5 Jesucristoba kʉ̃risia b̶uad̶a kĩra kʉ̃risiásturu:
Mʉʉmaa ida adoebísturu. Mʉʉba ne jara b̶uu ũrísturu. Mʉ joma dauchia jãadua b̶uabarii maud̶e mʉ sõd̶eeba waabenarã audeara kuitaa b̶uu a kʉ̃risiakau. Mʉʉmaa needuubʉrã machi biawãra kʉrrjĩrubiai.
Ẽbẽrarãmaarã, ¿kai chi mechiu nima: chi mesad̶e koi baita akʉ b̶eebarii maebʉrã chi chiko dead̶akabarii? ¿Chi mesad̶e akʉ b̶eebarii chi mechiu niiwãeka? Maamina mʉ chi mechiu nimina nama machi tãed̶e chi chibari baita bari trajabarii kĩra nii.
Mau ewarid̶e Dachi Akõreba ichi Jauri maud̶e ichi poyaabarii Jesús Nazaretd̶ebenamaa deasii. Dachi Akõre ichi ome b̶uasiid̶eeba Jesusba ne bia wau nibasii maud̶e ẽbẽrarã jʉbawãe niiba kachirua uru panuu joma aribiabiabachii.
Joma mʉʉba wausiid̶eeba machimaa kuitaabiasii ãrea traja panuud̶eeba chi nejarr barauwãe ked̶ee aid̶ad̶ai panuu. Kĩrabad̶ai panuu Dachi Mechiu Jesusba naka jarasii: “Bibuara b̶uu ab̶aumaa deai, chi mau adaui bad̶amaarã”».
Maud̶eeba chi bichiba kobarii kakua bichi ãba ichi sõd̶e kachirua b̶eeruubʉrã, bichi kʉ̃riad̶eeba niiwãe. Chi bichiba kobarii kakua bichi ãba kĩra nomaabirã́se Cristo mau kakua biusiid̶eeba.
Biawãra Cristo bid̶a ara ichiba kʉ̃ria b̶uu waubasii, maumaarã Dachi Akõre bed̶ead̶e b̶ʉ kub̶uu kĩra makasii. Naka b̶ʉ kub̶uu: «Dachi Akõre, ãchiba bichi ʉ̃rʉbena kachirua jarasid̶aud̶e mʉ ʉ̃rʉbena sid̶a kachirua jarasid̶au».
Mʉʉba kʉ̃ria b̶uu ara mau dachi sõbia nureabiabarii maud̶e joma dauchia jãadua panabiabarii Dachi Akõreba machi aid̶a b̶uai, arab̶aud̶e kʉ̃risiad̶amera Jesucristoba kʉ̃ria b̶uu kĩra.
Ara mau kĩra mʉʉba wau b̶uud̶eeba jomaurãmaa biꞌia kʉ̃risiabiai kʉ̃ria b̶uu. Ab̶aburu mʉ biꞌia b̶uai baita jʉrʉkau, maumaarã ẽbẽrarã ãrea biꞌia nuread̶amera jʉrʉbarii. Maka mʉʉba wau b̶uud̶eeba ãchiba Cristod̶e ijãad̶ai Dachi Akõreba karibamera.
Jomaurã kʉ̃riásturu Cristoba dachi kʉ̃ria b̶uu unubid̶a kĩra. Kʉ̃riad̶eeba dachi kakua ara ichi beabisii Dachi Akõremaa ãnimara baa dearuu kĩra. Dachi Akõreba mau biꞌia unusii.
Mʉ Pablobʉ. Timoteo mʉ ome b̶uu. Dai Jesucristo baita bari trajabadaurãbʉ. Mʉʉba nau karta ãbarã Filipos puurud̶ebenarã baita b̶ʉʉruu: ijãabadaurã nubadaurã, ijãabadaurã aid̶abadaurã, joma ẽbẽrarã Dachi Akõred̶erã Jesucristo ome nureerã baita.
Cristo machi kakua ãrea biꞌiwãe b̶uasiid̶eeba Dachi Akõreba machi iusii ãrea biꞌiwãe panad̶amera. Cristo ãrea biꞌiwãe b̶uasiid̶e unubiasii machi nebʉrad̶e panuud̶e saka nibad̶ai panuu.
Cristo nau kakuad̶e ãrea biꞌiwãe b̶uasiid̶eeba machia bid̶a arab̶aud̶e kʉ̃risia uru panásturu. Chi nau kakuad̶e ãrea biꞌiwãe b̶uuba kachirua ida b̶usii.
