Colosenses 1:21 - Emberá Chamí

²¹ Kachirua wau panuud̶eeba machi mau naed̶e Dachi Akõred̶ebena awara nureasii maud̶e machiba kachirua kʉ̃risia panuud̶eeba Dachi Akõre kĩramaa panasid̶au.

Colosenses 1:21 ပူးပေါင်းရင်းမြစ်များ

Romanos 1:30

Waabenarã ʉ̃rʉbena kachirua berreabadau, Dachi Akõre kĩramaabadau maud̶e waabenarã daad̶e kachirua berreabadau. Waabenarã audeara chi bibuara nuree a kʉ̃risiabadau maud̶e maka jarabadau. Waabenarã kachirua waud̶ai baita jʉrʉbadau. Ãchi akõrerã bed̶ea ũrid̶akau.

Efesios 2:12

Kĩrabásturu naed̶e machi Cristowãe nureasii maud̶e israeld̶ebenarãwãe basii. Dachi Akõre ãchi ome bed̶ea deasiid̶e ichiba machimaa ab̶a bid̶a deai bad̶a jaraabasii. Mau awara machi saka biꞌia nuread̶aiswãe panasid̶au maud̶e nau druad̶e Dachi Akõreswãe nureasii.

Efesios 2:15

Moisesba b̶ʉd̶aba ne ãrea waubiabachii judiorã, judiowãerã awara b̶ui baita. Maamina Cristo biud̶ad̶eeba Moisesba b̶ʉd̶a awara b̶usii puuru wid̶i ab̶ad̶e duanad̶amera maud̶e ãbua jirukaraayuwãe duanad̶amera.

Efesios 2:19

Maud̶eeba machi judiowãerã waa drua ãid̶ebenarã kĩra nuread̶aabai, maumaarã Dachi Akõre puurud̶ebenarã ome ãbua panuu; machi ẽbẽrarã Dachi Akõred̶erãbʉ.

Efesios 4:18

Ãchi kʉ̃risia pãriud̶e duanuud̶eeba Dachi Akõre ʉ̃rʉbena kuitaad̶akau. Ãchi sõ chaareaba Dachi Akõre adua nureed̶eeba, chi ichiba chokae duanubiai b̶uu wãꞌãe nuree.

Santiago 4:4

Junebena wẽra ome kãiduu kĩra machiba Dachi Akõre ida b̶uu panuu nau iujãad̶ebenarãba waubadau kĩra waud̶ai baita. ¿Machiba wabid̶a adua panuka chi nau iujãad̶ebena kʉ̃ria b̶uu Dachi Akõre ome chi kĩramaa? Biawãra barikiuba nau iujãad̶ebena kʉ̃ria b̶uubʉrã, Dachi Akõre ome chi kĩramaa b̶eei.