra biꞌia b̶uu ewaricha kʉ̃risia biꞌia sõd̶eeba ijãa panad̶ai. Maamina maka panad̶aabai panuu mʉ machi ome b̶uud̶éburu. Maumaarã mʉ wãꞌãed̶e bid̶a ijãad̶ai panuu.

Gálatas 4:18 ပူးပေါင်းရင်းမြစ်များ

Juan 2:17

Maud̶e ichi baara nibabadaurãba kĩrabasid̶au Dachi Akõre bed̶ead̶e naka b̶ʉ kub̶uu: «Bichi de mechiu mʉʉba ãrea kʉ̃ria b̶uud̶eeba mʉ biui».

1 Corintios 15:58

Maud̶eeba ãbarã mʉa kʉ̃riakuabarii, ãrea ijãa panásturu. Dachi Mechiuba kʉ̃ria b̶uu ãrea wau kãribad̶eásturu. Machiba kuitaa panuu Dachi Mechiu baita wau panuu, machiba bari wau panuuwãe.

Gálatas 4:13

Kuitaa panuu mʉʉba machimaa chi bed̶ea bia Cristo ʉ̃rʉbena naa jarad̶e wãsiid̶e, mʉ ẽpermo b̶uasiid̶eeba machimaa jaradea b̶eesii.

Gálatas 4:17

Machi tãed̶e chi biꞌia jaradead̶akaurãba ne joma wau panuu machiba ãchi bed̶ea ijãad̶amera. Maamina ãchiba maka waud̶akau machi aid̶ad̶ai baita. Machi daid̶ebena ãyaa adoe kʉ̃ria panuu sõd̶eeba ãchi baara panad̶amera.

Gálatas 4:20

¡Mʉ ʉ̃raud̶aa machi baara b̶uad̶a basirã kuitaai basii saka berreai b̶uu! Mʉʉba biawãra adua b̶uu machi ʉ̃rʉbena saka kʉ̃risiai.

Filipenses 1:27

Jipa nibásturu chi bed̶ea bia Cristo ʉ̃rʉbena jara b̶uu kĩra. Makarã mʉʉba machi ichiad̶e wãaruubʉrã, maebʉrã machi ome b̶uuwãed̶e machi ʉ̃rʉbena ũriiruubʉrã, kuitaai machiba arab̶au kʉ̃risiad̶eeba ãbua ãrea ijãa panuu maud̶e ãbua ãrea traja panuu mau bed̶ea bia kuitaabid̶ai baita.

Filipenses 2:12

Maka mʉ ãbarã chi kʉ̃ria, mʉ machi ome b̶uasiid̶eeba Dachi Akõre bed̶ea jara b̶uu kĩra wau panuu. Jãabae mʉ machi ome b̶uuwãemina Dachi Akõre ãrea wapea panuud̶eeba wau panásturu ichiba machi karibasiid̶eeba.

Tito 2:14

Dachi baita Jesucristoba ara ichi ida beabisii ne joma kachiruad̶ebena karibai baita. Dachi ara ichi baita biꞌia b̶usii ichi puurud̶e panad̶amera maud̶e ne joma biꞌia wau kʉ̃ria panad̶amera.

Apocalipsis 3:19

Chi ẽbẽrarã mʉʉba kʉ̃riakua b̶uu kastikakuabarii maud̶e bed̶ea bia ũribiabarii mʉ bed̶ea ijãad̶amera. Maud̶eeba waya mʉʉmaa nésturu biawãra mʉ baara sõd̶eeba nibad̶amera.