Efesios 4:28 - Emberá Chamí

²⁸ Nechirua badaad̶a waa nechiruabai b̶uu, maumaarã ichi juaba trajai b̶uu ne uru b̶uai baita. Maka ichiba uru b̶uai chi nejarr barauwãe nuree aid̶ai baita.

Efesios 4:28 ပူးပေါင်းရင်းမြစ်များ

Lucas 19:8

Ichi ded̶e neesid̶aud̶e Zaqueo Jesús daad̶e akʉ nub̶eeped̶a jarasii: —Mʉ Mechiu, mʉʉba chi nejarra uru b̶uud̶ebena chi nejarr barauwãe nureerãmaa kẽsa dead̶akaaruu. Maud̶e b̶es kimare aude wãyaa dead̶akai mʉʉba setad̶eeba waabenarãmaa aude id̶id̶a bad̶a.

Lucas 3:8

Machiba wau panuud̶eeba unubísturu biawãra machi kachirua ida b̶ud̶aped̶a, Dachi Akõremaa neeped̶aad̶a. Kʉ̃risiarã́sturu Abrahamd̶ebena imiped̶aad̶ad̶eeba Dachi Akõreba kastikaabai. Mʉʉba machimaa jaraaruu: Dachi Akõreba kʉ̃riaibʉrã cha b̶ee mo Abrahamd̶ebena imiped̶aad̶arã babiakuai.

Juan 12:6

Maamina ichiba maka jaraabasii chi nejarr barauwãe nuree aid̶ai kʉ̃risia b̶uasiid̶eeba, maumaarã maka jarasii nechiruabariid̶eeba. Ãchi chi nejarra nubadau ũabisa ichiba uru b̶uabachii maamina maud̶ebena chiruabachii.

Juan 13:29

Judasba ãchi chi nejarra pebadau ũabisa uru b̶uabachii. Maud̶eeba waabenarãba kʉ̃risiasid̶au Jesusba chi bari panabadau ewari baita nedobʉimera jarasii maebʉrã chi nejarr barauwãe nureerãmaa dead̶e wãmera.

Romanos 12:13

Ẽbẽrarã Dachi Akõred̶erã chi nejarr barauwãe nuree aid̶ásturu. Chi machi ded̶e needuu biꞌia irsibísturu.

1 Corintios 4:12

Dai kʉrrjĩrud̶awẽa traja panuu ne uru panad̶ai baita. Ẽbẽrarãba daimaa kachirua berreaduud̶e daiba ãchimaa biꞌia berreabadau. Dai kachirua wauduud̶e dauchia jãadua panabadau.

2 Corintios 8:12

Biawãra ab̶auba poyaa dearuu kĩra sõbiad̶eeba dearuubʉrã, mau dead̶a Dachi Akõreba biꞌia unui. Ab̶auba deai baita uru b̶uuwãebʉrã, Dachi Akõreba deábad̶e akau.

2 Corintios 8:2

Ãchi ãrea biꞌiwãe panumina kĩrajʉʉ panuu. Chi nejarra barauwãe panumina kĩrajʉʉba chi nejarra ãrea deasid̶au.

Gálatas 6:10

Maud̶eeba dachiba poyaaduucha, jomaurã biꞌia aid̶ad̶ai panuu. Chi Jesusd̶e ijãabadaurã maka aude aid̶ad̶ai panuu.

1 Timoteo 6:18

Chi barau nureerãmaa jarase jomaurã ome biꞌia waud̶amera. Maud̶e jarase ãchiba uru panuud̶ebena sõbiad̶eeba waabenarãmaa dead̶ai baita panad̶ai panuu.

Tito 3:14

Dachi chi Cristod̶e ijãabadaurãba biꞌia wau kuitaa wãd̶ai panuu chi nejarr barauwãe nuree aid̶ad̶ai baita. Maka ara dachi bari nuread̶aabai.

Tito 3:8

Mau bed̶ea biawãrad̶eeba, mau ijãad̶ai panuu. Mʉʉba kʉ̃ria b̶uu bichiba mau ãrea jaradea b̶uai Dachi Akõred̶e ijãabadaurãba ne joma biꞌia wau wãd̶amera. Mau bed̶ea ãrea biꞌia b̶uu. Jomaurã karibabarii.