Filipenses 4:8 - Emberá Chamí

⁸ Mau awara ãbarã, joma chi biawãra ʉ̃rʉbena, ne joma dachiba biꞌia b̶uu unubadau ʉ̃rʉbena, joma jipa b̶uu ʉ̃rʉbena, joma kachiruaswãe b̶uu ʉ̃rʉbena, jomaurãba kʉ̃riabadau ʉ̃rʉbena, joma biꞌia trʉ̃ poa b̶uu ʉ̃rʉbena, ne joma biꞌia ʉ̃rʉbena maud̶e ne joma dachiba biꞌia jarabadau ʉ̃rʉbena kʉ̃risia panásturu.

Filipenses 4:8 ပူးပေါင်းရင်းမြစ်များ

Mateo 22:16

Maud̶eeba fariseorãba ãchi baara nibabadaurã maud̶e Herodes jãkaa panuurã Jesusmaa bʉisid̶au. Maarãba Jesusmaa jarasid̶au: —Jaradeabarii, daiba kuitaa panuu bichi ẽbẽra jipa nii. Ab̶au bid̶a bichimaa awara kʉ̃risiabikau, bichiba joma ẽbẽrarã arab̶aud̶e unubariid̶eeba. Maumaarã biawãra Dachi Akõre o ʉ̃rʉbena jomaurãmaa jaradeabarii.

Marcos 6:20

Herodesba Juan wapea b̶uasii, mau ẽbẽra jipa nii maud̶e Dachi Akõre baita nii kuitaa b̶uasiid̶eeba. Maud̶eeba Juan nu uru b̶uasii. Maud̶e Juanba jaradea b̶uu ũrii kʉ̃ria b̶uabachimina ãrea apiid̶aubachii.

Lucas 16:15

Maud̶e Jesusba ãchimaa jarasii: «Machi waabenarã daad̶e ẽbẽra bia kĩra nuree. Maamina Dachi Akõreba kuitaa b̶uu machi biawãra saka nuree. Ẽbẽrarãmaarã bibuara b̶uu, mau Dachi Akõremaarã biꞌiwãe b̶uu.

Lucas 2:25

Mau ewarid̶e ẽbẽra Simeón abadau Jerusalend̶e b̶uasii. Mau Simeón jipa b̶uasii maud̶e Dachi Akõreba jara b̶uu biꞌia waubachii. Ichiba esed̶au b̶uasii Dachi Akõreba Israel puuru sõbiabii ewari. Dachi Akõre Jauri ichi ome b̶uasii.

Lucas 23:50

Ẽbẽra José abadau b̶uasii. Mau Arimatea puuru, Judea druad̶ebena basii. Ẽbẽra bia nibasii maud̶e jipa nibasii. Dachi Akõreba ichid̶irã ichi juad̶e ua b̶uai esed̶au b̶uasii. Mau judiorã chi jaradea ua b̶uabadaurãd̶ebena basii maamina mau baita, ãchiba bed̶ea deaped̶aad̶a maud̶e chi wauped̶aad̶a biꞌiwãe b̶uasii. Maarãba wauped̶aad̶a kachirua b̶uu unusii.

Juan 7:18

Barikia ara ichi kʉ̃risiad̶eeba berrea b̶uubʉrã maka wau b̶uu ẽbẽrarãba ichi ʉ̃rʉbena biꞌia kʉ̃risiad̶amera. Maamina ab̶aba kʉ̃ria b̶uubʉrã waabenarãba ichi bʉid̶a ʉ̃rʉbena biꞌia kʉ̃risiad̶ai, biawãra jara b̶uu; setaa waukau.

Hechos 10:22

Ãchiba panausid̶au: —Dai kokoroarã chi jaradea ua b̶uabarii Cornelioba bʉisii. Ichi ẽbẽra jipa nii maud̶e Dachi Akõre wapeadee nii. Joma judiorãba ichi ʉ̃rʉbena biꞌia kʉ̃risia panuu. Dachi Akõre angelba bichi ichi deemaa neei iusii bichi bed̶ea ũrimera.

Hechos 22:12

»Aria ẽbẽra Ananias abadau b̶uasii. Mau ẽbẽraba Dachi Akõre wapea b̶uud̶eeba Moisesba b̶ʉd̶ad̶e jara b̶uu kĩra waubachii. Maud̶eeba joma judiorã Damasco puurud̶ebenaba ichi ʉ̃rʉbena biꞌia berreasid̶au.

Hechos 6:3

Maud̶eeba ãbarã, machid̶ebena 7 ẽbẽrarã jipa nuree jʉrʉ́sturu. Ãchi Dachi Akõre Jaurid̶eeba nuread̶ai panuu maud̶e kʉ̃risia kuitaa nuread̶ai panuu. Maarã daiba b̶ud̶ai pẽdrãarã maud̶e waabenarã aid̶ad̶amera.

Romanos 13:13

Dachi kĩra jipa nibad̶ai panuu ãyadaa nibabadau kĩra. Kĩrajʉʉ waubadau ewarid̶e biu nibad̶aabai panuu, kĩra nejasia wau nibad̶aabai panuu, oa kachirua berrea panad̶aabai panuu, maud̶e ab̶auba uru b̶uu ʉ̃rʉbena kachirua kʉ̃risiad̶aabai panuu.

Romanos 13:3

Biawãra chi jipa wau nureerãba ãchi karrba kastikai wapead̶akau, maumaarã chi kachirua waubadaurãba maarã wapeabadau. Maud̶eeba machi karrarã wapeawẽa panad̶ai kʉ̃ria panuubʉrã, biꞌia wáusturu ãchiba biꞌia unud̶amera.

Romanos 14:18

Chi maka Cristo baita ne waubadaurã Dachi Akõreba biꞌia unu b̶uu. Ẽbẽrarã bid̶a mau biꞌia unubadau.

Romanos 2:29

Maumaarã Dachi Akõremaarã, chi sõ jipa nii, mau biawãra judiobʉ. Chi Moisesba b̶ʉd̶ad̶e b̶u kub̶uu kĩra mukĩra chi kakua tõod̶a abarii biawãra judiowãema, maumaarã chi Dachi Akõre Jauriba maka sõd̶e jipa nibabibariibʉ. Ẽbẽrarãba chi sõ jipa nii ʉ̃rʉbena biꞌia jarad̶akamina Dachi Akõreba mau ʉ̃rʉbena biꞌia jarabarii.

1 Corintios 4:5

Maud̶eeba ichiba nebʉra ichiai ewari naed̶e dachiba jarad̶aabai panuu ichi traju wau b̶uuba jipa wau b̶uu maebʉrã jipa wauwẽa b̶uu. Dachi Mechiu neeruud̶e dachi sõd̶e kʉ̃risia b̶uad̶a maud̶e ne joma dachi sõd̶e miru nuread̶a kuitaabii. Dachi Akõréburu dachicha biꞌia jarai dachiba biꞌia wauped̶aad̶a kĩra.

2 Corintios 13:7

Daiba Dachi Akõremaa id̶i panuu machiba kachirua waurãad̶amera. Maamina maka id̶i panuuwãema unubid̶ai baita dai Jesucristoba bʉid̶arã. Maumaarã id̶i panuu machiba joma biꞌia waud̶amera, dai Jesucristoba bʉid̶arã kʉ̃risiad̶awẽa panumina.

2 Corintios 6:8

B̶esed̶e waabenarãba dai ʉ̃rʉbena biꞌia jarabadau. B̶esed̶e kachirua jarabadau. B̶esed̶e dai ʉ̃rʉbena kachirua trʉ̃ poabadau. B̶esed̶e biꞌia trʉ̃ poabadau. Daiba chi biawãra bed̶ea jara panumina waabenarãba jara panuu dai setaa jarabadau abadau.

2 Corintios 8:18

Ichi ome daiba ãba ab̶a bʉiduu. Mau ãbaba chi bed̶ea bia Cristo ʉ̃rʉbena aid̶a jaradea nibabariid̶eeba ãbarã puuruchad̶ebenaba ichi ʉ̃rʉbena biꞌia jarabadau.

2 Corintios 8:21

Biawãra daiba Dachi Mechiu daad̶e maud̶e ẽbẽrarã daad̶e jipa wau kʉ̃ria panuu.

Gálatas 5:22

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau,

Efesios 4:25

Maud̶eeba setaa ida b̶ústuru. Ab̶aburu biawãráturu waabenarã ome berreásturu, joma dachi arab̶au kakuad̶ebenad̶eeba.

Efesios 5:9

Ʉ̃d̶aad̶e nibaaruubʉrã sõbia nuread̶ai, jipa waud̶ai maud̶e biawãrad̶eeba nibad̶ai.

Efesios 6:14

Maud̶eeba biawãra bed̶ea ijãa panuud̶eeba chaarea nureásturu, kokoroaba kʉrrd̶e jʉ̃barii jʉ̃ b̶uu kĩra. Jipa nibásturu kachiruad̶e b̶aebiarãad̶amera, kokoroaba ichi kakuad̶e chaarea b̶uu jʉ̃barii kĩra.

Filipenses 3:1

Mau awara ãbarã, Dachi Mechiud̶eeba kĩrajʉʉ panásturu. Mʉʉba nau bed̶ea naa b̶ʉsmina, ara mau b̶ʉi baita ida b̶ukau. Maka kachiruad̶ebena machi nu b̶uai.

Colosenses 4:5

Cristod̶e ijãad̶akaurã tãed̶e kʉ̃risia kauwa nibásturu. Ewaricha jʉrʉ́sturu ichi ʉ̃rʉbena maarãmaa kuitaabiad̶ai baita.

1 Tesalonicenses 4:12

Maka nureebʉrã, machiba esed̶aud̶ayuswãe panad̶ai waabenarãba machimaa ne kaebea dead̶ai. Maud̶e makaburu Jesusd̶e ijãad̶akaurãba machi biꞌia unud̶ai.

1 Timoteo 2:2

Joma nau iujãad̶ebena reyrã baita maud̶e jaradea ua b̶uabadaurã baita Dachi Akõremaa ʉtaa id̶id̶ai panuu dachi jirukaraayuwãe panad̶ai baita, apii panad̶ai baita, Dachi Akõre wapea panad̶ai baita maud̶e ne jomad̶e jipa panad̶ai baita.

1 Timoteo 3:11

Ara mau kĩra wẽrarã sid̶a jipa nibad̶ai panuu ẽbẽrarãba wapead̶amera. Waabenarã ʉ̃rʉbena ãrea kachirua berread̶aabai panuu. Kauwa nibad̶ai baita panuu maud̶e jomad̶e jipa nuread̶ai panuu.

1 Timoteo 3:4

Ichi ded̶ebenarã ãrea nu kuitaa b̶uai b̶uu, ichi warrarã ũribaba nuread̶ai b̶uu maud̶e ãchiba ichi wapead̶ai panuu.

1 Timoteo 4:12

Bichi kũudrãa b̶umina ab̶aumaa bid̶a ida kabirã́se. Maumaarã bichiba berrearuud̶eeba, ne wau b̶uud̶eeba, waabenarã biawãra kʉ̃ria b̶uud̶eeba, kĩra jipa b̶uud̶eeba, maud̶e Cristod̶e ijãa b̶uud̶eeba ãbarãmaa unubiáse saka panad̶ai panuu.

1 Timoteo 5:10

Ãchiba biꞌia wauped̶aad̶ad̶eeba trʉ̃ poa panad̶ai panuu. Ãchi warrarã biꞌia waribiabachid̶aubʉrã, ãchi ded̶e neeped̶aad̶a biꞌia irsibibachid̶aubʉrã, ãbarã jʉ̃rʉ jeraabachid̶aubʉrã, chi biꞌiwãe nuree aid̶abachid̶aubʉrã, maud̶e ne joma biꞌia waubachid̶aubʉrã, mau pẽdrãa trʉ̃ kartad̶e b̶ʉd̶ai panuu.

1 Timoteo 5:2

Chõodraarãmaa berreáse bichi nawe ome berreabarii kĩra. Awẽrarãmaa berreáse bichi neekau ome berreabarii kĩra. Maarã baara joma kachiruad̶ebena awara b̶uase.

Tito 1:8

Maumaarã ichi ded̶e needuu sõbiad̶eeba urúbad̶e ad̶ai b̶uu, ne joma biꞌia wau kʉ̃ria nibai b̶uu, kʉ̃risia sõbiad̶eeba b̶uai b̶uu, jipa b̶uai b̶uu, Dachi Akõre baita b̶uai b̶uu, maud̶e ara ichi kakua jipa uru b̶uai b̶uu.

Tito 2:14

Dachi baita Jesucristoba ara ichi ida beabisii ne joma kachiruad̶ebena karibai baita. Dachi ara ichi baita biꞌia b̶usii ichi puurud̶e panad̶amera maud̶e ne joma biꞌia wau kʉ̃ria panad̶amera.

Tito 2:2

Chõrarãmaa jaradease ãchi kakua jipa uru nuread̶amera, kĩra jipa nuread̶amera, kʉ̃risia biad̶eeba nibad̶amera, Cristod̶e ãrea ijãad̶amera, biawãra kʉ̃riad̶eeba nuread̶amera, maud̶e joma jãaduad̶amera.

Tito 2:7

Joma biꞌia wau b̶uud̶eeba jomaurãmaa unubi b̶uase saka nibad̶ai panuu. Kʉ̃risia biꞌia jipa jaradea b̶uase.

Tito 3:14

Dachi chi Cristod̶e ijãabadaurãba biꞌia wau kuitaa wãd̶ai panuu chi nejarr barauwãe nuree aid̶ad̶ai baita. Maka ara dachi bari nuread̶aabai.

Hebreos 11:2

Dachi nabẽraed̶ebenarãba Dachi Akõred̶e ijãa panasiid̶eeba Dachi Akõreba maarã biꞌia unusii.

Hebreos 13:18

Dai baita Dachi Akõremaa ʉtaa id̶ísturu. Dai ne jomad̶e jipa nibad̶ai kʉ̃ria panuu maud̶e kuitaa panuu kachirua waud̶awẽa panuu.

Santiago 1:27

Chi biawãra ijãa b̶uuba naka waui b̶uu Dachi Bajãad̶ebena Akõreba ichiba wau b̶uu biꞌia unumera maud̶e jipa unumera: jẽramara maud̶e pẽdrãarã ãrea biꞌiwãe panuu aid̶ai b̶uu, maud̶e nau iujãad̶e nuree kachirua wau b̶uabai b̶uu.

Santiago 3:17

Maamina chi Dachi Akõreba dea b̶uu kʉ̃risia kuitaa uru nureerãba ne jomad̶e jipa waubadau, jomaurã ome jirukaraayuwãe nuread̶ai baita jʉrʉbadau, jomaurã ome biꞌia panabadau, ab̶auba jara b̶uu ũrid̶ai baita panabadau, waabenarã kĩra chuburiabadau maud̶e ne joma biꞌia waubadau. Ab̶a waabenarã audeara biꞌia waud̶akau. Ichiba jara b̶uu kĩra biawãra waubarii.

1 Pedro 1:22

Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.

1 Pedro 2:12

Dachi Akõred̶e ijãad̶akaurã tãed̶e jipa nibásturu. Maka ãchiba machi kachirua waubadaurã a panumina, machiba biꞌia wau panuu unu panuu. Maabae Dachi Akõre neeruud̶e machi ʉ̃rʉbena ichimaa biꞌia berread̶ai.

1 Pedro 4:8

Ãrea chiya kʉ̃ria panásturu. Mau jomad̶ebena audeara bibuara b̶uu. Chi waabenarã kʉ̃ria uru b̶uuba ãchi kachirua ãrea kʉde uru b̶uad̶a ida b̶ubarii.

2 Pedro 3:1

Ãbarã, nau chi ome karta mʉʉba machi baita b̶ʉmaa b̶uu. Karta ome b̶ʉd̶ad̶e mʉʉba chi biawãra bed̶ea kĩrababia b̶uu jipa kʉ̃risiad̶amera.

1 Juan 3:18

Mʉ warrarã, dachi ãbarã kʉ̃riad̶ai panuu. Bed̶ead̶éburu maka waud̶aabai panuu, maumaarã dachiba wau panuud̶eeba biawãra kʉ̃riad̶ai panuu.

1 Juan 3:3

Chi Cristo kĩra b̶uai baita esed̶au b̶uu kachiruaswãe b̶uai baita nu b̶uabarii, Cristo kachiruaswãe nii kĩra.

1 Juan 4:1

Ãbarã, barikiurãba Dachi Akõre Jaurid̶eeba berrea panuu abadaurã ijãarã́sturu, maumaarã kauwa ichiásturu ãchiba biawãra Dachi Akõre Jaurid̶eeba maebʉrã waabenarãd̶eeba berrea panuu kuitaad̶ai baita. Mau makásturu ãreaba nau iujãad̶e setad̶eeba ãchiba Dachi Akõre Jaurid̶eeba berrea panuu abadaud̶eeba.