Efesios 4:30 - Emberá Chamí

³⁰ Kachirua wauduuba Dachi Akõre Jauri kĩra nomaabirã́sturu. Dachi Akõreba mau machimaa deasii ichid̶irã kuitaa panad̶amera. Ichi Jauri machi baara b̶uai ab̶a Dachi Akõreba ichi ẽbẽrarã joma biꞌia b̶ui ewarid̶aa.

Efesios 4:30 ပူးပေါင်းရင်းမြစ်များ

Marcos 3:5

Maud̶e Jesús jirukaraasii sõ chaarea nureed̶eeba. Nomaa kĩru kub̶uuba ãchi ichiaped̶a chi jua bʉʉ niimaa jarasii: —Jua jiwaase. Maka jiwaaruud̶e ichi jua biꞌia did̶isii.

Lucas 21:28

Mau unuuduud̶e kĩrajʉʉ panásturu, machi karibai ewari bai uru b̶uud̶eeba».

Juan 3:33

Chi ichi bed̶ea ijãa b̶uuba kuitaa b̶uu Dachi Akõreba jara b̶uu biawãrabʉ.

Hechos 7:51

»¡Machi sõ chaarea nuree! ¡Sõd̶eeba ijãad̶akau! Dachi Akõre bed̶ea ũri kʉ̃riad̶akau. Dachi Akõre Jauriba jara b̶uu machiba ewaricha ida b̶ubadau. Ara machi nabẽraed̶ebenarã kĩra nuree.

Romanos 8:11

Maamina ichi Jauri machi sõd̶e b̶uud̶eeba, ichid̶eeba machi chi kakua biui b̶uu chokae jiradubii, Cristo Jesús chokae jiradubid̶a kĩra.

Romanos 8:23

Maud̶e dachia bid̶a puꞌuaba isa neebii esed̶au panuu, Dachi Akõreba dachi chi kakua biꞌia b̶umera. Ichi warrarã adauruud̶e maka waui. Ichi Jauri dachimaa naed̶e deasii biawãra dachi ichi warrarã kuitaad̶amera.

1 Corintios 1:30

Maawẽa Dachi Akõreba machi Jesucristo ome ãbua b̶usii. Maka Cristod̶eeba Dachi Akõreba ichi kʉ̃risia kuitaa dachimaa kuitaabiasii. Ichiba dachi jipa b̶usii, ara ichi baita biꞌia b̶usii, maud̶e kachiruad̶ebena karibasii.

1 Corintios 15:54

Maka dachi kakua chi b̶eraabarii, chi kakua b̶eraakau b̶eeruud̶e maud̶e nau kakua biui b̶uu chi biukau kakua b̶eeruud̶e, Dachi Akõre bed̶ead̶e b̶ʉ kub̶uu kĩra biawãra b̶uai. Naka b̶ʉ kub̶uu: «Dachi Akõreba dachi biui wãꞌãebisii».

1 Tesalonicenses 5:19

Dachi Akõre Jauriba wau b̶uu ida b̶urã́sturu.

Hebreos 10:29

Maud̶eeba ¿saka kʉ̃risia panuma? ¿Dachi Akõreba chi ichi Warr ida b̶ubadaurã aude kastikaika? Dachi Akõreba ichi Warr oad̶eeba bed̶ea chiwid̶i deasii dachi ichi baita biꞌia b̶ui baita. Makarã ¿chi Dachi Akõreba ichi Warr oa ched̶a biꞌiwãe b̶uu abadaurã aude kastikaika? Mau awara Dachi Akõre Jauriba ichi sõbiad̶eeba dachi aid̶a b̶uu. Maka b̶uubʉrã ¿chi Dachi Akõre Jauri ʉ̃rʉbena kachirua jarabadaurã kastikawẽka?

Hebreos 3:10

Maud̶eeba ãchi ome kĩruped̶a Dachi Akõreba naka jarasii: “Jãarãba sõd̶eeba biawãra mʉ baara nibad̶akau. Mʉ o unud̶ai kʉ̃riad̶akau”.

Hebreos 3:17

¿Dachi Akõre kairã ome 40 años kĩru b̶uasma? ¿Kachirua wauped̶aad̶arã ome kĩru b̶uaswãeka? ¿Maud̶eeba maarã drua sirua wãꞌãe b̶uud̶e kinisid̶auwãeka?