Colosenses 2:6 - Emberá Chamí

⁶ Machiba Dachi Mechiu Jesucristod̶e ijãasid̶aud̶eeba ichid̶eeba nibásturu.

Colosenses 2:6 ပူးပေါင်းရင်းမြစ်များ

Mateo 10:40

»Chi machi biꞌia irsibiiduurã, mʉ irsibibadau. Maud̶e mʉ irsibiiduu chi mʉ bʉid̶a irsibibadau.

Juan 13:20

Mʉʉba biawãra jaraaruu: mʉʉba bʉiruu ab̶auba biꞌia irsibiiruubʉrã mʉ biꞌia irsibiiruu. Maud̶e mʉ biꞌia irsibiiruuba mʉ bʉid̶a biꞌia irsibiiruu».

Juan 14:6

Maud̶e Jesusba jarasii: —Mau o mʉʉbʉ. Mʉʉd̶eeba Dachi Akõre biawãra unu panuu maud̶e chokae b̶uai uru panuu. Mʉwãebʉrã ab̶a bid̶a mʉ Chachamaa poyaa neebai.

1 Corintios 1:30

Maawẽa Dachi Akõreba machi Jesucristo ome ãbua b̶usii. Maka Cristod̶eeba Dachi Akõreba ichi kʉ̃risia kuitaa dachimaa kuitaabiasii. Ichiba dachi jipa b̶usii, ara ichi baita biꞌia b̶usii, maud̶e kachiruad̶ebena karibasii.

2 Corintios 5:7

Dachi dauba unu panuud̶eeba nibad̶akau, maumaarã Dachi Akõred̶e ijãa panuud̶eeba nibabadau.

Gálatas 2:20

Mʉ Cristo ome cruzd̶e ãbua jirab̶usid̶au. Maud̶eeba ara mʉʉd̶eeba b̶uwãema, maumaarã Cristo mʉ sõd̶e b̶uu. Nau kakuad̶e chokae b̶uumisa mʉ Dachi Akõre Warr Jesusd̶eeba nibai. Ara mau Jesús, Dachi Akõreba waubi b̶uu wausiid̶eeba, mʉ kʉ̃riasii maud̶e mʉ kakua ichi ida beabisii.

Gálatas 3:26

Jesucristo ijãa panuud̶eeba joma machi Dachi Akõre warrarãbʉ.

Efesios 4:1

Mʉ Dachi Mechiu kakua jʉ̃a uru panuu. Mʉʉba machimaa chi chuburia id̶iiruu jipa nibad̶amera. Dachi Akõreba machi iusii maka nibad̶amera.

Filipenses 1:27

Jipa nibásturu chi bed̶ea bia Cristo ʉ̃rʉbena jara b̶uu kĩra. Makarã mʉʉba machi ichiad̶e wãaruubʉrã, maebʉrã machi ome b̶uuwãed̶e machi ʉ̃rʉbena ũriiruubʉrã, kuitaai machiba arab̶au kʉ̃risiad̶eeba ãbua ãrea ijãa panuu maud̶e ãbua ãrea traja panuu mau bed̶ea bia kuitaabid̶ai baita.

Colosenses 1:10

Maka machi poyaa jipa nibad̶ai Dachi Mechiuba kʉ̃ria b̶uu kĩra maud̶e ne jomad̶e ichiba machi biꞌia unui. Biawãra machiba ne joma biꞌia wau panuud̶eeba nejõo biꞌia chaubarii kĩra duanad̶ai maud̶e Dachi Akõre biꞌia unu kãribad̶ead̶ai.

Colosenses 3:17

Machi berreaduud̶e maud̶e ne wauduud̶e joma wáusturu Dachi Mechiu Jesusba kʉ̃ria b̶uu kĩra. Ichid̶eeba Dachi Bajãad̶ebena Akõremaa ichíturu kid̶ibai ásturu.

1 Tesalonicenses 4:1

Mau awara ãbarã, daiba machimaa jaradeasid̶au saka Dachi Akõre daad̶e nibad̶ai panuu ichiba biꞌia unumera. Dachi Mechiu Jesús trʉ̃d̶e daiba machimaa chi chuburia id̶i panuu, ara mau kĩra nibad̶amera. Biawãra machiba maka waumaa panuu, maamina biꞌia wáusturu.

Hebreos 3:14

Dachiba ab̶aed̶eed̶e ijãaped̶aad̶ad̶eed̶ebena ab̶a biuduud̶aa Cristod̶e ijãa panuubʉrã, ichi ome dauchia jãadua panad̶ai.

1 Juan 5:20

Kuitaa panuu Dachi Akõre Warr neesii maud̶e kʉ̃risia kuitaa dachimaa deasii Dachi Akõre biawãra unud̶amera. Ichi Warr Jesucristo ome panuud̶eeba dachi biawãra Dachi Akõre ome panuu. Mau biawãra Dachi Akõrebʉ. Mauba ẽbẽrarãmaa ichi ome ewaricha chokae nuread̶ai deabarii.

Judas 1:3

Ãbarã, mʉʉba nau kartad̶e Dachi Akõreba dachi karibad̶a ʉ̃rʉbena b̶ʉ kʉ̃ria b̶uasii. Maamina mʉ baita, bibuara b̶uu jãabae b̶ʉi kauwa panad̶amera. Chi machiba ijãa panuu ab̶aumaa ida ãyaa jaradeabirã́sturu. Dachi Akõreba chi biawãra bed̶ea ichi ẽbẽrarãmaa b̶es ab̶aburu deasii. Diware deakau.