Colosenses 1:6 - Emberá Chamí

⁶ machimare ũrisid̶aud̶e Dachi Akõreba ichi sõbiad̶eeba machi biawãra karibai b̶uu joma kuitaasid̶au. Ara mau kĩra mau ewarid̶eed̶ebena joma druacha ẽbẽrarãba mau bed̶ea ãrea ijãamaa duanuu nejõo bakuru chaubarii kĩra.

Colosenses 1:6 ပူးပေါင်းရင်းမြစ်များ

Mateo 24:14

Maud̶e chi bed̶ea bia Dachi Akõreba ichid̶irã ichi juad̶e ua b̶uu ʉ̃rʉbena joma nau druad̶e jaradead̶ai puurucha ũrid̶amera. Mau maad̶akare nau ewari baribai.

Mateo 28:19

Maud̶eeba joma puuru b̶eecha wãd̶aped̶a jaradeásturu mʉ baara wãd̶amera. Maarã Dachi Akõre trʉ̃d̶eeba, chi Warr trʉ̃d̶eeba, Dachi Akõre Jauri trʉ̃d̶eeba boro eásturu.

Marcos 16:15

Maabae Jesusba ãchimaa jarasii: «Druacha wãd̶aped̶a chi bed̶ea bia mʉ ʉ̃rʉbena jomaurãmaa jarásturu.

Marcos 4:8

Maamina chi waabenarã netaa ioro biad̶e b̶aesid̶au. Mau tonod̶aped̶a, warid̶aped̶a ãrea chausid̶au. Chi nuree netaa ab̶ad̶ebena 30 deasii, 70 maebʉrã 100».

Juan 15:16

Machiba mʉ jʉrʉ adaud̶aabasii. Mʉaburu machi jʉrʉ adausii. Bakuru jõ b̶eraakau chaubarii kĩra, mʉʉba machi b̶usii wãd̶aped̶a biꞌia waud̶amera. Mʉʉba machi jʉrʉ adausiid̶eeba machiba mʉ Chachamaa mʉ trʉ̃d̶eeba id̶iiduu ichiba deai.

Juan 17:19

Maarã kakua mʉ bichimaa dearuu. Machi baita makaaruu, maarãba ara ãchi chi biawãra bichimaa dead̶amera.

Juan 4:23

Maamina chi ewari neei b̶uad̶a neesii. Id̶ibae Dachi Akõreba kʉ̃ria b̶uu ẽbẽrarãba chi nureemarebenad̶eeba ichimaa ichi Jaurid̶eeba biꞌia berread̶ai maud̶e biawãra kuitaa panuud̶eeba. Ab̶a makaburu ichimaa arakʉd̶e biꞌia berread̶ai.

Hechos 11:18

Jerusalend̶ebena ãbarãba mau ũrisid̶aud̶e waa kachirua jarad̶aabasii, maumaarã Dachi Akõremaa naka biꞌia berreasid̶au: —¡Biawãra Dachi Akõreba judiowãerã karibasii ãchi kachirua ida b̶ud̶aped̶a ichimaa need̶amera! ¡Maka ewaricha ichi baara chokae panad̶ai!

Hechos 12:24

Chi Dachi Mechiu bed̶ea kaitawẽ jaradead̶e wãbachid̶au maud̶e ãreaba mau ijãasid̶au.

Hechos 16:14

Mau wẽrarãd̶ebena ab̶a Lidia abachid̶au. Mau Tiatira puurud̶ebena basii. Paru pupuchia b̶ee nedobʉibachii. Mau judiowãe wẽraba Dachi Akõre wapeadee b̶uasii. Dachi Mechiuba ichi sõ wausiid̶eeba Pabloba berrea b̶uu Lidiaba kauwa ũriped̶a ijãasii.

Romanos 1:13

Ãbarã, mʉʉba kʉ̃ria b̶uu machiba kuitaad̶ai biawãra b̶es ãrea machimaa wãi kʉ̃risia b̶uabarii. Maamina wabid̶a poyaa wãwẽa b̶uu. Machimaa wã kʉ̃ria b̶uu mʉʉba jaradea b̶uud̶eeba arabenarãba Jesucristod̶e ijãad̶amera waabenarã druad̶ebenarãba ijãaped̶aad̶a kĩra.

Romanos 15:19

maud̶e ẽbẽrarãba ne poyaa waud̶akau wau b̶uud̶eeba maka aid̶asii. Mʉʉba Dachi Akõre Jauri poyaad̶eeba joma mau wausii. Jerusalend̶ebena Ilírico druad̶aa bed̶ea bia Cristo ʉ̃rʉbena mʉʉba joma jaradeai b̶uad̶amaa jaradeasii.

Romanos 15:28

Mau chi nejarra ãbarã Jerusalend̶ebenarãmaa dearuud̶e mʉ España druad̶aa wãi. Wãaruud̶e machimaa wãi.

2 Corintios 10:14

Dai machimaa naa chi bed̶ea bia Cristo ʉ̃rʉbena jaradead̶e wãsid̶au. Maka b̶uad̶awãe basirã id̶ibae machimaa jaradeaduud̶e, Dachi Akõreba bʉid̶awãemaa panad̶aabai basii.

2 Corintios 6:1

Daiba Dachi Akõre ome ichi traju wau panuud̶eeba, machimaa chi chuburia id̶iiduu Dachi Akõreba ichi sõbiad̶eeba kariba b̶uu ʉ̃rʉbena ida b̶urãad̶amera.

Efesios 3:2

Mʉʉmaarã machiba ãrea kuitaa panuu Dachi Akõreba ichi sõbiad̶eeba mʉ b̶usii machimaa jaradeamera.

Efesios 4:21

Ãbarãba chi biawãra bed̶ea Cristo ʉ̃rʉbena biꞌia jaradeasid̶au maud̶e biawãra machiba ichi ʉ̃rʉbena ũrid̶aped̶a ijãasid̶au.

Efesios 4:23

Maumaarã Dachi Akõremaa machi kʉ̃risia wid̶i ida waubiásturu.

Efesios 5:9

Ʉ̃d̶aad̶e nibaaruubʉrã sõbia nuread̶ai, jipa waud̶ai maud̶e biawãrad̶eeba nibad̶ai.

Filipenses 1:11

Mʉʉba ʉtaa id̶i b̶uu machi Jesucristod̶eeba ne jomad̶e jipa nuread̶amera. Maka ẽbẽrarãba Dachi Akõre chi mechiu nii ad̶ai maud̶e ichimaa biꞌia berread̶ai.

Filipenses 4:17

Mʉʉba id̶iwẽa b̶uu machiba ne urubʉid̶amera, maumaarã kʉ̃ria b̶uu biꞌia wau panuud̶eeba Dachi Akõreba machi biꞌia aid̶ai.

Colosenses 1:10

Maka machi poyaa jipa nibad̶ai Dachi Mechiuba kʉ̃ria b̶uu kĩra maud̶e ne jomad̶e ichiba machi biꞌia unui. Biawãra machiba ne joma biꞌia wau panuud̶eeba nejõo biꞌia chaubarii kĩra duanad̶ai maud̶e Dachi Akõre biꞌia unu kãribad̶ead̶ai.

Colosenses 1:23

Maud̶eeba Cristod̶e ãrea ijãa panuud̶eeba dauchia jãadua nuread̶ai panuu. Chi bed̶ea bia Cristo ʉ̃rʉbena machiba ũriped̶aad̶a ida b̶ud̶aabai panuu, maumaarã Dachi Akõreba deai jarad̶a esed̶aud̶ai panuu. Mau bed̶ea bia joma nau iujãad̶e jaradea panuu. Ara mau bed̶ea mʉa bid̶a jaradea b̶uu.

1 Tesalonicenses 1:5

Daiba chi bed̶ea bia Cristo ʉ̃rʉbena machimaa jaradeasid̶aud̶e bed̶eáturu berread̶aabasii. Maumaarã mau bed̶ea biawãra arakʉd̶e b̶uu kuitaa panuud̶eeba Dachi Akõre Jauri poyaabariid̶eeba berreasid̶au. Machiba kuitaa panuu dai saka machi tãed̶e nibaped̶aad̶a, machi biꞌia panad̶amera.

1 Tesalonicenses 2:13

Daiba ewaricha machi baita Dachi Akõremaa ichíturu kid̶ibai abadau. Machiba Dachi Akõre bed̶ea daid̶eeba ũrisid̶aud̶e ẽbẽra kʉ̃risia kĩra ijãad̶aabasii. Maumaarã mau bed̶ea biawãra chi Dachi Akõre bed̶ea kuitaaped̶aad̶ad̶eeba ijãasid̶au. Ara mau bed̶eaba machi chi Cristod̶e ijãabadaurãmaa biꞌia waubia b̶uu.

2 Tesalonicenses 2:13

Ãbarã, daiba ewaricha machi baita Dachi Akõremaa ichíturu kid̶ibai abadau. Dachi Mechiuba machi kʉ̃ria b̶uu. Ichiba arab̶aed̶eed̶e machi jʉrʉ adausii karibai baita. Machiba ichi bed̶ea biawãra ijãa panuud̶eeba maud̶e ichi Jauriba machi ichi baita biꞌia b̶ud̶ad̶eeba aid̶ai.

1 Pedro 5:12

Ãba Silvanoba nau karta cheke aid̶a b̶ʉsii. Mʉʉba kuitaa b̶uu ara ichiba jara b̶uu kĩra joma waubarii. Nau kartad̶eeba mʉʉba machi aid̶a kʉ̃ria b̶uu biꞌia ijãad̶amera. Maud̶e kuitaabiai kʉ̃ria b̶uu biawãra Dachi Akõreba ichi sõbiad̶eeba aid̶a b̶uu. Mau ijãa panásturu.