Colosenses 2:2 - Emberá Chamí

² Mʉʉba kʉ̃ria b̶uu jomaurã dauchia jãadua kĩra ʉb̶ʉa panabiai, kʉ̃riad̶eeba ãbua biꞌia duanad̶ai maud̶e biawãra kʉ̃risia kuitaa nureed̶eeba biꞌia duanad̶ai. Maka Dachi Akõreba mau naed̶e kuitaabiawẽa b̶uad̶a kuitaad̶ai. Mau Cristobʉ.

Colosenses 2:2 ပူးပေါင်းရင်းမြစ်များ

Mateo 11:25

Mau ewarid̶e Jesusba jarasii: «Chacha, bichi bajãad̶ebena Mechiu maud̶e nau iujãad̶ebena Mechiu. Bichiba chi ne adua nureerãmaa mʉʉba jaradead̶a kuitaabiasiid̶eeba mʉʉba bichi bia jarai. Ne kuitaa nureerãmaa bichiba kuitaabiabasii.

Mateo 11:27

»Mʉ Chachaba mʉʉmaa ara ichi ʉ̃rʉbena joma kuitaabisii. Ab̶au bid̶a adua panuu mʉ, chi Warr saka nii; ab̶a mʉ Chacháburu kuitaa b̶uu. Ara mau kĩra ab̶au bid̶a adua panuu mʉ Chacha saka nii; ab̶aburu mʉ, chi Wárrburu kuitaa b̶uu. Mʉʉba ab̶aumaa mʉ Chacha kuitaabiiruubʉrã, mau ẽbẽraba kuitaai.

Mateo 13:11

Jesusba panausii: —Bajãad̶e B̶uuba ichid̶irã ichi juad̶e ua b̶uu ʉ̃rʉbena jomaurãmaa kuitaabiawẽa b̶umina machimaa kuitaabia b̶uu.

Lucas 1:1

Dachi Akõreba dachi tãed̶e waud̶a ʉ̃rʉbena, ẽbẽrarã ãreaba kartad̶e b̶ʉd̶ai kʉ̃riasid̶au.

Juan 10:30

Mʉ, mʉ Chacha ome arab̶au nid̶au.

Juan 10:38

Maamina ichiba wau b̶uu mʉʉba wau b̶uubʉrã, mʉʉba jara b̶uu kakua machiba ijãad̶awẽa panumina mʉʉba wau b̶uu kakua ijã́sturu. Maka machiba biawãra kuitaad̶ai mʉ Chacha mʉ ome nii maud̶e mʉ, mʉ Chacha ome nii.

Juan 16:15

Joma mʉ Chachad̶e mʉʉd̶ebʉ. Maud̶eeba mʉʉba jarasii Dachi Akõre Jauriba mʉ bed̶ea ũriped̶a machimaa jaradeai.

Juan 17:3

Ewaricha chokae nureeba kuitaa panuu bichi biawãra Dachi Akõre ara ab̶a nii. Maud̶e nau bichiba bʉid̶a Jesucristo kuitaa panuu.

Juan 5:17

Maamina Jesusba ãchimaa jarasii: —Mʉ Chacha wabid̶a kʉrrjĩruwẽa ẽbẽrarã kariba b̶uu maud̶e mʉa bid̶a kʉrrjĩruwẽa kariba b̶uu.

Juan 5:23

Maka jomaurãba mʉ Chacha wapea panuu kĩra mʉ sid̶a wapead̶ai. Chi mʉ wapeawẽa b̶uuba mʉ Chacha sid̶a wapeawẽa b̶uu, mʉ Chachaba mʉ nau iujãad̶aa bʉisiid̶eeba.

Juan 6:69

Daiba bichi bed̶ea biawãra ijãa panuu, maud̶e daiba biawãra kuitaa panuu bichi Dachi Akõreba Bʉid̶a Jipa Nii.

Hechos 4:32

Mau ewarid̶e chi Jesusd̶e ijãabadaurã arab̶au kʉ̃risiad̶eeba, arab̶au sõd̶eeba ãbua biꞌia duanabachid̶au. Ab̶au bid̶a ãchi ne kaebea uru panuu ãchi báitaburu b̶uu ad̶aka basii, maumaarã bari jomaurã báitaburu basii.

Romanos 15:13

Joma chi bia dachiba esed̶au panuu Dachi Akõreba deai. Machiba ichid̶e ijãa panuud̶eeba mʉʉba kʉ̃ria b̶uu ichiba machi ãrea kĩrajʉʉbiai maud̶e jirukaraayuwãe duanubiai. Maka Dachi Akõre Jauri poyaad̶eeba machiba biꞌia kuitaad̶ai joma chi bia dachiba esed̶au panuu biawãra adaud̶ai.

Romanos 16:25

Mʉʉba chi bed̶ea bia Jesús ʉ̃rʉbena jaradea b̶uabarii. Ara mau bed̶ead̶eeba Dachi Akõreba machi poyaa aid̶ai chaarea nuread̶amera. Mau bed̶ea Dachi Akõreba naed̶e kuitaabiawẽa b̶uasii maamina id̶ibae kuitaabiasii. Ichi baita berreabadaurãba mau kartad̶e b̶ʉsid̶au. Dachi Akõre biukauba maka b̶ʉbiasii druachad̶ebenarãba ũrid̶aped̶a Jesucristod̶e ijãad̶amera. Dachi Akõremaa biꞌia berread̶ai panuu.

Romanos 2:4

Bichiba ida b̶u b̶uu Dachi Akõre dachi ome ãrea sõbia b̶uu, joma dauchia jãadua b̶uu maud̶e kachirua waud̶a isa kastikakau. ¿Bichiba adua b̶uka Dachi Akõre bichi ome sõbia b̶uabariid̶eeba maud̶e chi ichiba kʉ̃ria b̶uud̶eeba bichi kachirua waubarii ida b̶ubarii ichimaa neemera?

1 Corintios 14:31

Jomaurã ab̶aab̶aa Dachi Akõre baita berread̶ai panuu biꞌia kuitaad̶amera maud̶e biꞌia ijãad̶amera.

1 Corintios 2:12

Dachiba nau iujãad̶ebena kʉ̃risia adaud̶aabasii, maumaarã Dachi Akõre Jauri adausid̶au joma Dachi Akõreba ichi sõbiad̶eeba dead̶a kuitaad̶amera.

Gálatas 3:28

Mau jara b̶uu judio griego ome arab̶aud̶e panuu, chibari baita bari trajabarii chi chibariswãe nii ome arab̶aud̶e panuu, maud̶e mukĩra wẽra ome arab̶aud̶e panuu. Joma machi ẽbẽra ab̶a nii kĩra nureebʉ, Jesucristo ome ãbua nureed̶eeba.

Efesios 1:7

Ichi Warr oa chesiid̶eeba Dachi Akõreba dachi kachiruad̶ebena karibasii. Ichi mechiu sõbiad̶eeba dachiba kachirua wauped̶aad̶a joma perdonasii.

Efesios 3:16

Mʉʉba ʉtaa id̶i b̶uu ichi Jaurid̶eeba maud̶e ichiba ne bia ãrea uru b̶uud̶ebena ichi poyaabarii machimaa sõd̶e deamera. Maka machi chaarea nuread̶ai.

Efesios 3:3

Ichiba naed̶e kuitaabiwẽa b̶uad̶a mʉʉmaa kuitaabisii. Mau ʉ̃rʉbena mʉʉba nau kartad̶e b̶aꞌãra b̶ʉsii.

Efesios 6:22

Mʉʉba ichi machimaa bʉiruu kuitaad̶amera dai saka panuu. Mauba machi kĩrajʉʉbiai.

Filipenses 2:1

Cristod̶e kĩrajʉʉ panuud̶eeba, machi kĩrajʉʉbia b̶uu ichiba kʉ̃ria b̶uud̶eeba, Dachi Akõre Jauri machi ome b̶uud̶eeba maud̶e ichi kʉ̃riaba machi kĩra chuburia b̶uud̶eeba,

Filipenses 3:8

Biawãra mʉ Mechiu Jesucristo kuitaai ne joma audeara bibuara b̶uu. Mʉʉba kʉ̃risia b̶uad̶a ichi kakua joma ida b̶usii. Joma mau nejarr kĩra unusii Cristo kuitaai baita

Colosenses 1:26

Nabẽraed̶ebena ewarid̶e mau bed̶ea Dachi Akõreba kuitaabiawẽa b̶uasii, maamina id̶i mau bed̶ea ichi ẽbẽrarãmaa kuitaabiasii.

Colosenses 1:27

Mau bed̶ea naed̶e kuitaabiawẽa b̶uad̶a, ichid̶irãmaa kuitaabiasii. Mau bed̶ea bia chi judiowãerã baita bid̶a b̶uu. Ichiba kuitaabiawẽa b̶uad̶a nau: Cristo machi sõd̶e b̶uu. Ichid̶eeba kuitaa panuu ichi biad̶eeba ne adaud̶ai.

Colosenses 1:9

Maka ũrisid̶aud̶eed̶ebena daiba machi baita ewaricha Dachi Akõremaa ʉtaa id̶i panuu ichiba waubi kʉ̃ria b̶uu machimaa joma kuitaabiamera. Mau awara ʉtaa id̶i panuu ichiba maarãmaa kʉ̃risia kuitaa maud̶e kauwa ũri ichi Jaurid̶eeba joma deamera.

Colosenses 2:19

Ãchi Dachi Mechiu Cristo ome panuuwãe. Maamina ẽbẽrarã Cristod̶eeba ichid̶eeba ne joma uru panuu ichi ome ãbua biꞌia panad̶ai baita. Ichid̶eeba dachi waribadau Dachi Akõreba waribi b̶uu kĩra.

Colosenses 3:14

Mau awara waabenarã kʉ̃ria duanásturu. Maka machi jomaurã ome ãbua biꞌia duanad̶ai.

Colosenses 4:3

Dai baita ʉtaa id̶ísturu Dachi Akõreba poraa ewaaruu kĩra, Cristo ʉ̃rʉbena naed̶e kuitaabiwẽa b̶uad̶a ida jaradeabimera. Mau jaradea b̶uu kakua mʉ jʉ̃a uru panuu.

1 Tesalonicenses 1:5

Daiba chi bed̶ea bia Cristo ʉ̃rʉbena machimaa jaradeasid̶aud̶e bed̶eáturu berread̶aabasii. Maumaarã mau bed̶ea biawãra arakʉd̶e b̶uu kuitaa panuud̶eeba Dachi Akõre Jauri poyaabariid̶eeba berreasid̶au. Machiba kuitaa panuu dai saka machi tãed̶e nibaped̶aad̶a, machi biꞌia panad̶amera.

1 Tesalonicenses 5:14

Ãbarã, daiba chi chuburia id̶i panuu chi machi tãed̶e koꞌoa nureerãmaa kĩra ʉb̶ʉa berread̶amera. Chi sõd̶e kĩra nomaa nuree kĩrajʉʉbísturu, maud̶e chi poyaa dauchia jãadua nuread̶awẽa nuree maud̶e chi sõd̶e meserãa wãꞌãe nuree aid̶ásturu. Jomaurã ome dauchia jãadua panásturu.

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.

Hebreos 10:22

Cristoba dachi kʉ̃risia kachirua panad̶a jipa b̶usii dachi sõ ichi oaba jĩtod̶okaaruu kĩra. Dachi Akõre daad̶e biꞌia duanuu dachi kakua bania pawãraaba jeraad̶a kĩra. Maud̶eeba kʉ̃risia ab̶ad̶eeba maud̶e biawãra ijãa panuud̶eeba wãd̶ai panuu.

Hebreos 6:11

Daiba kʉ̃ria panuu machicha maka wau panad̶ai ab̶a biuduud̶aa. Maka b̶uubʉrã machiba Dachi Akõred̶eeba adaud̶ai esed̶au panuu joma adaud̶ai.

2 Pedro 1:10

Ãbarã, Dachi Akõreba machi iuped̶a jʉrʉ adausii. Biawãra maka nuree unubid̶ai baita chokekea panásturu. Maka wauduubʉrã b̶aed̶aabai.

2 Pedro 1:3

Dachi Akõre kuitaa panuud̶eeba, ichi poyaabariid̶eeba dachimaa ne joma deasii ichiba kʉ̃ria b̶uu kĩra nibad̶amera maud̶e ewaricha ichi ome chokae nuread̶amera. Ichi chi mechiud̶eeba maud̶e jipa niid̶eeba dachi iuped̶a ne mechiu maud̶e ne bia dachi baita waui asii. Maka wau b̶uud̶eeba nau iujãad̶ebenarãba kachirua wau kʉ̃ria panuu machiba ida b̶ud̶aped̶a poyaa ichi kĩra jipa nuread̶ai.

2 Pedro 3:18

Jesucristo Dachi Mechiu maud̶e Dachi Karibabarii ʉ̃rʉbena biꞌia kuitaa kãribásturu. Ichi sõbiad̶eeba warísturu. Id̶i maud̶e ewaricha ichimaa biꞌia berread̶ai panuu. Biꞌia b̶uu maka b̶uai.

1 Juan 3:19

Maud̶eeba kuitaa panuu dachi biawãra Dachi Akõred̶e. Maud̶e ara dachi sõd̶e kachirua wau panuu a kʉ̃risiaduubʉrã, Dachi Akõre daad̶e poyaa jirukaraayuwãe panad̶ai. Dachi Akõreba dachi ʉ̃rʉbena biꞌia kuitaa b̶uu chi dachi sõd̶e kʉ̃risia panuu audeara. Ichiba joma kuitaa b̶uu.

1 Juan 5:7

Maud̶e bajãad̶e õbea panuuba mau biawãra arab̶aud̶e jara panuu; Dachi Bajãad̶ebena Akõreba maka jara b̶uu, chi «Bed̶ea» abadauba maka jara b̶uu maud̶e ichi Jauriba maka jara b̶uu. Mau õbea panuu ab̶aburubʉ.