Colosenses 3:14 - Emberá Chamí

¹⁴ Mau awara waabenarã kʉ̃ria duanásturu. Maka machi jomaurã ome ãbua biꞌia duanad̶ai.

Colosenses 3:14 ပူးပေါင်းရင်းမြစ်များ

Juan 13:34

»Mʉʉba waubi b̶uu bed̶ea wid̶i machimaa jaraaruu: ãrea kʉ̃ria nureásturu. Mʉʉba machi ãrea kʉ̃ria b̶uu kĩra machi sid̶a arab̶aud̶e chiya kʉ̃riásturu.

Juan 15:12

Mʉʉba waubi b̶uu bed̶ea naubʉ: machi chiya ãrea kʉ̃riásturu mʉʉba machi ãrea kʉ̃ria b̶uu kĩra.

Juan 17:23

Mʉ ãchi ome b̶uud̶eeba maud̶e bichi mʉ ome b̶uud̶eeba dachi joma ãbua chi kakua ab̶a nii kĩra panad̶ai. Maka nau iujãad̶e nureeba kuitaad̶ai bichiba mʉ bʉisii maud̶e kuitaad̶ai bichiba ãchi kʉ̃ria b̶uu mʉ kʉ̃ria b̶uu kĩra.

Romanos 13:8

Machiba chi dead̶ai panuu uru panuubʉrã, waya dead̶awẽa panarã́sturu. Ab̶aburu chiya kʉ̃ria panásturu. Chi waabenarã kʉ̃ria b̶uuba joma Moisesba b̶ʉd̶a wau b̶uu.

Efesios 1:4

Nau drua waui naed̶e Cristod̶eeba dachi jʉrʉ adausii ichi baita biꞌia nuread̶amera maud̶e ichi daad̶e jayoa kachiruaswãe nuread̶amera. Nabẽraed̶eed̶e Jesucristod̶eeba dachi ichi warrarã bad̶ai a kʉ̃risia b̶uasii. Maka wau kʉ̃ria b̶uasii dachi kʉ̃riakuasiid̶eeba.

Efesios 4:3

Dachi Akõre Jauriba machi jirukaraayuwãe nureabiai b̶uud̶eeba, ne joma biꞌia wáusturu biawãra ãbua nuread̶amera.

Efesios 5:2

Jomaurã kʉ̃riásturu Cristoba dachi kʉ̃ria b̶uu unubid̶a kĩra. Kʉ̃riad̶eeba dachi kakua ara ichi beabisii Dachi Akõremaa ãnimara baa dearuu kĩra. Dachi Akõreba mau biꞌia unusii.

Colosenses 2:2

Mʉʉba kʉ̃ria b̶uu jomaurã dauchia jãadua kĩra ʉb̶ʉa panabiai, kʉ̃riad̶eeba ãbua biꞌia duanad̶ai maud̶e biawãra kʉ̃risia kuitaa nureed̶eeba biꞌia duanad̶ai. Maka Dachi Akõreba mau naed̶e kuitaabiawẽa b̶uad̶a kuitaad̶ai. Mau Cristobʉ.

1 Tesalonicenses 4:9

Mau awara machi saka ãbarã ome chiya kʉ̃riad̶ai panuu ʉ̃rʉbena, mʉʉba nau kartad̶e ¿kãare b̶ʉima? Ara Dachi Akõréburu machimaa mau jaradeasii.

1 Timoteo 1:5

Mʉʉba maka jara b̶uu ãbarã kʉ̃risia sõbiad̶eeba, biawãra Dachi Akõred̶e ijãa panuud̶eeba chiya kʉ̃ria duanad̶amera.

Hebreos 6:1

Maud̶eeba Cristod̶e kuitaa wari kãri bad̶ai panuu. Dachiba ichi ʉ̃rʉbena naed̶e kuitaaped̶aad̶a akabichia aramáturu jaradearã́duru. Waya jaradead̶aabai chi kachirua wau panuu kakua biud̶ai panuu, kachirua ida b̶ud̶aped̶a Dachi Akõremaa need̶ai panuu, Dachi Akõred̶e ijãad̶ai ʉ̃rʉbena, boro ead̶ai ʉ̃rʉbena, ãbarã ʉ̃rʉ jua kub̶uud̶ai ʉ̃rʉbena, biud̶arã chokae jiradud̶ai ʉ̃rʉbena maud̶e Dachi Akõreba kastikaped̶a ewaricha ãrea biꞌiwãe panad̶ai ʉ̃rʉbena sid̶a.

1 Pedro 4:8

Ãrea chiya kʉ̃ria panásturu. Mau jomad̶ebena audeara bibuara b̶uu. Chi waabenarã kʉ̃ria uru b̶uuba ãchi kachirua ãrea kʉde uru b̶uad̶a ida b̶ubarii.

2 Pedro 1:7

Dachi Akõreba kʉ̃ria b̶uu kĩra panuud̶e jʉrʉ́sturu ãbarã kʉ̃riad̶ai baita; ãbarã kʉ̃ria panuud̶e jʉrʉ́sturu jomaurã kʉ̃riad̶ai baita.

1 Juan 3:10

Naud̶eeba dachiba kuitaa panuu kairã Dachi Akõre warrarã maud̶e kairã jʉbawãe nii warrarã. Chi jipa wauwẽa b̶uu Dachi Akõre warrwãe. Maud̶e chi ichi ãba kʉ̃riawẽa b̶uu Dachi Akõre warrwãe.

1 Juan 3:23

Mau waubi b̶uu bed̶ea naubʉ: ichi Warr Jesucristod̶e ijãad̶ai maud̶e chiya kʉ̃ria nuread̶ai ichiba dachimaa jarad̶a kĩra.

1 Juan 4:21

Jesucristoba dachimaa waubi b̶uu bed̶ea naubʉ: chi Dachi Akõre kʉ̃ria b̶uuba ichi ãba kʉ̃ria b̶uai b̶uu.