Filipenses 3:15 - Emberá Chamí

¹⁵ Joma dachi Cristo ãrea kuitaa nureerãba ara mau kĩra kʉ̃risiad̶ai panuu. Machiba ãyaa kʉ̃risia panuubʉrã, Dachi Akõreba saka kʉ̃risiad̶ai panuu arakʉd̶e kuitaabiai.

Filipenses 3:15 ပူးပေါင်းရင်းမြစ်များ

Mateo 5:48

Maud̶eeba jomaurã kʉ̃riakuásturu machi Akõre bajãad̶e b̶uuba jomaurã kʉ̃ria b̶uu kĩra.

Lucas 11:13

Machi chi kachirua nureeba machi warrarãmaa ne kaebea dead̶ai kuitaa panuubʉrã, ¿machi Akõre bajãad̶e b̶uuba chi ʉtaa id̶i panuumaa ichi Jauri deabai b̶uka?

Juan 6:45

Dachi Akõre baita berreabadaurã kartad̶e naka jara b̶uu: “Dachi Akõréburu jomaurãmaa jaradeai”. Maka barikiuba mʉ Chacha bed̶ea ũriped̶a ichi ʉ̃rʉbena kuitaaped̶a mʉʉd̶e ijãad̶e neei.

Juan 7:17

Chi Dachi Akõreba kʉ̃ria b̶uu waui baita b̶uuba arakʉd̶e kuitaai chi mʉʉba jaradea b̶uu Dachi Akõred̶ebena neeruu, maebʉrã ara mʉ kʉ̃risiad̶eeba jaradea b̶uu.

Romanos 15:1

Dachiba ijãa panuu ʉ̃rʉbena ãrea kuitaa nureerãba dachiba kʉ̃ria panuu waud̶ai audeara, chi adua nuree aid̶ad̶ai panuu.

1 Corintios 14:20

Ãbarã, warr chekerã kĩra panásturu. Ãchiba kachirua ãrea adua panuu. Maamina Dachi Akõre Jauriba waubi b̶uu ʉ̃rʉbena chõrarã kĩra kʉ̃risia panásturu. Waa warr chekerã kĩra kʉ̃risiarã́sturu.

1 Corintios 2:6

Maka b̶uud̶e daiba jaradea panuu chi Dachi Akõred̶e ãrea ijãa nureemaa. Ãchi baita mau jaradea panuu chi kʉ̃risia kuitaabʉ. Mau kʉ̃risia kuitaa nau iujãad̶ebenawãema maud̶e nau iujãad̶ebena karrarã kʉ̃risia kuitaawãema. Maarã ãrea panad̶aabai.

Gálatas 5:10

Maamina Dachi Mechiu Jesucristod̶eeba mʉʉba kuitaa b̶uu machiba mʉʉba jara b̶uu awara kʉ̃risiad̶aabai. Barikiuba machi maka waa joe b̶eeruubʉrã Dachi Akõreba kastikai.

Efesios 1:17

Mʉʉba Dachi Mechiu Jesucristo Akõremaa, chi Akõre biꞌia niimaa ʉtaa id̶ibarii ichi Jaurid̶eeba machimaa biꞌia kʉ̃risiabiamera maud̶e ichi ʉ̃rʉbena kuitaabiamera. Maka machiba ichi aude kuitaad̶ai.

Colosenses 1:28

Joma kʉ̃risia kuitaad̶ebena daiba Cristo ʉ̃rʉbena jomaurãmaa jaradea panuu jipa nibad̶amera. Maka daiba ẽbẽrarã joma Cristod̶eeba jomad̶e jipa panuu Dachi Akõremaa unubiad̶ai.

Colosenses 4:12

Machi puurud̶ebena Jesucristo baita bari trajabarii Epafrasba jarabʉi b̶uu machi biꞌia panad̶ai. Ichiba ewaricha Dachi Akõremaa ʉtaa id̶i b̶uabarii machi ne jomad̶e dauchia jãadua nuread̶amera, ãrea ijãa panad̶amera, maud̶e joma Dachi Akõreba waubi kʉ̃ria b̶uu kuitaad̶aped̶a waud̶amera.

1 Tesalonicenses 4:9

Mau awara machi saka ãbarã ome chiya kʉ̃riad̶ai panuu ʉ̃rʉbena, mʉʉba nau kartad̶e ¿kãare b̶ʉima? Ara Dachi Akõréburu machimaa mau jaradeasii.

2 Timoteo 3:17

Maka ẽbẽrarã Dachi Akõred̶erãba ne joma biꞌia wau kuitaad̶aped̶a poyaa wau panad̶ai.

Hebreos 5:14

Maamina chiko chaarea b̶uu chõrarã baita b̶uu. Ãchiba Dachi Akõre bed̶ea kauwa kʉ̃risia panuud̶eeba kuitaa panuu kãare chi bia maud̶e kãare kachirua b̶uu.

1 Juan 2:5

Maamina chi Dachi Akõre bed̶ea wau b̶uuba Dachi Akõre biawãra kʉ̃ria b̶uu. Chi Dachi Akõre ome b̶uu a b̶uu Jesucristo nibad̶a kĩra nibai b̶uu. Dachi maka nibaaduubʉrã, kuitaa panuu biawãra ichi ome panuu.