Filipenses 2:27 - Emberá Chamí

²⁷ Biawãra ichi ẽpermo b̶uasii. Beraa biukausii. Maamina Dachi Akõreba ichi kĩra chuburiasii. Ab̶aburu ichi kĩra chuburiabasii, maumaarã mʉ sid̶a kĩra chuburiasii waya jirukaraa b̶eerãamera.

Filipenses 2:27 ပူးပေါင်းရင်းမြစ်များ

Hechos 9:37

Ewari ab̶a Dorcas ẽpermaped̶a biusii. Maabae chi kakua jeraad̶aped̶a pieza ʉtʉbenad̶aa adoesid̶au.

1 Corintios 10:13

B̶esed̶e dachi sõd̶e kʉ̃risiabadau kachirua waud̶ai baita, jomaurãba maka kʉ̃risiabadau kĩra. Mau poyaa dauchia jãadua panad̶awẽebʉrã, Dachi Akõreba dachimaa maka kʉ̃risiabiabai. Maud̶e dachiba maka kʉ̃risia paneeduud̶e ichiba aid̶ai dauchia jãadua panad̶amera, ichiba jara b̶uu kĩra ewaricha waubariid̶eeba.

2 Corintios 2:7

Maumaarã, jãabae ichiba waud̶a perdonad̶ai panuu maud̶e mau sõbiabid̶ai panuu ãrea kĩra nomaa b̶eerãamera.

Filipenses 2:26

Ichiba machi biawãra unu kʉ̃ria b̶uu. Ãrea jirukaraa b̶uu, machiba ichi ẽpermo b̶uu ũrisid̶aud̶eeba.

Filipenses 2:28

Maud̶eeba mʉʉba ichi waya isa wãbi kʉ̃ria b̶uu, machiba ichi unuuduud̶e waya kĩrajʉʉd̶amera. Maka mʉ machi kakua ãrea jirukaraa b̶uabai.

Filipenses 2:30

Cristoba waubi b̶uu kakua ichi beraa biukausii. Chi machiba mamauba mʉ baita poyaa waud̶awẽa panuu, ichiba biui adua wausii.