Colosenses 4:5 - Emberá Chamí

⁵ Cristod̶e ijãad̶akaurã tãed̶e kʉ̃risia kauwa nibásturu. Ewaricha jʉrʉ́sturu ichi ʉ̃rʉbena maarãmaa kuitaabiad̶ai baita.

Colosenses 4:5 ပူးပေါင်းရင်းမြစ်များ

Mateo 10:16

»Mʉʉba machi ẽbẽra kachirua tãed̶e bʉikaaruu. Ãchiba machi kachirua waud̶ai usa kachiruaba oejarã orrabarii kĩra. Maud̶eeba ãchi tãed̶e panuud̶e dama kĩra kʉ̃risia kauwa nibásturu, maamina paloma kĩra ʉmʉmʉrʉa nibásturu.

Marcos 4:11

Jesusba panausii: «Dachi Akõreba ichid̶irã ichi juad̶e ua b̶uu ʉ̃rʉbena jomaurãmaa kuitaabiawẽa b̶umina machimaa kuitaabia b̶uu. Maamina waabenarãmaa mʉʉba nebʉrʉʉruuba berrea b̶uu,

Romanos 16:19

Jomaurãba kuitaa panuu machiba Dachi Akõre bed̶ea biawãra wau panuu. Maud̶eeba mʉ kĩrajʉʉ b̶uu. Biawãra mʉʉba kʉ̃ria b̶uu machiba biꞌia waud̶ai kuitaad̶ai maud̶e kachirua waud̶aabai.

Colosenses 3:16

Bed̶ea Cristo ʉ̃rʉbena machi sõd̶e uru panásturu. Joma Dachi Akõre kuitaad̶eeba chiya jaradeásturu maud̶e chiya aid̶ásturu biꞌia ijãad̶ai baita. Dachi Akõre bed̶ead̶e b̶ʉ kub̶uu karísturu, ãbarãba karibadau maud̶e Dachi Akõre Jauriba karibi b̶uu sid̶a Dachi Akõremaa karísturu. Sõd̶eeba ichíturu kid̶ibai jara panuud̶eeba karísturu.

1 Tesalonicenses 4:12

Maka nureebʉrã, machiba esed̶aud̶ayuswãe panad̶ai waabenarãba machimaa ne kaebea dead̶ai. Maud̶e makaburu Jesusd̶e ijãad̶akaurãba machi biꞌia unud̶ai.

1 Timoteo 3:7

Cristod̶e ijãad̶akaurã bid̶a ichi ʉ̃rʉbena biꞌia kʉ̃risiad̶ai panuu. Maka ẽbẽrarãba ichi ʉ̃rʉbena kachirua berread̶aabai maud̶e jʉbawãe niiba ichi ẽbẽrarã daad̶e nebʉra bara nii ai.

Santiago 1:5

Machid̶ebena ab̶aba kʉ̃risia kuitaawẽa niibʉrã, Dachi Akõremaa ʉtaa id̶ii b̶uu. Maabae Dachi Akõreba deai. Ichimaa ʉtaa id̶iiduubʉrã iadaawẽa sõbiad̶eeba jomaurãmaa deabarii.

Santiago 3:13

Machi kʉ̃risia kuitaa nuree maud̶e ne kuitaa nuree kʉ̃risia panuubʉrã, unubiásturu biawãra maka nuree, machi biꞌia nibabadaud̶eeba. Chi mechiu nuree kʉ̃risiad̶awẽa kʉ̃risia kuitaad̶eeba biꞌia waud̶ai panuu.

Santiago 3:17

Maamina chi Dachi Akõreba dea b̶uu kʉ̃risia kuitaa uru nureerãba ne jomad̶e jipa waubadau, jomaurã ome jirukaraayuwãe nuread̶ai baita jʉrʉbadau, jomaurã ome biꞌia panabadau, ab̶auba jara b̶uu ũrid̶ai baita panabadau, waabenarã kĩra chuburiabadau maud̶e ne joma biꞌia waubadau. Ab̶a waabenarã audeara biꞌia waud̶akau. Ichiba jara b̶uu kĩra biawãra waubarii.

1 Pedro 3:1

Wẽra kima barau nuree, machi kima bed̶ea ijã́sturu. Maka chi nuree machi kimad̶ebenarãba Dachi Akõre bed̶ea ijãad̶awẽa panumina machi kĩra jipa nuree maud̶e Dachi Akõre wapea nuree unud̶aped̶a ijãad̶ai. Machiba machi kimamaa ijãad̶amera jarad̶awẽa panumina machiba biꞌia wau panuud̶eeba ijãabid̶ai.