Filipenses 4:14 - Emberá Chamí

¹⁴ Maamina mʉʉba machíturu kid̶ibai aaruu, mʉ ãrea biꞌiwãe b̶uud̶e aid̶asid̶aud̶eeba. Biawãra machiba biꞌia wausid̶au.

Filipenses 4:14 ပူးပေါင်းရင်းမြစ်များ

Mateo 25:21

Chi chibariba jarasii: “Biꞌia b̶uu, trajabarii bia nii, bichiba jipa waubarii. Mʉʉba b̶aꞌãra dead̶aba bichiba biꞌia wausiid̶eeba mʉʉba maucha aude deai. Ed̶a neese mʉ ome kĩrajʉʉ b̶uai baita”.

Romanos 15:27

Mau ãbarã judiowãerãba kĩrajʉʉ mau chi nejarra ãbarã judiorã baita araa pesid̶au. Biawãra maka waud̶ai panasid̶au judiorãmaa dead̶ai baraa panasid̶aud̶eeba. Judiowãerãba ne joma biꞌia Dachi Akõre ʉ̃rʉbena judiorãd̶ebena adausid̶aud̶eeba, ãbarã judiorãmaa ne bia nau iujãad̶ebena dead̶ai panuu.

Gálatas 6:6

Chi bed̶ea ũri b̶uuba ichi ne bia uru b̶uud̶ebena deai b̶uu, chi Dachi Akõre bed̶ea jaradeabariimaa.

Filipenses 1:7

Biꞌia b̶uu mʉʉba joma machi ʉ̃rʉbena maka kʉ̃risia b̶uai, machi ãrea kʉ̃ria b̶uud̶eeba. Mʉ jʉ̃a b̶uud̶e maebʉrã chi bed̶ea bia Cristo ʉ̃rʉbena biawãra kuitaabi b̶uud̶e Dachi Akõreba ichi sõbiad̶eeba machi maud̶e mʉ sid̶a aid̶a b̶uu ichi bed̶ea jaradea panad̶amera.

Filipenses 4:18

Ne joma machiba ãba Epafrodito ome urubʉiped̶aad̶a mʉʉba adausii. Maud̶eeba ãrea uru b̶uu. Mauba mʉ biꞌia b̶uai. Machiba urubʉiped̶aad̶a chi kera tuwaa Dachi Akõremaa dead̶a kĩra b̶uu. Mau Dachi Akõreba biꞌia unu b̶uu.

1 Timoteo 6:18

Chi barau nureerãmaa jarase jomaurã ome biꞌia waud̶amera. Maud̶e jarase ãchiba uru panuud̶ebena sõbiad̶eeba waabenarãmaa dead̶ai baita panad̶ai panuu.

Hebreos 10:33

B̶esed̶e jomaurã daad̶e Cristo kakua kachirua jarabachid̶au maud̶e machimaa kachirua waubachid̶au. B̶esed̶e ãbarã Cristo kakua ãrea biꞌiwãe panuu baara ãrea biꞌiwãe paneebachid̶au.

Hebreos 10:34

Chi Cristo kakua jʉ̃aped̶aad̶a machiba aid̶asid̶au. Maud̶e machiba ne uru b̶ead̶a kĩrajʉʉ ida juakaa adaubiasid̶au, kuitaa panuud̶eeba mau audeara ne bia wãꞌãekau bajãad̶e uru panuu.

Hebreos 13:16

Kĩrabad̶ai ida b̶urã́sturu biꞌia waud̶ai baita maud̶e machiba uru panuud̶eeba chiya aid̶ad̶ai baita. Joma mau Dachi Akõreba biꞌia unu b̶uu ãnimara baa deaduu kĩra.

Apocalipsis 1:9

Mʉ machi ãba Juanbʉ. Dachi Jesucristo ome panuud̶eeba mʉ machi ome Dachi Akõre juad̶ebenarãbʉ, machi ome ãrea biꞌiwãe b̶uu, maud̶e machi ome joma dauchia jãadua b̶uu. Dachi Akõre bed̶ea jaradea b̶uu kakua maud̶e Jesús ʉ̃rʉbena biawãra a b̶uu kakua mʉ Patmos islad̶e b̶usid̶au.