Filipenses 3:3 - Emberá Chamí

³ Maamina dachi chi biawãra mukĩra chi kakua tõoped̶aad̶abʉ. Dachiaburu Dachi Akõre Jaurid̶eeba ichimaa biꞌia berreabadau. Maud̶e Jesucristoba dachi baita waud̶a biꞌia jarabadau. Dachiba kʉ̃risiad̶akau Dachi Akõreba dachi jipa nuree unui, dachiba wau panuu kakua.

Filipenses 3:3 ပူးပေါင်းရင်းမြစ်များ

Romanos 1:9

Dachi Akõreba kʉ̃ria b̶uu joma mʉ sõd̶eeba wau b̶uu chi bed̶ea bia ichi Warr ʉ̃rʉbena jaradea b̶uud̶eeba. Ichiba kuitaa b̶uu mʉʉba ʉtaa id̶iiruucha machi baita ʉtaa id̶ibarii.

Romanos 15:17

Jesucristo ome b̶uud̶eeba mʉʉba Dachi Akõre baita wau b̶uu kakua ãrea kĩrajʉʉ b̶uu.

Romanos 7:6

Maamina Moisesba b̶ʉd̶ad̶eeba panad̶a dachi ena paneesid̶au. Maud̶ebena biusiid̶eeba jãabae Dachi Akõre baita biꞌia waud̶ai ichi Jaurid̶eeba. Waya kʉ̃risiad̶aabai Moisesba b̶ʉd̶ad̶eeba maka waud̶ai.

Romanos 8:15

Machiba Dachi Akõre Jauri adausid̶aud̶e machi wapeabiabasii, chi chibari baita bari trajabarii makabarii kĩra. Maumaarã machi duanusii Dachi Akõre warrarã bad̶amera maud̶e «Chacha» ad̶amera.

Romanos 9:6

Mʉʉba jarawẽa b̶uu Dachi Akõreba chi Israeld̶ebenarã baita waui ad̶a wauwẽa b̶uu. Maumaarã mʉʉba jara b̶uu joma Israeld̶ebena imiped̶aad̶a Dachi Akõre daad̶e biawãra israeld̶ebenarãwãe.

2 Corintios 11:18

Ãreaba ara ãchi ʉ̃rʉbena ãrea berreabadau nau iujãad̶ebenarãba waubadau kĩra. Maud̶eeba mʉa bid̶a ara mʉ ʉ̃rʉbena biꞌia berreai.

Gálatas 5:25

Dachi Akõre Jaurid̶eeba chokae panuud̶eeba ichid̶eeba nibad̶ai panuu.

Gálatas 6:16

Mʉʉba kʉ̃ria b̶uu joma chi mʉʉba jara b̶uu kĩra ijãa nuree Dachi Akõreba kĩra chuburia b̶uai maud̶e jirukaraayuwãe b̶uabiai. Maarã ẽbẽrarã Dachi Akõred̶erãbʉ.

Efesios 6:18

Ewaricha ne joma baita Dachi Akõre Jaurid̶eeba ʉtaa id̶i panásturu. Dau ʉ̃rʉma panuud̶eeba, joma ichi ẽbẽrarã baita kakua ãkaad̶awẽa ʉtaa id̶i panásturu.

Filipenses 1:1

Mʉ Pablobʉ. Timoteo mʉ ome b̶uu. Dai Jesucristo baita bari trajabadaurãbʉ. Mʉʉba nau karta ãbarã Filipos puurud̶ebenarã baita b̶ʉʉruu: ijãabadaurã nubadaurã, ijãabadaurã aid̶abadaurã, joma ẽbẽrarã Dachi Akõred̶erã Jesucristo ome nureerã baita.

Filipenses 3:12

Mʉʉba jarawẽa b̶uu mʉ jãabae maka nii. Maud̶e jarawẽa b̶uu mʉ jãabae jipa nii. Maamina maka b̶uai baita mʉ id̶iid̶eeba naa wãaruu, Cristo Jesusba mʉ mau baita jidausiid̶eeba.

Filipenses 3:14

Pira kãrii, chi neei b̶uumaa neei baita, Jesucristod̶eeba ne bia bajãad̶ebena adaui baita, Dachi Akõreba iusiid̶eeba.

Colosenses 2:11

Machi ichid̶irã nureed̶eeba, machi mukĩra chi kakua tõoped̶aad̶a kĩra nuree. Maamina ẽbẽra juaba maka waud̶aabasii. Maumaarã jara b̶uu dachi kakuaba kachirua wau kʉ̃ria b̶uud̶ebena karibasii. Mau mukĩra chi kakua tõod̶a Cristoba wausii.

Judas 1:20

Maamina ãbarã, machicha aid̶ásturu Cristod̶e ãrea ijãad̶amera. Dachi Akõremaa ichi Jaurid̶eeba ʉtaa id̶ísturu.