Gálatas 3:17 - Emberá Chamí

¹⁷ Mʉʉba naka jara b̶uu: Dachi Akõreba Abraham ome bed̶ea deasii. 430 año basiid̶e Moisesmaa ichiba jarad̶a b̶ʉbisii. Maamina ichiba Abraham ome naed̶e bed̶ea dead̶a mau Moisesba b̶ʉd̶a ãyaa b̶uubasii. Ãyaa b̶ud̶a basirã ichiba karibai ad̶a waubai basii.

Gálatas 3:17 ပူးပေါင်းရင်းမြစ်များ

Juan 1:17

Dachi Akõreba naed̶e Moisesba b̶ʉd̶a deasii, maamina Jesucristod̶eeba dachimaa kuitaabiasii ichi biawãra saka nii maud̶e ichi sõbiad̶eeba dachi ãrea kariba b̶uu.

Hechos 7:6

Maud̶e Dachi Akõreba Abrahammaa jarasii: “Chi bichid̶ebena neeruu puuru ãibena druad̶e b̶uai, aria ãibenarã chibari baita bari trajabadaurã nuread̶ai maud̶e mau ẽbẽrarãba ãchi 400 años biꞌiwãe panabi uru panad̶ai”.

Romanos 3:25

Dachi Akõreba Jesucristo b̶usii ichi oa chemera, dachi kachirua kakua. Mau ijãaduud̶e Dachi Akõreba dachi kachirua perdonabarii. Maka unubia b̶uu Dachi Akõre jipa nii, dachi karibai baita. Cristo neei naed̶e kachirua wauped̶aad̶a Dachi Akõreba joma dauchia jãadua b̶uud̶eeba kastikawẽa b̶uasii.

Romanos 3:3

Maamina ãchid̶ebena chi nureerãba chi waud̶ai panuu kĩra waud̶aabasii. ¿Maud̶eeba chi Dachi Akõreba waui jarad̶a wauwẽka?

1 Corintios 1:12

Mau ʉ̃rʉbena biꞌia jaraaruu. Waabenarã machid̶ebenarãba jarabadau: «Mʉ Pablod̶e». Waabenarãba jarabadau: «Mʉ Apolosd̶e». Waabenarãba jarabadau: «Mʉ Pedrod̶e». Maud̶e waabenarãba jarabadau: «Mʉ Cristod̶e».

1 Corintios 1:17

Cristoba mʉ bʉibasii ẽbẽrarã boro ea b̶uamera, maumaarã bʉisii chi bed̶ea bia ichi ʉ̃rʉbena jaradeamera. Nau iujãad̶ebena kʉ̃risia kuitaad̶eeba jaradeawẽa b̶uu, Cristo cruzd̶e biud̶a poyaaswãe b̶eerãamera.

1 Corintios 10:19

Maamina mʉʉba jarawẽa b̶uu chi Dachi Akõre kuenda juaba ne kaped̶aad̶a biawãrabʉ. Chi maarãmaa kiuru dead̶ad̶ebena kiuru kĩra b̶uu.

1 Corintios 7:29

Ãbarã, mʉʉba nau jara kʉ̃ria b̶uu: nau ewari wãꞌãemaa b̶uu. Maud̶eeba jãabae chi ãbarã kima uru nureerãba Dachi Akõre od̶e wã panuu ida b̶ud̶aabai panuu ãchi wẽra ome nuread̶ai baita. Maumaarã chi kima wãꞌãe b̶uu kĩra nuread̶ai panuu.

2 Corintios 1:20

Biawãra Dachi Akõreba waui jarad̶a joma Cristod̶eeba waubarii. Maud̶eeba dachiba Dachi Akõremaa ʉtaa id̶iiduud̶e Cristod̶eeba biꞌia b̶uu maka b̶uai abadau. Maka ichi ʉ̃rʉbena biꞌia jara panuu.

2 Corintios 9:6

Nau kĩrabásturu: «B̶aꞌãra uuruuba b̶aꞌãra junai. Ãrea uuruuba ãrea junai».

Gálatas 3:15

Ãbarã, dachi ẽbẽrarãba ne waubadau kĩra berrearuu: ẽbẽraba waabena ome bed̶ea dead̶a kartad̶e b̶uped̶a ichi trʉ̃ mau kartad̶e b̶ʉʉruubʉrã ab̶au bid̶a mau bed̶ea b̶ʉd̶a poyaa ãyaa b̶ud̶aabai, maud̶e kʉ̃risia awara poyaa ed̶a b̶ʉd̶aabai.

Gálatas 3:21

Maka b̶uubʉrã Dachi Akõreba Moisesmaa ichi bed̶ea b̶ʉbisiid̶e ¿ichiba Abraham ome bed̶ea dead̶a ida b̶uska? ¡Makawãema! Moisesba b̶ʉd̶aba dachi poyaa chokae panad̶ai basirã, mau b̶ʉd̶a wau panuud̶eeburu Dachi Akõreba dachi chi jipa nuree baara duanui basii.

Gálatas 5:16

Maud̶eeba mʉʉba jaraaruu: Dachi Akõre Jaurid̶eeba nibásturu. Makaaruubʉrã machi kakuaba kachirua wau kʉ̃ria b̶uu waud̶aabai.

Gálatas 5:4

Chi nuree machid̶ebenarãba kʉ̃risiabadau Moisesba b̶ʉd̶a waubadaud̶eeba, Dachi Akõreba chi jipa nureerã baara b̶ui. Cristo ãyaa wãsid̶au maud̶e ichi sõbiad̶eeba jipa duanubiad̶a ida b̶usid̶au.

Efesios 2:12

Kĩrabásturu naed̶e machi Cristowãe nureasii maud̶e israeld̶ebenarãwãe basii. Dachi Akõre ãchi ome bed̶ea deasiid̶e ichiba machimaa ab̶a bid̶a deai bad̶a jaraabasii. Mau awara machi saka biꞌia nuread̶aiswãe panasid̶au maud̶e nau druad̶e Dachi Akõreswãe nureasii.

Efesios 4:17

Machiba biawãra waud̶amera, mʉʉba Dachi Mechiu trʉ̃d̶eeba nau jaraaruu: waa Dachi Akõre adua nuree kĩra nibarã́sturu. Ãchi kʉ̃risia biꞌiwãe nureed̶eeba nibabadau.

Colosenses 2:4

Joma mau mʉʉba jara b̶uu ab̶auba machimaa setaa jararãamera, setaa mipitaa berrearuuba.

Hebreos 11:13

Joma maarã ẽbẽrarã Dachi Akõred̶e ijãa badaped̶aad̶a biusid̶au. Maamina Dachi Akõreba deai jarad̶a ãchiba nau iujãad̶e adaud̶aabasii. Maamina kuitaasid̶au kaad̶ebena ewarid̶e ichiba joma deai. Maud̶eeba kĩrajʉʉsid̶au maud̶e arakʉd̶e jarasid̶au nau iujãad̶e ãchi ãyarebena druad̶ebena kĩra duanuu maud̶e ãibena druacha duanuu.

Hebreos 7:18

Chi naa b̶ʉd̶a Dachi Akõreba wãꞌãebisii ab̶a bid̶a aid̶akaud̶eeba,

1 Pedro 1:20

Nau iujãa waui naed̶e Dachi Akõreba Cristo jʉrʉ adauped̶a nau kaad̶ebena ewarid̶e bʉisii machi biꞌia nuread̶amera.