Filipenses 2:21 - Emberá Chamí

²¹ Jomaurãba ara ãchi biꞌia nuread̶ai jʉrʉbadau, Jesucristoba kʉ̃ria b̶uu jʉrʉd̶ai bad̶amaarã.

Filipenses 2:21 ပူးပေါင်းရင်းမြစ်များ

Mateo 16:24

Maabae Jesusba ichi baara nibabadaurãmaa jarasii: —Ab̶a mʉ baara nibai kʉ̃ria b̶uubʉrã, mauba wau kʉ̃ria b̶uu ida b̶uped̶a ãrea biꞌiwãe b̶uai baita b̶uai b̶uu. Maabae mʉ baara wãi b̶uu.

Lucas 14:26

«Ab̶a mʉ baara wã kʉ̃ria b̶uubʉrã, naa ãrea kʉ̃risiai b̶uu. Ichi akõre, chi nawe, chi wẽra, chi warrarã, chi ãbarã, chi neekaurã, maebʉrã ichi chokae b̶uai mʉ audeara ãrea kʉ̃ria b̶uubʉrã, mau mʉ baara poyaa nibaabai.

Hechos 13:13

Pablo maud̶e ichi ome nibad̶a Pafos puurud̶ebena Panfilia druad̶aa jãbad̶e wãsid̶au. Aria puurud̶e neesid̶au. Maamina Juan Marcosba ãchi b̶ʉiped̶a Jerusalend̶aa waya wãsii.

Hechos 15:38

Maamina Pabloba mau adoe kʉ̃riabasii, mau Juan Marcosba ãchi naed̶e Panfilia druad̶e b̶ʉisiid̶eeba, maud̶e ãchi baara chi Dachi Akõre traju wau nibai ida b̶usiid̶eeba.

1 Corintios 10:24

Ab̶au bid̶a ara ichi biꞌia b̶uai jʉrʉ b̶uabai b̶uu, maumaarã waabenarã biꞌia nuread̶amera jʉrʉ b̶uai b̶uu.

1 Corintios 10:33

Ara mau kĩra mʉʉba wau b̶uud̶eeba jomaurãmaa biꞌia kʉ̃risiabiai kʉ̃ria b̶uu. Ab̶aburu mʉ biꞌia b̶uai baita jʉrʉkau, maumaarã ẽbẽrarã ãrea biꞌia nuread̶amera jʉrʉbarii. Maka mʉʉba wau b̶uud̶eeba ãchiba Cristod̶e ijãad̶ai Dachi Akõreba karibamera.

1 Corintios 13:5

Chi waabenarã kʉ̃riabariiba waabenarã wapeadee ua b̶uabarii, ara ichi báitaburu b̶uu kʉ̃risiakau, bari au kĩrukau, waabenaba ichi kachirua waud̶a kĩrabakau.

2 Corintios 1:5

Biawãra Cristo baita dai ãrea biꞌiwãe duanubadamina ichid̶eeba ne jomad̶e kĩrajʉʉbadau.

Filipenses 2:4

Machicha biꞌia nuread̶ai baita jʉrʉrã́sturu, maumaarã jʉrʉ́sturu waabenarã sid̶a biꞌia nuread̶amera.

2 Timoteo 1:15

Bichiba kuitaa b̶uu joma ãbarã Asia druad̶ebenarãba mʉ istu b̶ʉisid̶au. Maarãd̶ebena ãba Figeloba maud̶e Hermogenesba maka wausid̶au.

2 Timoteo 3:2

Ẽbẽrarãba joma ara ãchi baita kʉ̃ria panad̶ai, chi nejarra kʉ̃ria panad̶ai, ãchi biꞌia nuree a panad̶ai, chi mechiu nuree kʉ̃risia panad̶ai, waabenarã ʉ̃rʉbena kachirua jara panad̶ai, ãchi akõrerã bed̶ea ijãad̶akau panad̶ai, ãchi aid̶aaruu ẽbẽramaa ichíturu kid̶ibai ad̶akau panad̶ai maud̶e Dachi Akõre wapead̶akau panad̶ai.

2 Timoteo 4:10

Dachi ãba Cresente Galacia druad̶aa wã b̶uasii. Tito Dalmacia druad̶aa wã b̶uasii. Mau awara ãba Demasba chi nau iujãad̶ebena ãrea kʉ̃riasiid̶eeba mʉ ida b̶uped̶a Tesalónica puurud̶aa wãsii.

2 Timoteo 4:16

Ara michi baita chi juez daad̶e berreasiid̶e ab̶au bid̶a mʉ kakua berreabasii, mʉ aid̶ai baita. Maumaarã jomaurãba mʉ ida b̶usid̶au. Mʉʉba kʉ̃riawẽe mau ʉ̃rʉbena Dachi Akõre daad̶e maarã nebʉra baraa panuu ayu.