Filipenses 4:18 - Emberá Chamí

¹⁸ Ne joma machiba ãba Epafrodito ome urubʉiped̶aad̶a mʉʉba adausii. Maud̶eeba ãrea uru b̶uu. Mauba mʉ biꞌia b̶uai. Machiba urubʉiped̶aad̶a chi kera tuwaa Dachi Akõremaa dead̶a kĩra b̶uu. Mau Dachi Akõreba biꞌia unu b̶uu.

Filipenses 4:18 ပူးပေါင်းရင်းမြစ်များ

Hechos 10:4

Cornelioba chi ángel kĩedarrmaa apii ichiaped̶a ãrea wapeaba id̶isii: —¿Kãare kʉ̃ria b̶uma? Maabae chi angelba jarasii: —Bichiba Dachi Akõremaa ʉtaa id̶ibarii maud̶e chi nejarr barauwãe nuree aid̶abarii ichiba biꞌia unu b̶uu ichimaa ne baa dearuu kĩra.

Romanos 12:1

Mauba ãbarã, Dachi Akõreba machi kĩra chuburiasiid̶eeba, mʉʉba machimaa chi chuburia id̶iiruu ara machi Dachi Akõremaa dead̶amera, ãnimara baa deabadau kĩra. Mau ãnimara biud̶a audeara, ichi baita biꞌia panásturu machi biꞌia unumera.

2 Corintios 11:8

Waabena ãbarãba chi nejarra mʉʉmaa deasid̶au machimaa poyaa ãrea jaradea b̶uamera.

2 Corintios 9:12

Machiba chi nejarra deaduuba ab̶aburu aid̶ad̶aabai ãbarã barauwãe panuuba uru panad̶amera, maumaarã mau kakua ãchiba Dachi Akõremaa ãrea ichíturu kid̶ibai a panad̶ai.

Efesios 5:2

Jomaurã kʉ̃riásturu Cristoba dachi kʉ̃ria b̶uu unubid̶a kĩra. Kʉ̃riad̶eeba dachi kakua ara ichi beabisii Dachi Akõremaa ãnimara baa dearuu kĩra. Dachi Akõreba mau biꞌia unusii.

Filipenses 4:12

Chi nejarr barauwãe b̶uud̶e maud̶e ãrea uru b̶uud̶e saka b̶uai kuitaa b̶uu. Mʉʉba kuitaasii barikiad̶e saka jirukaraayuwãe b̶uai, b̶i jãwaa b̶uud̶e maud̶e jarrbisia b̶uud̶e; ãrea uru b̶uud̶e maud̶e ne wãꞌãe b̶uud̶e.

2 Tesalonicenses 1:3

Ãbarã, daiba ewaricha machi baita Dachi Akõréturu kid̶ibai abadau. Daiba maka waubadau biꞌia b̶uu. Machiba ewaricha Cristo biꞌia ijãa panuu maud̶e biꞌia chiya kʉ̃ria panuu.

Hebreos 13:16

Kĩrabad̶ai ida b̶urã́sturu biꞌia waud̶ai baita maud̶e machiba uru panuud̶eeba chiya aid̶ad̶ai baita. Joma mau Dachi Akõreba biꞌia unu b̶uu ãnimara baa deaduu kĩra.

1 Pedro 2:5

Machi ichid̶ebena chokae nureed̶eeba, de waui baitabena mo kĩra nureebʉ. Machid̶ebena Dachi Akõreba ichi de wauruu. Maud̶e ichi baita machi paarerã babiaruu. Machiba Jesucristod̶ebena Dachi Akõre baita ne wau panuud̶e ichimaa ãnimara baa deaduu kĩra wau panuu. Maka wau panuu ichiba biꞌia unu b̶uu.