Filipenses 3:6 - Emberá Chamí

⁶ Mau judiorã ley ãrea waubachiid̶eeba Cristod̶e ijãa nuree wãraabachii kachirua waui baita. Mau judiorã ley ãrea waubachiid̶eeba ab̶au bid̶a mʉ ʉ̃rʉbena kachirua jarad̶ayuswãe nii.

Filipenses 3:6 ပူးပေါင်းရင်းမြစ်များ

Mateo 23:25

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Machiba basu maud̶e paratu chi ʉ̃rʉbena biꞌia jeraabadau, maamina ed̶are kachirua nuree. Ara mau kĩra machi sõd̶e bid̶a ne joma adaud̶ai kʉ̃riabadau maud̶e chi machiba kachirua kʉ̃riabadau, ara maka waubadau.

Mateo 5:20

Mʉʉba biawãra jaraaruu: Moisesba b̶ʉd̶a jaradeabadaurãba wau panuu kãyabãra maud̶e fariseorãba wau panuu kãyabãra machiba jipa waud̶aabasiibʉrã, Bajãad̶e B̶uuba machi ichi juad̶e ua b̶uabai.

Lucas 1:6

Ãchi omea Dachi Akõre daad̶e jipa panasid̶au. Dachi Mechiuba waubii jarad̶a joma wau panuud̶eeba kachirua jarad̶ayuswãe panasid̶au.

Hechos 21:20

Mau ũrisid̶aud̶e ãbarãba Dachi Akõremaa biꞌia berreasid̶au. Maabae ãchiba Pablomaa jarasid̶au: —Ãba, bichiba kuitaa b̶uu judiorã ãreaba Jesusd̶e ijãa panuu. Maud̶e Moisesba b̶ʉd̶a ãchiba ãrea ijãabadau.

Hechos 22:5

Mau chi paare mechiuba maud̶e joma judio mechiurãba kuitaa panuu. Ãchiba mʉʉmaa karta deasid̶au judiorã Damasco puurud̶ebenarãba mʉʉba chi O Wid̶i ijãabadaurã jidaui b̶uu mau kuitaad̶amera. Maud̶e mʉ Damasco puurud̶aa wãsii ãchi nama Jerusalend̶aa eneeped̶a chi mechiurãba kastikad̶amera.

Hechos 26:5

Ãchiba kuitaa panuu mʉ fariseo nii. Barikiuba mau bichi daad̶e jara kʉ̃ria b̶uubʉrã mau jarai b̶uu. Bichiba kuitaa b̶uu Moisesba b̶ʉd̶a waud̶ai baita fariseorãba kauwa waubadau.

Hechos 8:3

Maud̶e Sauloba chi Jesusd̶e ijãabadaurã jʉrʉsii waa ijãarãad̶amera. Decha wãped̶a mukĩrarã maud̶e wẽrarã jidaukuaped̶a jʉ̃a b̶ubadaumaa errb̶ari adoebachii.

Romanos 7:9

Naed̶e mau Moisesba b̶ʉd̶a adua b̶uasiid̶e mʉ jirukaraayuwãe b̶uabachii. Maamina kuitaasiid̶e mʉʉba kachirua wau kʉ̃riasii. Maabae kachirua kakua biui b̶uasii.

1 Corintios 10:32

Machiba wau panuud̶eeba judiorã, judiowãerã maud̶e ẽbẽrarã Dachi Akõred̶erã kachiruad̶e b̶aebirã́sturu.

1 Corintios 15:9

Biawãra chi Jesucristoba bʉid̶ad̶ebena mʉ chi aude kaebeu nii. Ẽbẽrarã Dachi Akõred̶erã kachirua waui baita wãraa b̶uasiid̶eeba biꞌia b̶uwãema ẽbẽrarãba mʉ ichiba bʉid̶a jarad̶ai.

Filipenses 2:15

Maka machi ʉ̃rʉbena kachirua jarad̶ayuswãe nuread̶ai maud̶e jipa nuread̶ai. Ẽbẽrarã ãrea kachirua waubadau tãed̶e panumina kachiruaswãe panásturu. Dachi Akõre warrarãd̶eeba ãchi tãed̶e ʉtarebena pusterrea ted̶echoabadau kĩra nuree.

Filipenses 3:9

maud̶e ichi ome b̶uai baita. Mʉ ichi ome b̶uuwãe chi Moisesba b̶ʉd̶ad̶eeba, maumaarã maka nii Cristoba ichi Akõreba jarad̶a kĩra wausiid̶eeba, dachi kakua biusiid̶eeba. Mʉʉba Cristod̶e ijãa b̶uud̶eeba, Dachi Akõreba mʉ ichi ome uru b̶uu.

1 Timoteo 1:13

Naed̶e mʉʉba ichi ʉ̃rʉbena kachirua berreabachii maud̶e ichid̶irã kachirua waui baita wãraabachii. Waabenarãmaa kachirua berreabachii. Ichid̶e wabid̶a ijãawẽa b̶uasiid̶eeba maud̶e adua b̶uasiid̶eeba maka kachirua waubachii. Maamina ichiba mʉ kĩra chuburiasii.