Filipenses 4:6 - Emberá Chamí

⁶ Barikia kakua ãrea jirukaraarã́sturu, maumaarã Dachi Akõremaa ʉtaa id̶ísturu, ichimaa chi chuburia id̶ísturu, maud̶e ne joma ʉ̃rʉbena ichíturu kid̶ibai ásturu.

Filipenses 4:6 ပူးပေါင်းရင်းမြစ်များ

Mateo 10:19

Machi jidau adoeduud̶e jirukaraarã́sturu saka berread̶ai. Chi jaradea ua b̶uabadaurã daad̶e panuud̶e Dachi Akõreba kuitaabiai kãare jarad̶ai.

Mateo 13:22

Netaa ioro ʉri id̶aa b̶uud̶e pod̶a nau jara b̶uu: chi nuree ẽbẽrarãba Dachi Akõre bed̶ea ũribadau, maamina ãchi saka biꞌia paneed̶ai baita, ne joma uru panad̶ai baita maud̶e kĩrajʉʉ panad̶ai baita ãrea kʉ̃risiabadau. Joma mauba Dachi Akõre bed̶ea waa ũribiad̶akau. Maud̶eeba ne bia waubiad̶akau.

Mateo 6:34

Nubenad̶e ãrea kʉ̃risiarã́sturu, nu bid̶a Dachi Akõreba machi nu b̶uaid̶eeba. Ewaricha ne kʉ̃risiai baraai.

Lucas 10:41

Jesusba jarasii: —Marta, Marta, bichiba ne ãrea waui b̶uud̶eeba ãrea jirukaraa b̶uu.

Lucas 12:22

Maud̶eeba Jesusba ichi baara nibabadaurãmaa jarasii: «Machi saka panad̶ai kʉ̃risiarã́sturu, kod̶ai ʉ̃rʉbena maud̶e paru jʉ̃d̶ai ʉ̃rʉbena.

Lucas 12:29

Maud̶eeba jʉrʉrã́sturu kod̶ai ʉ̃rʉbena maud̶e dod̶ai ʉ̃rʉbena. Maud̶e ãrea kʉ̃risiarã́sturu.

Lucas 18:1

Jesusba nebʉrʉsii jaradeai baita Dachi Akõremaa ʉtaa id̶i panad̶ai ida b̶ud̶ayuwãe panad̶ai.

Lucas 18:7

Dachi Akõreba jʉrʉ adaud̶arãba ãyadaa maud̶e ẽsabud̶e ichimaa chi chuburia id̶i panuud̶e ¿ichiba jipa wau b̶uud̶eeba aid̶aabaika? ¿Panaui baita kãꞌãaika?

1 Corintios 7:21

Dachi Akõreba bichi iusiid̶e chi chibari baita bari trajabarii b̶uasiibʉrã, ãrea jirukaraa b̶uarã́se. Maamina bichi chibariba bichi ida bʉiruu b̶uubʉrã, maka wause.

1 Corintios 7:32

Mʉʉba kʉ̃ria b̶uu machi jirukaraad̶awẽa panad̶ayu, nau iujãa ʉ̃rʉbena. Chi mukĩra kimawãe b̶uuba biꞌia kʉ̃risia b̶uabarii Dachi Mechiuba kʉ̃ria b̶uu waui baita. Dachi Mechiu kĩrajʉʉbii kʉ̃ria b̶uu.

2 Corintios 1:11

Machia bid̶a dai baita Dachi Akõremaa ʉtaa id̶i panuud̶eeba aid̶a panuu. Ãreaba maka ʉtaa id̶i panuud̶eeba ãreaba Dachi Akõremaa bichíturu kid̶ibai ad̶ai ichi sõbiad̶eeba dai aid̶a b̶uu baita.

Efesios 5:20

Dachi Mechiu Jesucristo trʉ̃d̶eeba ewaricha dachi Bajãad̶ebena Akõremaa ne joma baita ichíturu kid̶ibai ásturu.

Efesios 6:18

Ewaricha ne joma baita Dachi Akõre Jaurid̶eeba ʉtaa id̶i panásturu. Dau ʉ̃rʉma panuud̶eeba, joma ichi ẽbẽrarã baita kakua ãkaad̶awẽa ʉtaa id̶i panásturu.

Colosenses 3:15

Dachi Akõreba machi iusii machi kakua ara ab̶a nii kĩra panad̶amera. Cristoba machi sõd̶e apii b̶uai dea b̶uu. Mauba kuitaabii kãare waud̶ai panuu. Maka panásturu. Maud̶e Dachi Akõremaa ichíturu kid̶ibai ásturu.

Colosenses 3:17

Machi berreaduud̶e maud̶e ne wauduud̶e joma wáusturu Dachi Mechiu Jesusba kʉ̃ria b̶uu kĩra. Ichid̶eeba Dachi Bajãad̶ebena Akõremaa ichíturu kid̶ibai ásturu.

Colosenses 4:2

Ewaricha Dachi Akõremaa ʉtaa id̶i panásturu. Ʉtaa id̶iiduud̶e dau ʉb̶ʉa panásturu maud̶e ichíturu kid̶ibai ásturu.

1 Timoteo 2:1

Nau biꞌia jaraaruu: joma ẽbẽrarã baita ãbarãba Dachi Akõremaa chi chuburia id̶id̶ai panuu, ichiba karibamera ʉtaa id̶id̶ai panuu maud̶e ichíturu kid̶ibai ad̶ai panuu.

1 Timoteo 5:5

Pẽdrãa biawãra ichi du ab̶a b̶uuba ãrea kuitaa b̶uu joma ichiba uru b̶uai b̶uu Dachi Akõréburu deai. Ãyadaa maud̶e ẽsabud̶e Dachi Akõremaa ʉtaa id̶ibarii karibamera.

1 Pedro 4:7

Kãꞌãabariwãed̶e joma baribai. Maud̶eeba jipa kʉ̃risia panásturu maud̶e kauwa panásturu. Maka Dachi Akõremaa poyaa ʉtaa id̶id̶ai.

1 Pedro 5:7

Machiba ãrea kʉ̃risia panuu Dachi Akõremaa joma jarásturu, ichiba machi nu b̶uud̶eeba.