Filipenses 4:9 - Emberá Chamí

⁹ Mʉʉba jaradead̶a, machiba mʉʉd̶eeba kuitaaped̶aad̶a, mʉʉd̶eeba ũriped̶aad̶a maud̶e unuped̶aad̶a joma wau panásturu. Maud̶e Dachi Akõre machi ome b̶uai maud̶e machi jirukaraayuwãe duanubiai.

Filipenses 4:9 ပူးပေါင်းရင်းမြစ်များ

Mateo 1:23

«Wẽra mukĩra adua nii warr baraai maabae warr ab̶a adaui. Ẽbẽrarãba chi warr Emanuel trʉ̃ad̶ai». (Mau trʉ̃ jara b̶uu «Dachi Akõre dachi baara b̶uu»).

Mateo 28:20

Maarãmaa jaradeásturu mʉʉba machimaa jarad̶a joma waud̶amera. Maud̶e mʉ machi baara ewaricha b̶uai nau ewari wãꞌãeruud̶aa.

Mateo 7:21

»Ẽbẽrarãba mʉ ãchi Mechiu abadamina Bajãad̶e B̶uu juad̶e joma panad̶aabai. Mʉ chacha bajãad̶e b̶uuba ijãabadáuturu ichi juad̶e ua b̶uai.

Lucas 6:46

»¿Sakãe mʉ “Dai Mechiu, Dai Mechiu” abadama maamina mʉʉba jara b̶uu machiba waud̶akama?

Lucas 8:21

Jesusba jarasii: —Dachi Akõre bed̶ea ũribadaurã maud̶e ijãa waubadaurã mʉ nawebʉ maud̶e mʉ ãbarãbʉ.

Juan 13:17

¿Ũrisid̶aka? Maka wauduubʉrã biawãra biꞌia panad̶ai.

Juan 15:14

Mʉʉba waubi b̶uu bed̶ea machiba ijãaduubʉrã machi mʉ kõpaerorãbʉ.

Juan 2:5

Maamina Jesús naweba chi chiko dead̶aka panuumaa jarasii: —Ichiba jaraaruu joma wáusturu.

Hechos 9:6

Jiraduped̶a Damasco puurud̶aa wãse. Jamaria ab̶auba jarai bichiba kãare waui b̶uu.

Romanos 15:33

Mʉʉba kʉ̃ria b̶uu chi Dachi Akõre dachi jirukaraayuwãe duanabiabarii joma machi baara b̶uai. Biꞌia b̶uu maka b̶uai.

Romanos 16:20

Chi dachi jirukaraayuwãe b̶uabiabarii Dachi Akõreba kãꞌãabariwãed̶e Satanás poyaaped̶a machi juad̶e b̶ui. Mʉʉba kʉ̃ria b̶uu Dachi Mechiu Jesucristoba ichi sõbiad̶eeba machi aid̶a b̶uai.

1 Corintios 10:31

Maamina mʉʉba jaraaruu: machi komaa panuud̶e maud̶e waumaa panuud̶e joma wáusturu ẽbẽrarãba Dachi Akõre ʉ̃rʉbena biꞌia jarad̶amera.

1 Corintios 14:33

Dachi Akõreba ororoa nub̶eebikau, maumaarã jirukaraayuwãe b̶uabiabarii. Ẽbẽrarã Dachi Akõred̶erã araa ãbua imiiduucha

1 Corintios 4:16

Maud̶eeba mʉʉba machimaa chi chuburia id̶ii mʉ nibabarii kĩra nibad̶amera.

2 Corintios 13:11

Ãbarã, kaad̶eare mʉʉba naka b̶ʉʉruu: kĩrajʉʉ panásturu, waya jipa wau panásturu, mʉʉba jara b̶uu wau panásturu, arab̶au kʉ̃risia uru panásturu maud̶e jirukaraayuwãe panásturu. Makarã chi Dachi Akõreba dachimaa kʉ̃riabiabarii maud̶e jirukaraayuwãe b̶uabiabarii machi ome b̶uai.

Filipenses 3:17

Ãbarã, mʉ kĩra panásturu. Machi tãed̶e nibasid̶aud̶e daiba unubiasid̶au saka nuread̶ai panuu. Ãbarã maka nuree baara nibásturu.

Filipenses 4:7

Mauba Dachi Akõreba machi sõ maud̶e machi kʉ̃risia jirukaraayuwãe duanubiai Jesucristo ome panuud̶eeba. Mau jirukaraayuwãe panad̶ai ẽbẽrarãba ãchi du ab̶a poyaa kauwa kuitaad̶aabai.

1 Tesalonicenses 1:6

Arab̶aud̶e machiba dai panabachid̶au kĩra wau kopaneesid̶au. Maud̶e Dachi Mechiu nibad̶a kĩra wau kopaneesid̶au. Machi ãrea biꞌiwãe panumina Dachi Akõre Jauriba kĩrajʉʉbiasiid̶e chi bed̶ea bia ijãasid̶au.

1 Tesalonicenses 2:14

Ãbarã, machiba ijãa panuu kakua ara machi druad̶ebenarãba kachirua wau panasid̶au Dachi Akõred̶e ẽbẽrarã judiorã druad̶e makaped̶aad̶a kĩra. Aria Jesucristod̶e ijãabadaurã judiorã chi ijãad̶akaurãba kachirua wau panasid̶au.

1 Tesalonicenses 5:23

Mʉʉba kʉ̃ria b̶uu Dachi Akõreba machi jomad̶e ichi baita biꞌia panabiayu. Mauba dachi jirukaraayuwãe panabiabarii. Mʉʉba kʉ̃ria b̶uu Dachi Akõreba machi jauri, machi kʉ̃risia maud̶e machi kakua ãrea biꞌia nu b̶uayu. Maka Dachi Mechiu Jesucristo neeruud̶e machi ab̶a bid̶a kachirua a jarad̶ayuswãe panad̶ai.

2 Tesalonicenses 3:4

Dachi Mechiud̶eeba kuitaa panuu daiba jaradeaped̶aad̶a machiba biawãra wau panuu maud̶e waa wau paneed̶ai.

2 Timoteo 4:22

Mʉʉba kʉ̃ria b̶uu Dachi Mechiu Jesucristo bichi ome b̶uai maud̶e Dachi Akõreba ichi sõbiad̶eeba machi aid̶a b̶uai. Biꞌia b̶uu maka b̶uai.

Santiago 1:22

Dachi Akõre bed̶ea jara b̶uu kĩra wau panásturu. Ab̶aburu ũriiduu panarã́sturu. Maka nureebʉrã, ara machi du ab̶a setaa kũrua nuread̶ai.

2 Pedro 1:10

Ãbarã, Dachi Akõreba machi iuped̶a jʉrʉ adausii. Biawãra maka nuree unubid̶ai baita chokekea panásturu. Maka wauduubʉrã b̶aed̶aabai.

1 Juan 3:22

Maud̶e dachiba ʉtaa id̶iiduu ichiba deai, Dachi Akõreba waubi b̶uu bed̶ea maud̶e chi ichiba kʉ̃ria b̶uu wau panuud̶eeba.