Filipenses 1:7 - Emberá Chamí

⁷ Biꞌia b̶uu mʉʉba joma machi ʉ̃rʉbena maka kʉ̃risia b̶uai, machi ãrea kʉ̃ria b̶uud̶eeba. Mʉ jʉ̃a b̶uud̶e maebʉrã chi bed̶ea bia Cristo ʉ̃rʉbena biawãra kuitaabi b̶uud̶e Dachi Akõreba ichi sõbiad̶eeba machi maud̶e mʉ sid̶a aid̶a b̶uu ichi bed̶ea jaradea panad̶amera.

Filipenses 1:7 ပူးပေါင်းရင်းမြစ်များ

Hechos 20:23

Ab̶aburu kuitaa b̶uu Dachi Akõre Jauriba mʉʉmaa kuitaabi b̶uu puurucha mʉ ãrea biꞌiwãe b̶uai maud̶e jʉ̃a b̶uai.

Hechos 21:33

Kokoroa chi aude mechiu araa neesiid̶e, Pablo jidauped̶a kaena omeeba jʉ̃bisii. Maabae ẽbẽrarã pĩchua imi nub̶uumaa id̶isii Pablo kai maud̶e kãare wausii kuitaai.

1 Corintios 13:7

Waabenaba kachirua waud̶a joma jãaduabarii, jomad̶e ijãabarii, waabenaba joma biꞌia waumera esed̶aubarii maud̶e ne jomad̶e jãadua b̶uabarii.

1 Corintios 9:23

Mʉʉba joma mau kĩra waubarii chi bed̶ea bia Cristo ʉ̃rʉbena kuitaabii baita. Maka mʉa bid̶a Dachi Akõred̶ebena ne biꞌia adaui.

2 Corintios 3:2

Machi chi karta dai sõd̶e b̶ʉ kub̶uu kĩra panuu. Jomaurãba mau karta ichiaduud̶e kuitaabadau daiba jipa jaradeabadau.

2 Corintios 7:3

Mʉʉba mau jarawẽa b̶uu machi ʉ̃rʉbena kachirua jarai baita. Mʉʉba naed̶e jara b̶uasii daiba machi sõd̶eeba kʉ̃ria panuu. Maud̶e machi ome ãbua panuud̶e maebʉrã biuduud̶e maka kʉ̃ria panad̶ai.

Gálatas 5:6

Cristo Jesusba mukĩra chi kakua tõo b̶uai maebʉrã mukĩra chi kakua tõowẽa b̶uai biꞌia unuwẽa b̶uu. Maumaarã chi ichid̶e ijãa b̶uud̶eeba ichi ome ãbua b̶uu maud̶e waabenarã kʉ̃ria b̶uu.

Efesios 3:1

Maud̶eeba mʉʉba [machi baita Dachi Akõremaa ʉtaa id̶ibarii]. Mʉ Pablobʉ. Machi judiowãerãmaa Jesucristo ʉ̃rʉbena jaradea b̶uu kakua jʉ̃a uru panuu.

Efesios 4:1

Mʉ Dachi Mechiu kakua jʉ̃a uru panuu. Mʉʉba machimaa chi chuburia id̶iiruu jipa nibad̶amera. Dachi Akõreba machi iusii maka nibad̶amera.

Efesios 6:20

Cristoba mʉ bʉisii mau bed̶ea jaradeamera. Jaradea b̶uu kakua mʉ jʉ̃a uru panuu. Dachi Akõremaa ʉtaa id̶ísturu mʉʉba mau bed̶ea bia ʉ̃rʉbena wapeawẽa berreai baita mʉʉba maka waui b̶uud̶eeba.

Filipenses 1:12

Ãbarã, mʉʉba machimaa kuitaabiai kʉ̃ria b̶uu mʉ chi makad̶aba aid̶a b̶uu ẽbẽrarãba chi bed̶ea bia Cristo ʉ̃rʉbena ijãad̶amera.

Filipenses 1:13

Romad̶ebena jaradea ua b̶uabarii de nubadau kokoroarãba maud̶e waabenarãba kuitaa panuu mʉ Cristo kakua jʉ̃a b̶uu.

Filipenses 1:14

Maud̶eeba ãrea ãbarãba Dachi Mechiud̶eeba Dachi Akõre bed̶ea wapeawẽa jara nibabadau.

Filipenses 1:5

machiba ichi bed̶ea ijãaped̶aad̶ad̶eed̶ebena mʉ aid̶a panuud̶eeba, chi bed̶ea bia Cristo ʉ̃rʉbena jaradeai baita.

Filipenses 2:22

Maamina machiba kuitaa panuu Timoteoba biꞌia waubarii. Warrba ichi akõre aid̶abarii kĩra ichiba bed̶ea bia Cristo ʉ̃rʉbena aid̶a jaradea b̶uu.

Filipenses 4:14

Maamina mʉʉba machíturu kid̶ibai aaruu, mʉ ãrea biꞌiwãe b̶uud̶e aid̶asid̶aud̶eeba. Biawãra machiba biꞌia wausid̶au.

Filipenses 4:15

Ãbarã Filipod̶ebenarã, machiba kuitaa panuu chi bed̶ea bia Cristo ʉ̃rʉbena arab̶aed̶eed̶e ijãasid̶aud̶e, mʉ Macedonia druad̶ebena wãsiid̶e waabenarã ãbarã puurud̶ebenarãba mʉ baita ne urubʉid̶aabasii. Machiaburu mʉ baita makasid̶au.

Filipenses 4:3

Maud̶e bichi, chi mʉ ome Dachi Akõre traju waubarii, mʉʉba bichimaa id̶iiruu mau neekaurã aid̶amera. Ãchi Clemente baara maud̶e waabenarã sid̶a mʉ ome ãrea trajasid̶au chi bed̶ea bia Cristo ʉ̃rʉbena kuitaabiad̶ai baita. Joma ãchi trʉ̃ Dachi Akõreba chi ewaricha chokae duanabarii kartad̶e b̶ʉ uru b̶uu.

Colosenses 4:18

Mʉ Pablobʉ. Ara mʉ juaba b̶ʉʉruu mʉʉba jarabʉiruu machi biꞌia duanad̶ai. Mʉ jʉ̃a uru panuud̶eeba Dachi Akõremaa ʉtaa id̶i panásturu. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uayu.

Colosenses 4:3

Dai baita ʉtaa id̶ísturu Dachi Akõreba poraa ewaaruu kĩra, Cristo ʉ̃rʉbena naed̶e kuitaabiwẽa b̶uad̶a ida jaradeabimera. Mau jaradea b̶uu kakua mʉ jʉ̃a uru panuu.

1 Tesalonicenses 5:5

Joma machi ʉ̃d̶aad̶ebenarã maud̶e ãyadaabenarã. Dachi ẽsabud̶ebenawãema maud̶e pãriud̶ebenawãema.

2 Timoteo 1:8

Maud̶eeba Dachi Mechiu Jesucristo ʉ̃rʉbena jarai baita kĩrakayarã́se. Mʉ Jesucristo baita jʉ̃a b̶umina kĩrakayarã́se. Maumaarã chi bed̶ea bia Jesús ʉ̃rʉbena jaradearuud̶e Dachi Akõre poyaabariid̶eeba bichi sid̶a ãrea biꞌiwãe b̶uai jãadua b̶uase.

2 Timoteo 2:9

Mau jaradea b̶uu kakua mʉ ãrea biꞌiwãe b̶uu. Mʉ ẽbẽra kachirua kĩra kaenaba jʉ̃ uru panuu. Maamina Dachi Akõre bed̶ea jʉ̃ uru panuuwãema.

Filemón 1:13

Chi Cristo bed̶ea bia kakua mʉ jʉ̃a b̶uud̶e mau mʉ ome uru b̶uai kʉ̃ria b̶uasii, joma bichiba mʉ baita jamaria poyaa waubai b̶uu waumera.

Hebreos 3:1

Ãbarã, machi ẽbẽrarã Dachi Akõred̶erãd̶eeba maud̶e ichiba machi iukuasiid̶eeba, Jesucristo ʉ̃rʉbena ãrea biꞌia kauwa kʉ̃risiásturu. Dachiba biawãra ijãa panuu abadau, Ichi Dachi Akõreba bʉid̶a maud̶e Paare Mechiu.

1 Pedro 4:13

Maumaarã Cristo biꞌiwãe b̶uasii kĩra ãrea biꞌiwãe panuud̶eeba kĩrajʉʉ panásturu. Maka Dachi Akõreba Cristo chi mechiu nii unubiaruud̶e machi ãrea kĩrajʉʉd̶ai.

1 Pedro 5:1

Machi chi ijãabadaurã nubadaurãmaa mʉʉba chi chuburia id̶iiruu, mʉ sid̶a ijãabadaurã nubariid̶eeba. Cristo ãrea biꞌiwãe b̶uad̶a mʉʉba unusii. Maud̶e Dachi Akõreba Cristo chi mechiu nii unubiaruud̶e mʉ sid̶a ichi ome b̶uai. Maud̶eeba naka chi chuburia id̶iiruu:

2 Pedro 1:13

Mʉʉmaarã jipa b̶uu wabid̶a chokae b̶uud̶e mau machimaa kĩrababia b̶uai.

1 Juan 3:14

Dachiba ãbarã kʉ̃ria panuud̶eeba kuitaa panuu dachi biu panad̶a chokae paneesid̶au. Chi ichi ãba kʉ̃riawẽa b̶uu wabid̶a biu nub̶uu.