Filipenses 1:20 - Emberá Chamí

²⁰ Cristo kakua mʉ ne ab̶a bid̶a nejasiai kʉ̃riawẽa b̶uu, maumaarã ichi ʉ̃rʉbena berreai baita kĩra nejasiaswãe b̶uai kʉ̃ria b̶uu. Maka mʉʉba jomaurãmaa Cristo chi mechiu nii kuitaabiai, ewaricha wau b̶uabarii kĩra. Chokae b̶eeruubʉrã maebʉrã biuruubʉrã, mʉʉba kʉ̃ria b̶uu jomaurãba mʉʉd̶eeba kuitaad̶ai Cristo chi mechiu nii.

Filipenses 1:20 ပူးပေါင်းရင်းမြစ်များ

Juan 21:19

Mau jara b̶uud̶eeba Jesusba kuitaabisii Pedro saka biui b̶uu, ichi biuruud̶eeba ẽbẽrarãba kuitaad̶ai Dachi Akõre chi mechiu nii. Maka jaraped̶a Jesusba Pedromaa jarasii: —¡Mʉ baara nibase!

Hechos 20:24

Maamina mʉʉba mau ʉ̃rʉbena kʉ̃risiakau, mʉ biꞌia b̶uai jʉrʉwẽed̶eeba. Ab̶aburu chi Dachi Mechiu Jesusba mʉʉmaa waubi b̶uu mau joma wau kʉ̃ria b̶uu. Mauburu chi bed̶ea bia Dachi Akõreba ichi sõbiad̶eeba kariba b̶uu ʉ̃rʉbena mʉʉba jara b̶uai.

Hechos 21:13

Maamina Pabloba jarasii: —¿Sakãe jẽa panuma? ¿Sakãe mʉ jãka kĩra nomaabi panuma? Ab̶aburu mʉ jʉ̃d̶ai baita b̶uwãema, maumaarã mʉ Mechiu Jesús kakua Jerusalend̶e biui baita b̶uu.

Hechos 4:31

Dachi Akõremaa ʉtaa id̶id̶ai ida b̶usid̶aud̶e chi panad̶amare de uri kob̶eesii. Maud̶e joma Dachi Akõre Jaurid̶eeba duaneesid̶au. Mauba Dachi Akõre bed̶ea wapead̶awẽa jara kopaneesid̶au.

Romanos 12:1

Mauba ãbarã, Dachi Akõreba machi kĩra chuburiasiid̶eeba, mʉʉba machimaa chi chuburia id̶iiruu ara machi Dachi Akõremaa dead̶amera, ãnimara baa deabadau kĩra. Mau ãnimara biud̶a audeara, ichi baita biꞌia panásturu machi biꞌia unumera.

Romanos 5:5

Mau setawãema, maumaarã biawãra adaud̶ai. Maka kuitaa panuu Dachi Akõreba ichi Jauri dachimaa deasiid̶eeba. Ichi Jaurid̶eeba dachi sõd̶e kuitaabia b̶uu dachi biawãra ãrea kʉ̃ria b̶uu.

Romanos 6:13

Machi kakuamaa ida kachirua waubirã́sturu. Maumaarã ara machi Dachi Akõremaa deásturu. Machi kachiruad̶e biu panad̶a Dachi Akõre baita chokae paneesid̶au. Maud̶eeba machi chi kakua Dachi Akõremaa deásturu jipa waud̶ai baita.

Romanos 6:19

Mʉʉba maka berrea b̶uu nau kʉ̃risia jaradeai baita. Maka jaradea b̶uu machiba ãi kʉ̃risiarãad̶amera. Biawãra naed̶e ara machi du ab̶a deasid̶au kachirua baita bari trajabadaurã nuread̶ai baita. Maka machiba mia pera wausid̶aud̶e joma kachirua ewaricha aude wau panabachid̶au. Maamina jãabae Dachi Akõre baita bari trajabadaurãd̶eeba, ara machi du ab̶a deásturu jipa waud̶ai baita. Maka Dachi Akõre baita biꞌia nuread̶ai.

Romanos 8:19

Joma Dachi Akõreba waukuad̶aba esed̶au b̶uu ichi warrarã biꞌia paneeduu isa unubimera,

Romanos 9:33

Dachi Akõre bed̶ead̶e mau ʉ̃rʉbena naka b̶ʉ kub̶uu: «Ũrísturu. Mʉʉba Sión puurud̶e de waui baitabena mo b̶uuruu. Mau moomaa drʉd̶aped̶a b̶aed̶ai. Maamina chi ichid̶e ijãa b̶uuba bari ijãa b̶uabai».

1 Corintios 15:31

Ãbarã, machiba Dachi Mechiu Jesucristod̶e ijãa panuu baita mʉ biawãra kĩrajʉʉ b̶uu. Biawãra jaraaruu: ewaricha kʉ̃risia b̶uu ẽbẽrarãba mʉ chi Jesús bed̶ea kakua bead̶ai.

1 Corintios 6:20

Dachi Akõreba machi nedosii. Dachi Akõred̶ed̶eeba machi kakuad̶e maud̶e jaurid̶e kĩra jipa panásturu.

1 Corintios 7:34

Maka chi wẽra bara b̶uuba kʉ̃risia ome uru b̶uabarii. Ara mau kĩra chi wẽra kima uru b̶uuba nau iujãad̶e ichi kima biꞌia uru b̶uai ãrea kʉ̃risia b̶uabarii. Ichi kima kĩrajʉʉbii kʉ̃ria b̶uu. Maamina chi wẽra mukĩrawãe b̶uuba Dachi Mechiu ʉ̃rʉbena biꞌia kʉ̃risia b̶uabarii. Nau kakuad̶e maud̶e jaurid̶e ichi baita biꞌia b̶uai kʉ̃ria b̶uu.

2 Corintios 10:8

Dachi Akõreba daimaa waubi b̶uu ʉ̃rʉbena mʉʉba ãrea berrea b̶umina mau kakua kĩra nejasia b̶uuwãe. Dachi Mechiuba daimaa maka waubi b̶uu machiba biꞌia ijãad̶amera. Ichiba dai b̶uubasii machiba ijãa panuu ida b̶ud̶amera.

2 Corintios 3:12

Mau bed̶ea chiwid̶i dead̶a biawãra wãꞌãekau kuitaa panuud̶eeba daiba biꞌia jaradeabadau.

2 Corintios 4:10

Dai wãaduucha ẽbẽrarãba dai bead̶ai kʉ̃ria panuu Jesús beaped̶aad̶a kĩra. Maamina Jesusba dai kariba b̶uud̶eeba ãchiba daid̶eeba Jesús chokae b̶uu unubadau.

2 Corintios 5:15

Biawãra Cristo jomaurã kakua biuped̶a chokae jiradusii dachi chokae nureeba ara dachiba wau kʉ̃ria panuu kĩra waa waurãad̶amera, maumaarã ichiba kʉ̃ria b̶uu kĩra wau panad̶amera.

2 Corintios 7:14

Tito machimaa wãi naed̶e mʉʉba machi ʉ̃rʉbena ichimaa biꞌia jarasii. Mʉʉba jarad̶a kĩra Titoba unud̶e wãsiid̶eeba mʉ machi kakua kĩra nejasiawẽa b̶uu. Joma daiba machimaa jaradeaped̶aad̶a biawãra basii. Ara mau kĩra joma daiba Titomaa machi ʉ̃rʉbena biꞌia jaraped̶aad̶a biawãra basii.

2 Corintios 7:4

Mʉʉba machimaa biawãra berrea b̶uu maud̶e machi kakua mʉ kĩrajʉʉ b̶uu. Dai ãrea biꞌiwãe panuud̶e mʉ machi kakua sõbiad̶eeba b̶uabarii maud̶e ãrea kĩrajʉʉ b̶uabarii.

Filipenses 1:14

Maud̶eeba ãrea ãbarãba Dachi Mechiud̶eeba Dachi Akõre bed̶ea wapeawẽa jara nibabadau.

Filipenses 2:17

Kãꞌãabariwãed̶e mʉ Cristo kakua bead̶ai panuu. Maka uva b̶aa Dachi Akõremaa ea deabachid̶au kĩra b̶uai. Ara mau kĩra machiba Cristod̶e ijãa panuu, ãnimara Dachi Akõremaa baa deai kĩra b̶uu. Maud̶eeba mʉ machi ome ãrea kĩrajʉʉ b̶uu.

Colosenses 1:24

Jãabae mʉʉba machi aid̶ai baita ãrea biꞌiwãe b̶umina kĩrajʉʉ b̶uu. Maud̶e Cristo baita wabid̶a biꞌiwãe b̶uai b̶uud̶eeba, ãrea biꞌiwãe nibai joma ichi ẽbẽrarã aid̶ai baita.

1 Tesalonicenses 5:23

Mʉʉba kʉ̃ria b̶uu Dachi Akõreba machi jomad̶e ichi baita biꞌia panabiayu. Mauba dachi jirukaraayuwãe panabiabarii. Mʉʉba kʉ̃ria b̶uu Dachi Akõreba machi jauri, machi kʉ̃risia maud̶e machi kakua ãrea biꞌia nu b̶uayu. Maka Dachi Mechiu Jesucristo neeruud̶e machi ab̶a bid̶a kachirua a jarad̶ayuswãe panad̶ai.

1 Pedro 4:16

Maamina ab̶auba Cristod̶e ijãa b̶uud̶eeba ãrea biꞌiwãe b̶uaruubʉrã, peraiwãe b̶uu. Maumaarã Cristod̶eeba Dachi Akõremaa biꞌia berreai b̶uu.

1 Juan 2:28

Mʉ warrarã, Cristo ome ãbua panásturu. Maka ichi neeruud̶e wapead̶awẽa maud̶e kĩra nejasiad̶awẽa nuread̶ai ichi daad̶e.