Colosenses 1:9 - Emberá Chamí

⁹ Maka ũrisid̶aud̶eed̶ebena daiba machi baita ewaricha Dachi Akõremaa ʉtaa id̶i panuu ichiba waubi kʉ̃ria b̶uu machimaa joma kuitaabiamera. Mau awara ʉtaa id̶i panuu ichiba maarãmaa kʉ̃risia kuitaa maud̶e kauwa ũri ichi Jaurid̶eeba joma deamera.

Colosenses 1:9 ပူးပေါင်းရင်းမြစ်များ

Juan 7:17

Chi Dachi Akõreba kʉ̃ria b̶uu waui baita b̶uuba arakʉd̶e kuitaai chi mʉʉba jaradea b̶uu Dachi Akõred̶ebena neeruu, maebʉrã ara mʉ kʉ̃risiad̶eeba jaradea b̶uu.

Hechos 12:5

Pedro jʉ̃abaud̶e jidau uru panuumisa ãbarãba Dachi Akõremaa ãrea ʉtaa id̶i panasid̶au ichi karibamera.

Romanos 12:2

Nau iujãad̶ebenarãba waubadau kĩra nibarã́sturu, maumaarã kʉ̃risia wid̶i Dachi Akõreba dea b̶uu kakua jipa nibásturu. Maka machiba kuitaad̶ai chi Dachi Akõreba kʉ̃ria b̶uu. Joma ichiba kʉ̃ria b̶uu biꞌia b̶uu, jipa b̶uu maud̶e ichiba biꞌia unu b̶uu.

1 Corintios 1:5

Jesucristo ome panuud̶eeba Dachi Akõreba machimaa joma deasii biꞌia waud̶amera. Ichi bed̶ea poyaa kuitaa jaradea panad̶ai maud̶e ichi ʉ̃rʉbena poyaa ãrea kuitaa panad̶ai.

Efesios 1:8

Ichi sõbiad̶eeba dachi ãrea aid̶aped̶a joma kʉ̃risia kuitaa maud̶e kʉ̃risia kauwa dachimaa deasii.

Efesios 5:10

Dachi Mechiuba biꞌia unu b̶uu kuitaad̶ai baita jʉrʉ́sturu.

Efesios 5:17

Kʉ̃risiaswãe nuree kĩra nurearã́sturu, maumaarã ãrea kuitásturu kãare Dachi Mechiuba waubi b̶uu.

Efesios 6:6

Ichiba ichia b̶uud̶éburu maka waurã́sturu, ichi ome biꞌia nuread̶ai baita. Maumaarã sõd̶eeba wáusturu, machi Cristo baita bari trajabadaurãd̶eeba. Dachi Akõreba maka kʉ̃ria b̶uu.

Filipenses 1:4

Dachi Akõremaa ʉtaa id̶iiruucha mʉʉba machi baita kĩrajʉʉ ʉtaa id̶ibarii,

Colosenses 1:6

machimare ũrisid̶aud̶e Dachi Akõreba ichi sõbiad̶eeba machi biawãra karibai b̶uu joma kuitaasid̶au. Ara mau kĩra mau ewarid̶eed̶ebena joma druacha ẽbẽrarãba mau bed̶ea ãrea ijãamaa duanuu nejõo bakuru chaubarii kĩra.

Colosenses 3:16

Bed̶ea Cristo ʉ̃rʉbena machi sõd̶e uru panásturu. Joma Dachi Akõre kuitaad̶eeba chiya jaradeásturu maud̶e chiya aid̶ásturu biꞌia ijãad̶ai baita. Dachi Akõre bed̶ead̶e b̶ʉ kub̶uu karísturu, ãbarãba karibadau maud̶e Dachi Akõre Jauriba karibi b̶uu sid̶a Dachi Akõremaa karísturu. Sõd̶eeba ichíturu kid̶ibai jara panuud̶eeba karísturu.

Colosenses 4:12

Machi puurud̶ebena Jesucristo baita bari trajabarii Epafrasba jarabʉi b̶uu machi biꞌia panad̶ai. Ichiba ewaricha Dachi Akõremaa ʉtaa id̶i b̶uabarii machi ne jomad̶e dauchia jãadua nuread̶amera, ãrea ijãa panad̶amera, maud̶e joma Dachi Akõreba waubi kʉ̃ria b̶uu kuitaad̶aped̶a waud̶amera.

Colosenses 4:5

Cristod̶e ijãad̶akaurã tãed̶e kʉ̃risia kauwa nibásturu. Ewaricha jʉrʉ́sturu ichi ʉ̃rʉbena maarãmaa kuitaabiad̶ai baita.

1 Tesalonicenses 1:3

Daiba Dachi Akõre daad̶e ewaricha kĩraba panuu machiba Dachi Akõred̶e ijãa panuud̶eeba biꞌia wau panuu, kʉ̃riad̶eeba waabenarã kariba panuu maud̶e Dachi Mechiu Jesucristoba machi karibai ida b̶ud̶awẽa esed̶au panuu.

1 Tesalonicenses 5:17

Ida b̶ud̶ayuwãe Dachi Akõremaa ʉtaa id̶i panásturu.

2 Tesalonicenses 1:11

Maud̶eeba daiba ewaricha Dachi Akõremaa ʉtaa id̶ibadau ichiba machi biꞌia unumera. Ichiba machi mau kakua iusii. Daiba ʉtaa id̶i panuu Dachi Akõreba ichi poyaabariid̶eeba machi ne jomad̶e aid̶amera. Maka ichid̶e ijãa panuud̶eeba biꞌia wau kʉ̃ria panuu joma waud̶ai.

Filemón 1:4

Mʉʉba Dachi Akõremaa ʉtaa id̶iiruucha bichi baita ichíturu kid̶ibai abarii.

Filemón 1:6

Mʉʉba Dachi Akõremaa ʉtaa id̶i b̶uu Cristod̶e ijãabadaurã ome bichi ãrea biꞌia b̶uamera. Maka joma ne bia dachiba Jesucristod̶eeba uru panuu bichiba ãrea kuitaai.

Hebreos 10:36

Machiba mau joma esed̶au panad̶ai panuu. Makaburu Dachi Akõreba kʉ̃ria b̶uu waud̶aped̶a ichiba deai jarad̶a joma adaud̶ai.

Hebreos 13:21

Mʉʉba kʉ̃ria b̶uu ara mau Dachi Akõreba ne joma biꞌia machimaa wau kuitaabiai, ichiba kʉ̃ria b̶uu kĩra poyaa waud̶amera. Maud̶e kʉ̃ria b̶uu Jesucristod̶eeba ichiba dachi sõd̶e ne joma waui ichiba kʉ̃ria b̶uu kĩra nuread̶amera. Dachiba ewaricha Jesucristomaa biꞌia berread̶ai panuu. Biꞌia b̶uu maka b̶uai.

Santiago 1:5

Machid̶ebena ab̶aba kʉ̃risia kuitaawẽa niibʉrã, Dachi Akõremaa ʉtaa id̶ii b̶uu. Maabae Dachi Akõreba deai. Ichimaa ʉtaa id̶iiduubʉrã iadaawẽa sõbiad̶eeba jomaurãmaa deabarii.

Santiago 3:17

Maamina chi Dachi Akõreba dea b̶uu kʉ̃risia kuitaa uru nureerãba ne jomad̶e jipa waubadau, jomaurã ome jirukaraayuwãe nuread̶ai baita jʉrʉbadau, jomaurã ome biꞌia panabadau, ab̶auba jara b̶uu ũrid̶ai baita panabadau, waabenarã kĩra chuburiabadau maud̶e ne joma biꞌia waubadau. Ab̶a waabenarã audeara biꞌia waud̶akau. Ichiba jara b̶uu kĩra biawãra waubarii.

1 Pedro 2:15

Dachi Akõreba kʉ̃ria b̶uu machiba biꞌia wau panad̶ai. Maka machiba chi kʉ̃risiaswãe nuree chũpeabid̶ai, adua panuud̶ebena machi ʉ̃rʉbena kachirua jarabadaud̶eeba.

1 Pedro 4:2

Mau ẽbẽraba wabid̶a nau iujãad̶e b̶uud̶e nau kakuaba kachirua wau kʉ̃ria b̶uu wau b̶uawẽma, maumaarã Dachi Akõreba kʉ̃ria b̶uu wau b̶uai.

1 Juan 2:17

Nau iujãa kachirua maud̶e joma chi kachirua ẽbẽrarãba wau kʉ̃ria panuu wãꞌãe bai. Maamina chi Dachi Akõreba jara b̶uu bed̶ea wau b̶uu ewaricha ichi ome chokae b̶uai.

1 Juan 5:20

Kuitaa panuu Dachi Akõre Warr neesii maud̶e kʉ̃risia kuitaa dachimaa deasii Dachi Akõre biawãra unud̶amera. Ichi Warr Jesucristo ome panuud̶eeba dachi biawãra Dachi Akõre ome panuu. Mau biawãra Dachi Akõrebʉ. Mauba ẽbẽrarãmaa ichi ome ewaricha chokae nuread̶ai deabarii.