Colosenses 3:19 - Emberá Chamí

¹⁹ Mukĩrarã wẽra bara nuree, machi wẽra kʉ̃riásturu. Maarã ome kĩrubi id̶aa panarã́sturu.

Colosenses 3:19 ပူးပေါင်းရင်းမြစ်များ

Lucas 14:26

«Ab̶a mʉ baara wã kʉ̃ria b̶uubʉrã, naa ãrea kʉ̃risiai b̶uu. Ichi akõre, chi nawe, chi wẽra, chi warrarã, chi ãbarã, chi neekaurã, maebʉrã ichi chokae b̶uai mʉ audeara ãrea kʉ̃ria b̶uubʉrã, mau mʉ baara poyaa nibaabai.

Romanos 3:14

Kĩramaa panuud̶eeba ãchi iiba kachirua jarabadau.

Efesios 4:31

Machiba joma ab̶au ʉ̃rʉbena sõd̶e kachirua kʉ̃risiabadau, sõd̶eeba kĩrubadau, oa kachirua berreabadau, kĩrud̶eeba berreabadau, waabenarã ʉ̃rʉbena setaa jarabadau maud̶e waabenarã kachirua waud̶ai kʉ̃risiabadau joma ida b̶ústuru.

Efesios 5:25

Mukĩrarã wẽra bara nuree, machi wẽra kʉ̃riásturu, Cristoba dachi kʉ̃ria b̶uu unubid̶a kĩra. Kʉ̃riad̶eeba dachi baita ara ichi ida beabisii.

Efesios 5:33

Mau ʉ̃rʉbena kuitaabi b̶umina machicha machi kima kʉ̃ria nuread̶ai panuu ara machi kʉ̃ria panuu kĩra. Maud̶e wẽraba ichi kima wapeadee b̶uai b̶uu.

Colosenses 3:21

Akõrerã, machi warrarã kĩrubiarã́sturu kĩra nomaarãad̶amera.

Santiago 3:14

Maamina ab̶auba chi uru b̶uu kakua maebʉrã chi wau b̶uu kakua jiwaa duanuubʉrã, maud̶e waabenarã aude biꞌia nuread̶ai baita jʉrʉduubʉrã, jararã́sturu machi ne kuitaa nuree. Maka jaraaduubʉrã, chi biawãra bed̶ea ida b̶u panuu.

1 Pedro 3:7

Mukĩrarã wẽra barau nuree, kʉ̃risia biad̶eeba machi wẽra ome biꞌia panásturu. Machi wẽra biꞌia b̶uabii kʉ̃ria panuud̶eeba ãchi biꞌia nu panásturu, wẽra mukĩra aude meserãaswãe niid̶eeba maud̶e machi omea ãbua Dachi Akõre sõbiad̶eeba ichiba chokae panabiasiid̶eeba. Maka waud̶awẽebʉrã, machiba ʉtaa id̶iiduu Dachi Akõreba biꞌia ũriibai.