Colosenses 4:15 - Emberá Chamí

¹⁵ Dachi ãbarã Laodicea puurud̶ebenarãmaa jarásturu mʉʉba jarabʉi b̶uu maarã biꞌia panad̶ai. Dachi neekau Ninfas maud̶e jomaurã ãbarã ichi ded̶e ãbua wãbadaurãmaa jarásturu mʉʉba jarabʉi b̶uu maarã biꞌia panad̶ai.

Colosenses 4:15 ပူးပေါင်းရင်းမြစ်များ

Romanos 16:5

Maud̶e ãbarã ãchi ded̶e araa ãbua imibadaurãmaa jarásturu mʉʉba kʉ̃ria b̶uu ãchi biꞌia duanad̶ai. Mʉ ãba ãrea kʉ̃ria b̶uu Epenetomaa ara mau kĩra jarásturu. Acaya druad̶e ichiba naa Jesucristod̶e ijãasii.

1 Corintios 16:9

Nama mʉ kĩramaa panumina poyaa Dachi Akõre bed̶ea biꞌia jaradea b̶uai maud̶e ãreaba ijãa panuu.

Colosenses 2:1

Mʉʉba kʉ̃ria b̶uu machiba nau kuitaad̶ai: mʉ dauchia jãadua ãrea traja b̶uu machi Colosad̶ebenarã, ãbarã Laodicea puurud̶ebenarã maud̶e joma ãbarã mʉ unud̶akau aid̶ai baita.

Colosenses 4:13

Mʉʉba jaraaruu: ãba Epafras biawãra traja b̶uu machi aid̶ai baita maud̶e joma ãbarã Laodicea puurud̶ebenarã maud̶e Hierápolis puurud̶ebenarã aid̶ai baita.

Colosenses 4:16

Machiba nau karta ed̶a jaraaduud̶e ãbarã Laodicea puurud̶ebenarãmaa bid̶a ed̶a jarabiásturu. Machia bid̶a chi karta mʉʉba maarãmaa urubʉid̶a ed̶a jarásturu.

Filemón 1:2

Maud̶e b̶ʉʉruu joma ãbarã bichi ded̶e araa ãbua imibadaurã baita, dachi neekau Apia baita maud̶e dachi ãba Arquipo baita. Arquipo dai ome arab̶aud̶e Dachi Akõre traju wau b̶uabarii kokoroa kĩra.