Colosenses 2:13 - Emberá Chamí

¹³ Cristod̶e ijãad̶ai naed̶e machi biu panasid̶au kachirua wau waubachid̶aud̶eeba. Maud̶e dachi kakuaba kachirua wau kʉ̃ria b̶uu waubachid̶au. Maamina Dachi Akõreba machi Cristo baara chokae duanubiasii. Joma dachiba kachirua wauped̶aad̶a ichiba perdonasii.

Colosenses 2:13 ပူးပေါင်းရင်းမြစ်များ

Lucas 15:32

“Maamina biꞌia b̶uu bichi ãba waya dachimaa neeruu, kĩrajʉʉ waud̶ayu. Ichi biu b̶uad̶a chokae jiradusii; barikiad̶e wã b̶uad̶a dachiba waya unusid̶au”».

Lucas 9:60

Jesusba ichimaa jarasii: —Chi biuped̶aad̶aba chi biud̶arã jau b̶ud̶ai panuu. Maamina bichiba ẽbẽrarãmaa jarad̶e wãse Dachi Akõreba ichid̶irã ichi juad̶e ua b̶uu ʉ̃rʉbena.

Juan 5:21

Mʉ Chachaba biud̶arã chokae jiradubiaped̶a chokae duanubiabarii kĩra, maka mʉ chi Warrba chi mʉʉba kʉ̃riakuaruu chokae duanubiabarii.

Juan 6:63

Dachi Akõre Jauríburu chokae b̶uabiabarii. Nau kakuaba poyaa maka waukau. Mʉʉba machimaa jaradea b̶uu Dachi Akõre Jauriba dachi chokae b̶uabiabarii ʉ̃rʉbena.

Romanos 4:17

Dachi Akõre bed̶ead̶e naka b̶ʉ kub̶uu: «Mʉʉba bichi b̶usii puuru ãrea akõre bamera». Biawãra Dachi Akõre daad̶e Abraham joma dachi, chi Dachi Akõred̶e ijãabadaurã akõrebʉ. Abrahamba ijãa b̶uasii chi biuped̶aad̶a chokae jiradubiabarii maud̶e Dachi Akõred̶e chi ne wãꞌãed̶ebena ne waubarii.

Romanos 6:13

Machi kakuamaa ida kachirua waubirã́sturu. Maumaarã ara machi Dachi Akõremaa deásturu. Machi kachiruad̶e biu panad̶a Dachi Akõre baita chokae paneesid̶au. Maud̶eeba machi chi kakua Dachi Akõremaa deásturu jipa waud̶ai baita.

Romanos 8:11

Maamina ichi Jauri machi sõd̶e b̶uud̶eeba, ichid̶eeba machi chi kakua biui b̶uu chokae jiradubii, Cristo Jesús chokae jiradubid̶a kĩra.

1 Corintios 15:36

¡Chi maka id̶i b̶uu kʉ̃risiaswãe nii! Ne uud̶a tonooruud̶e chi netaa e b̶eraabarii.

1 Corintios 15:45

Dachi Akõre bed̶ead̶e b̶ʉ kub̶uu: «Chi nabena ẽbẽra Adán abadau Dachi Akõreba chokae b̶uabisii». Maamina Cristo chi kaad̶ebena Adán abadau b̶usii ichi jaurid̶eeba chokae b̶uai deamera.

2 Corintios 3:6

Dachi Akõreba dai b̶usii ichiba ẽbẽrarãmaa bed̶ea chiwid̶i dead̶a poyaa jaradead̶amera. Mau bed̶ea chiwid̶i dead̶a Moisesba b̶ʉd̶a kĩra juaba b̶ʉd̶awãe, maumaarã Dachi Akõre Jauriba kuitaabi b̶uu. Moisesba b̶ʉd̶aba kuitaabi b̶uu kachirua wau panuu kakua ẽbẽrarã biud̶ai panuu, maamina Dachi Akõre Jauriba dachimaa chokae nibabiabarii.

2 Corintios 5:19

Biawãra Cristod̶eeba Dachi Akõreba nau iujãad̶ebenarã ichi ome waya ãbua duanabiasii. Dachiba kachirua wauped̶aad̶a joma perdonasii. Maud̶e mau bed̶ea ichi ome biꞌia b̶uai ʉ̃rʉbena daimaa deasii jaradead̶amera.

Efesios 2:1

Naed̶e machi biu panasid̶au, ijãad̶awẽa panasid̶aud̶eeba, kachirua waubachid̶aud̶eeba.

Efesios 2:11

Maud̶eeba kĩrabásturu machi judiowãerãd̶ebena adausid̶aud̶eeba, judiorãba machi «mukĩra chi kakua tõod̶awẽa nuree» abachid̶au. Ara ãchi «mukĩra chi kakua tõo nuree» abachid̶au, maamina ab̶a nau kakuad̶éburu ãyaa nuree.

Efesios 5:14

ʉ̃d̶aad̶e ne joma unubadaud̶eeba. Mau baita naka jarabadau: «Ʉ̃rʉmase bichi kãi b̶uu. Kachiruad̶e biu b̶uad̶a jiraduse. Maabae Cristoba bichi ʉ̃d̶aad̶e b̶ui».

Colosenses 2:12

Dachi Akõreba ichi poyaabariid̶eeba Cristo chi biud̶ad̶ebena chokae jiradubisii. Machiba Dachi Akõre maka poyaabarii nii ijãasid̶aud̶eeba boro easid̶aud̶e unubisid̶au Cristo ome jau b̶uped̶aad̶a maud̶e Dachi Akõreba machi Cristo ome chokae jiradubid̶a.

1 Timoteo 5:6

Maamina pẽdrãaba barikia wau b̶uai jʉrʉʉruubʉrã, chokae b̶umina biud̶a kĩra b̶uu.

1 Timoteo 6:13

Joma chokae nuree Dachi Akõred̶eeba chokae nuree. Ara mau Dachi Akõre daad̶e mʉʉba jaraaruu bichiba wau b̶uamera. Jesucristo daad̶e bid̶a arab̶aud̶e jaraaruu ichiba Poncio Pilato daad̶e chi bed̶ea biawãra jarad̶a kĩra. Mʉʉba nau jaraaruu: mʉʉba jaradea b̶uu kĩra jipa wau b̶uase, bichi ʉ̃rʉbena kachirua jarabiamaaba ab̶a Dachi Mechiu Jesucristo neeruud̶aa.

Hebreos 6:1

Maud̶eeba Cristod̶e kuitaa wari kãri bad̶ai panuu. Dachiba ichi ʉ̃rʉbena naed̶e kuitaaped̶aad̶a akabichia aramáturu jaradearã́duru. Waya jaradead̶aabai chi kachirua wau panuu kakua biud̶ai panuu, kachirua ida b̶ud̶aped̶a Dachi Akõremaa need̶ai panuu, Dachi Akõred̶e ijãad̶ai ʉ̃rʉbena, boro ead̶ai ʉ̃rʉbena, ãbarã ʉ̃rʉ jua kub̶uud̶ai ʉ̃rʉbena, biud̶arã chokae jiradud̶ai ʉ̃rʉbena maud̶e Dachi Akõreba kastikaped̶a ewaricha ãrea biꞌiwãe panad̶ai ʉ̃rʉbena sid̶a.

Hebreos 9:14

Maka baibʉrã, ¿Cristo oaba dachi biꞌia b̶uwẽka? Cristo kachiruaswãe nibasii. Dachi Akõre Jauri biukauba karibasiid̶eeba ara ichi ida beabisii ãnimara Dachi Akõremaa baa dearuu kĩra. Kachirua wau panuu kakua dachi biud̶ai panasid̶au. Maamina Cristoba ara ichi ida beabisiid̶eeba dachiba kachirua wauped̶aad̶a Dachi Akõreba perdonaped̶a dachi kʉ̃risia jipa b̶usii. Maka chi Dachi Akõre chokae niiba kʉ̃ria b̶uu, mau dachiba poyaa waud̶ai.

Santiago 2:17

Ara mau kĩra chi Jesucristod̶e ijãa b̶uu a b̶uuba biꞌia wauwẽebʉrã, biawãra ijãawẽa b̶uu. Mauba ijãa b̶uu a b̶uu, ẽbẽra biud̶a kĩra nii.

Santiago 2:20

¡Bichi kʉ̃risiaswãe nii! Chi Jesucristod̶e ijãa b̶uu a b̶uuba biꞌia wauwẽebʉrã biawãra ijãawẽa b̶uu. ¿Mʉʉba bichimaa kuitaabii b̶uka?

Santiago 2:26

Biud̶a jauri wãꞌãe nii. Ara mau kĩra Dachi Akõred̶e ijãa b̶uu a b̶uuba biꞌia wauwẽebʉrã, biawãra ijãawẽa b̶uu. Ichiba ijãa b̶uu a b̶uu ẽbẽra biud̶a kĩra nii.

1 Juan 2:12

Warrarã, mʉʉba nau karta machi baita b̶ʉ b̶uu Dachi Akõreba Cristod̶eeba machi kachirua perdonasiid̶eeba.